Ɛkliziastis 1:2 - Krio Fɔs Oli Baybul

² Di Pricha se di natin we pas ɔl natin na wɔl! Di natin we pas ɔl natin na wɔl! Ɔl na fufafu.

Ɛkliziastis 1:2 Referans Kwoze

Di Sam Dɛm 144:4

Mɔtalman layf na lɛk briz; i kin lɔs kwik lɛkɛ shado.

Lɛta Fɔ Rom 8:20

Gɔd mekɔp se ɔltin we i mek nɔ go min natin bambay, dɛn ɔl nɔ want dat fɔ bi, bɔt na dat Gɔd want. Ɔltin we Gɔd mek de abop se,

Ɛkliziastis 5:10

Pɔsin we lɛk mɔni nɔ de ɛva satisfay wit mɔni; ɛn udat lɛk jɛntri nɔ de satisfay wit in prɔfit: dis insɛf na fɔ natin.

Ɛkliziastis 12:8

Di pricha se, di natin we pas ɔl natin na wɔl, ɔl na fufafu.

Ɛkliziastis 2:26

Udat de wok fɔ pliz PAPA GƆD, PAPA GƆD de gi am mɔ sɛns ɛn mek i gladi; bɔt fɔ sina, PAPA GƆD de mek i wok ɛn kip bɔku tinks ɛn mɔni so dat i go ɛp di wan we de pliz PAPA GƆD. Dis insɛf na fɔ natin, ɛn i tan lɛk we pɔsin de tray fɔ kech briz.

Ɛkliziastis 2:19

ɛn yu no if i go bi sɛnsman ɔ fulman! Pan ɔl dat, i go kam bi masta fɔ ɔl wetin a dɔn swɛt ɛn yuz mi sɛns fɔ gɛt na dis wɔl. Ɔl na fɔ natin.

Ɛkliziastis 2:11

Dɔn a bigin tink bɔt ɔl wetin a bin dɔn du ɛn aw a wok traŋa wan fɔ du dɛn, bɔt oya, ɔl na fɔ natin. I tan lɛk we pɔsin de rɔnata briz; i nɔ de prɔfit pɔsin natin na dis wɔl.

Ɛkliziastis 2:23

Ɔl mɔtalman in layf na pen ɛn wɔri. Ivin na nɛt we i de slip, in at nɔ de rɛst. Dat sɛf na fɔ natin.

Ɛkliziastis 2:17

So a gens wit layf, bikɔs man jɛs de yagba fɔ natin. Ɔl na fɔ natin. I tan lɛk we pɔsin de tray fɔ kech briz.

Ɛkliziastis 11:8

Pipul dɛn we gɛt lɔŋ layf fɔ ɛnjɔy dɛnsɛf ɔltɛm; bɔt lɛ dɛn mɛmba se di bita de dɛn go plɛnti. Ɔl dɛn tɛm dɛn de na fɔ natin.

Ɛkliziastis 6:11

Di mɔ pɔsin de tɔk tɔk, na di mɔ yu de si se layf na fɔ natin; aw naw yu go se wan pɔsin bɛtɛ pas in kɔmpin.

Ɛkliziastis 4:8

Pɔsin we nɔ gɛt nɔbɔdi; we nɔ gɛt pikin ɔ ivin brɔda, bɔt de wok traŋa traŋa wan ɛn nɔ de satisfay wit wetin dɛn gɛt, nɔ de ɛva sidɔm ɛn aks insɛf se udat dɛn de wok ɔl da wok de fɔ, ɛn nɔ de ebul ɛnjɔy in layf. Dis sɛf na natin ɛn nɔ de mek pɔsin gladi.

Ɛkliziastis 4:4

A si se ɔl di wok ɛn sɛns we mɔtalman de sho pan in wok na bikɔs i wan tan lɛk ɔda pɔsin. Bɔt ɔl dat na fɔ natin. I tan lɛk we yu de tray fɔ kech briz.

Ɛkliziastis 3:19

Mɔtalman ɛn animal de ɛnd di sem we; na day wi dɛn gɛt fɔ day. Na di sem kayn layf ɔltu gɛt, ɛn mɔtalman nɔ bɛtɛ pas animal; ɔl na fɔ natin.

Ɛkliziastis 2:21

bikɔs sɔntɛm kin de we pɔsin we kin dɔn yuz in sɛns ɛn lebɔ dɔn na wɔl, kin gɛt fɔ lɛf ɔltin fɔ ɔda pɔsin we nɔ wok fɔ am, fɔ ɛnjɔy am. Dat sɛf na fɔ natin ɛn dat na bad bad tin.

Ɛkliziastis 11:10

Pul vɛksteshɔn kɔmɔt na yu at ɔltogɛda, lɛ yu nɔ go gɛt pen; bikɔs we pɔsin yɔŋ ɛn we i jɛs bigin layf, na fɔ natin.

Ɛkliziastis 4:16

We i bi kiŋ, i go gɛt fɔ rul ɔlman ɛn di wan dɛn we go bi kiŋ afta am nɔ go gladi wit wetin i du. Dis insɛf na fɔ natin ɛn i tan lɛk we pɔsin de tray fɔ kech briz.

Ɛkliziastis 2:15

A tɛl misɛf se, wetin de bi to di fulman go bi to misɛf, so wetin mek a gɛt ɔl dis sɛns? So a tɛl misɛf se dat sɛf na fɔ natin.

Job 11:12

Fulman go gɛt sɛns wɛn wayl dɔŋki bigin biev lɛk mɔtalman.

Di Sam Dɛm 89:47

Mɛmba se, layf shɔt. Na so yu mek wi, mɔtalman.

Ɛkliziastis 2:8

A gɛda jɛntri fɔ misɛf frɔm di ples we dɛn de kip kiŋ dɛn kɔpɔ na ɔl di land dɛn we a de rul; a gɛt man ɛn uman dɛn fɔ siŋ fɔ mi, ɛn bɔku switat, wetin mɔtalman lɛk.