Daniɛl 9:9 - Krio Fɔs Oli Baybul

⁹ PAPA GƆD, sɔri at ɛn fɔgivnɛs de na yu an; bikɔs wi dɔn tɔn wi bak gi am,

Daniɛl 9:9 Referans Kwoze

Daniɛl 9:7

PAPA GƆD, fɔ waka tret de na yu an, bɔt wi de disgres wisɛf ɔltɛm to di man dɛn na Juda, to di wan dɛn we tap na Jesuselɛm, ɛn to ɔl Izrɛl; dɛn wan dɛn we de nia ɛn di wan dɛn we de fa we, bikɔs ɔf di wikɛd tin dɛn we wi dɔn du to yu.

Daniɛl 9:5

Wi dɔn kɔmit sin ɛn dɔn du bad, ɛn biev wikɛd wan ɛn tɔn wi bak ɛn nɔ du wetin yu lɔ ɛn ɔda dɛn se;

Di Sam Dɛm 86:15

Bɔt yu PAPA GƆD, na PAPA GƆD we nays ɛn gɛt sɔri-at, yu nɔ gɛt wamat ɛn di beberebe lɔv we yu gɛt fɔ wi nɔ de chenj, dɔn bak, yu nɔ de kɔmɔt biɛn wi.

Di Sam Dɛm 130:7

Izrɛl pipul una put una abop pan PAPA GƆD! In na PAPA GƆD we nɔ de gens fɔ lɛk pɔsin ɛn i rɛdi fɔ sev ɔltɛm.

Jɛrimaya 14:7

“Ɔldo wi sin dɛm de sho se wi dɔti na Gɔd yay, bɔt duya PAPA GƆD, du sɔntin fɔseka yu nem; bikɔs wi bakslayd bɔku bɔku tɛm, wi dɔn kɔmit sin to yu.

Di Sam Dɛm 130:4

Bɔt yu rɛdi fɔ fɔgiv wi ɔltɛm; so i fayn fɔ mek wi fred yu.

Di Sam Dɛm 62:12

In lɔv fɔ wi nɔ go ɛva chenj. PAPA GƆD yu go mɔs gi ɔlman di pe we i fɔ gɛt.

Jona 4:2

I tɛl PAPA GƆD se i bin no se na dat PAPA GƆD go du so na dat bin mek in rɔnawe fɔ go Tashish. I se in no se PAPA GƆD gɛt sɔri-at bad, i nɔ de vɛks so, ɛn in lɔv nɔ de ɛva chenj ɛn so i nɔ lɛk fɔ du bad.

Ayzaya 63:7

A go tɔk bɔt PAPA GƆD in lɔv we nɔ de chenj, PAPA GƆD in prez, bay ɔl wetin PAPA GƆD dɔn gi wi, ɛn di wɔndaful gud we i gud to Izrɛl we I du fɔ dɛn bikɔs i sɔri fɔ dɛm, bay aw in lɔv we nɔ de chenj, de abɔmpa.

Ayzaya 55:7

lɛ wikɛd pɔsin lɛf fɔ du bad, ɛn di pɔsin we nɔ de waka tret na PAPA GƆD in yay, chenj di we we i de tink; mek i tɔn bak go to PAPA GƆD, mek i go sɔri fɔ am, dat na to wi Gɔd, bikɔ i go padin am fɔ ɔltin.

Izikɛl 20:13

Bɔt Izrɛl bin ribɛl agens mi na di say we ɛmti ɛn dray we natin nɔ de; dɛn nɔ bin du wetin mi lɔ se, bɔt tɔn dɛn bak pan mi kɔmand dɛm, we na we mɔtalman du dɛm dɛn go gɛt lɔŋ layf; dɛn disrɛspɛkt mi de fɔ blo ɛn rɛst bad bad wan. So a bin tink se a fɔ put mi vɛksteshɔn pan dɛn na di ɛmti ples we natin nɔ de, so dat dɛn ɔl go day.

Di Sam Dɛm 86:5

Yu na gud PAPA GƆD ɛn yu de fɔgiv yu de sho yu lɔv we nɔ de chenj to ɔl udat lɛk fɔ pre to yu.

Nɛimaya 9:31

Bɔt yu nɔ kɔmɔt biɛn dɛn ɔ lɛf dɛn to dɛnsɛf, bikɔs yu na gud PAPA GƆD ɛn yu de sho masi ɔltɛm.

1 Kiŋ 8:30

“Duya ansa mi prea, ɛn di pipul dɛnsɛf yon prea wɛn dɛn kam na dis os fɔ pre. Usay yu de na yu os na ɛvin, ansa wi prea ɛn fɔgiv wi.

Daniɛl 9:6

Wi nɔ bin lisin wetin yu wokman dɛn, di prɔfɛt dɛn bin de tɔk wetin yu tɛl dɛn fɔ tɛl wi kiŋ dɛn, wi prins dɛn, ɛn wi papa dɛn, ɛn to ɔl di pipul na di land.

Daniɛl 9:8

PAPA GƆD, wi de disgres wisɛf ɔltɛm; wi kiŋ dɛn de disgres dɛnsɛf, wi bigman dɛn de disgres dɛnsɛf ɛn wi papa dɛn de digres dɛnsɛf, bikɔs wi de sin agens yu.

2 Samiɛl 24:14

Devid tɛl Gad se in riali de fil bad ɛn nɔ no wetin fɔ du. Devid se in go lɛk PAPA GƆD fɔ tɔk aw i go pɔnish am bikɔs PAPA GƆD at list go sɔri fɔ am. I se in nɔ want mɔtalman an de atɔl.