Ɛkliziastis 1:8 - Krio Fɔs Oli Baybul

⁸ Ɔltin na wɔl kin mek yu fɛdɔp; mɔtalman mɔt nɔ ebul fɔ tɔk am; yay nɔ de taya fɔ si, ɛn yes nɔ de taya fɔ yɛri.

Ɛkliziastis 1:8 Referans Kwoze

Prɔvabs 27:20

Lɛkɛ aw grev yad ɛn bɛriŋrɔn nɔ de bɛlful, na so mɔtalman sɛf nɔ de satisfay.

Matyu 11:28

“Una kam to mi, una ɔl we dɔn taya fɔ tot ebi lod, a go pul di lod kɔmɔt pan una ed, mek una go blo.

Ɛkliziastis 4:8

Pɔsin we nɔ gɛt nɔbɔdi; we nɔ gɛt pikin ɔ ivin brɔda, bɔt de wok traŋa traŋa wan ɛn nɔ de satisfay wit wetin dɛn gɛt, nɔ de ɛva sidɔm ɛn aks insɛf se udat dɛn de wok ɔl da wok de fɔ, ɛn nɔ de ebul ɛnjɔy in layf. Dis sɛf na natin ɛn nɔ de mek pɔsin gladi.

Matyu 5:6

“Dɛn wan we want fɔ du ɔl wetin Gɔd want pas ɛni ɔda tin, gɛt blɛsin, bikɔs Gɔd go mek dɛn ebul du dat!

Ɛkliziastis 2:26

Udat de wok fɔ pliz PAPA GƆD, PAPA GƆD de gi am mɔ sɛns ɛn mek i gladi; bɔt fɔ sina, PAPA GƆD de mek i wok ɛn kip bɔku tinks ɛn mɔni so dat i go ɛp di wan we de pliz PAPA GƆD. Dis insɛf na fɔ natin, ɛn i tan lɛk we pɔsin de tray fɔ kech briz.

Ɛkliziastis 2:11

Dɔn a bigin tink bɔt ɔl wetin a bin dɔn du ɛn aw a wok traŋa wan fɔ du dɛn, bɔt oya, ɔl na fɔ natin. I tan lɛk we pɔsin de rɔnata briz; i nɔ de prɔfit pɔsin natin na dis wɔl.

Di Sam Dɛm 63:5

A go tan lɛk we pɔsin satisfay afta i dɔn it gud it ɛn a go gladi fɔ siŋ prez to yu.

Ɛkliziastis 1:7

Ɔl dɛn watasay de rɔn go na di si, bɔt di si nɔ de ful; Na usay di wata de go ɔltɛm, na de i de go ɔltɛm.

Egay 1:9

I se we dɛn kin dɔn plant, dɛn de abop se na bɔku tin dɛn go gɛt, bɔt usay! Di smɔl bit sɛf we dɛn kin briŋ kam na os kin jɛs skata lɛk na briz blo ɔl go. Dis na bikɔs dɛn jɛs lɛf Papa GƆD in os fɔ de brokbrok wan ɛn ɔlman bizi de mek in yon os fayn.

Ɛkliziastis 6:7

Ɔl wetin pɔsin de yagba fɔ, na fɔ mek i gɛt wetin fɔ it, bɔt pan ɔl dat, di bɛlɛ nɔ de satisfay.