Ɛkliziastis 10:11 - Krio Fɔs Oli Baybul

¹¹ If snek bɛt pɔsin bifo di man we de kech snek, kech am, nid nɔ de fɔ gɛt pɔsin we de kech am.

Ɛkliziastis 10:11 Referans Kwoze

Jɛrimaya 8:17

Bikɔs, a de sɛn snek dɛm go tap wit una da smɔl ɛn pɔyzinɔs snek we dɛn nɔ go ebul tem, ɛn dɛn go bɛt una, Na so PAPA GƆD se.

Jems 3:6

Wi mɔt tan lɛkɛ faya. Soso bad ful insay wi mɔt ɛn we wi mɔt na wan pat pan wi bɔdi, i de mek ɔl wi bɔdi bad. Wi mɔt de pwɛl wi frɔm di tɛm we wi bɔn sote wi day. Dɛn bad tin we de kɔmɔt na wi mɔt kɔmɔt to Setan na ɛl.

Prɔvabs 18:21

Dis mɔt, nain de mek, nain de pwɛl; aw yu yuz am, na so yu go bɛnifit.

Di Sam Dɛm 64:3

Di wɔd na dɛn mɔt shap pas nɛf, dɛn wɔd dɛn tan lɛk pɔyzin we kin kil pɔsin

Di Sam Dɛm 52:2

Yu de pwɛl ɔda pipul wit yu mɔt we shap lɛk pɛn nɛf ɛn ful wit soso lay ɛn koŋosa.

Jems 3:8

bɔt nɔbɔdi nɔ de we ebul kɔntrol in mɔt; wi mɔt na tin we nɔ de sɛt, wi de tek am tɔk bad tin. Dɛn bad tin ya na lɛkɛ pɔyzin, dɛn de kil.

Ɛkliziastis 10:10

If nɛf dɔn dɔl ɛn dɛn nɔ shap am, pɔsin gɛt fɔ pul trɛnk fɔ kɔt wit am; bɔt sɛns de mek pɔsin sɔksid.

Di Sam Dɛm 58:6

PAPA GƆD, duya brok brok dɛn wan we de mek lɛk layɔn dɛn tit ɛn pul dɛn kɔmɔt na dɛn mɔt.