Ɛkliziastis 1:17 - Krio Fɔs Oli Baybul

¹⁷ A tray ɛn fɛnɔt wetin i min fɔ gɛt sɛns, fɔ kres ɛn fɔ fulish. A fɛnɔtt se ɔl dat sɛf na fɔ natin.

Ɛkliziastis 1:17 Referans Kwoze

Ɛkliziastis 2:3

A se mek a si aw i tan fɔ drink rɔm– bɔt a bin stil de yuz mi sɛns we bin de gyad mi. A bin wan no igen aw fulish pɔsin kin fil, so dat a go no wetin gud fɔ mɔtalman na dis wɔl we na shɔt tɛm nɔmɔ i gɛt na wɔl.

Fɔs Lɛta Fɔ Tɛsalonayka 5:21

Una fɔ tray ɔl di mɛsej dɛn fɔ no uswan na Gɔd yon. Una fɔ tek di wan we gud.

Ɛkliziastis 2:17

So a gens wit layf, bikɔs man jɛs de yagba fɔ natin. Ɔl na fɔ natin. I tan lɛk we pɔsin de tray fɔ kech briz.

Ɛkliziastis 4:4

A si se ɔl di wok ɛn sɛns we mɔtalman de sho pan in wok na bikɔs i wan tan lɛk ɔda pɔsin. Bɔt ɔl dat na fɔ natin. I tan lɛk we yu de tray fɔ kech briz.

Ɛkliziastis 4:6

Wan mɔndɔ kwayɛt layf bɛtɛ pas tu mɔndɔ yagba fɔ natin lɛk fɔ rɔnata briz.

Ɛkliziastis 6:9

We yu si sɔntin, bɛtɛ pas we yu de swɛla pit fɔ tin we yu nɔ si; ɔl na fɔ natin ɛn i tan lɛk we pɔsin de tray fɔ kech briz.

Ɛkliziastis 9:3

Wan bad bad tin de bi na di wɔl; dat na we na di sem kayn tin de apin to ɔlman. Wetin bad mɔ, na dat na so so bad bad tin de na dɛn at; na kres kres tin kin de na dɛn at we dɛn de na wɔl. Afta ɔl dat, dɛn kin day go.

Di Sam Dɛm 73:16

Wɛn a tray fɔ tink bɔt aw yu no ɔltin; a nɔ ebul bikɔs i mek a fil bad.

Ɛkliziastis 3:19

Mɔtalman ɛn animal de ɛnd di sem we; na day wi dɛn gɛt fɔ day. Na di sem kayn layf ɔltu gɛt, ɛn mɔtalman nɔ bɛtɛ pas animal; ɔl na fɔ natin.

Ɛkliziastis 8:16

Wɛn a tray fɔ ɔndastand wetin de apin na wɔl, a si se a nɔ ebul fɔ slip santɛm, a nɔ ebul fɔ slip na nɛt;

Ɛkliziastis 12:8

Di pricha se, di natin we pas ɔl natin na wɔl, ɔl na fufafu.