Daniɛl 9:7 - Krio Fɔs Oli Baybul

⁷ PAPA GƆD, fɔ waka tret de na yu an, bɔt wi de disgres wisɛf ɔltɛm to di man dɛn na Juda, to di wan dɛn we tap na Jesuselɛm, ɛn to ɔl Izrɛl; dɛn wan dɛn we de nia ɛn di wan dɛn we de fa we, bikɔs ɔf di wikɛd tin dɛn we wi dɔn du to yu.

Daniɛl 9:7 Referans Kwoze

Daniɛl 9:14

Nain mek so PAPA GƆD bin dɔn rɛdi di trɔbul ɛn sɛn am pan wi; bikɔs PAPA GƆD we na wi GƆD de waka tret pan ɔltin we i dɔn du ɛn wi nɔ gri du wetin i se.

Daniɛl 9:8

PAPA GƆD, wi de disgres wisɛf ɔltɛm; wi kiŋ dɛn de disgres dɛnsɛf, wi bigman dɛn de disgres dɛnsɛf ɛn wi papa dɛn de digres dɛnsɛf, bikɔs wi de sin agens yu.

Jɛrimaya 3:25

Lɛ wi lidɔm pan wi shem, ɛn lɛ wi disrɛspɛkt kɔba wi; bikɔs wi dɔn kɔmit sin agens PAPA GƆD we na wi Gɔd, wi ɛn wi papa dɛm, frɔm we wi yɔŋ, te tide; ɛn wi nɔ dɔn obe PAPA GƆD we na wi Gɔd in vɔys.”

Di Sam Dɛm 44:15

Di shem ɛn disgres we de mit mi nɔ gud fɔ tɔk

Ditarɔnɔmi 4:27

I se PAPA GƆD go mek dɛn skata ɔlɔbɔt na di wɔl ɛn dɛn nɔ go plɛnti na wan say ɛn plɛnti pan dɛn go day.

Lɛta Fɔ Rom 6:21

Wetin una bin gen wɛn una bin de du dɛn tin we una de shem fɔ du naw? Na day dɛn kayn tin de, de briŋ.

Emɔs 9:9

“A go gi ɔda ɛn shek di pipul na Izrɛl lɛkɛ sid na shifta. A go shifta dɛn ɔl ɛn pul ɔl di wan dɛn we na yuslɛs mɔtalman.

Izikɛl 36:31

Dɛn una go mɛmba una ivul bievyɔ ɛn di tin dɛn we una bin de du we nɔ gud, ɛn una go et unasɛf fɔ una bad bad wikɛdnɛs ɛn di wikɛd tin dɛn we una bin de du we de briŋ etrɛd ɛn bad bad fred fred.

Izikɛl 16:63

so dat una go mɛmba ɛn kɔle, ɛn nɔ ɛva ebul se natin igen, bikɔs una go shem, we a go fɔgiv una fɔ ɔl wetin una bin dɔn du, na so Papa Gɔd we na Gɔd se.”

Jɛrimaya 24:9

A go mek dɛn tin fɔ fred to ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go.

Jɛrimaya 12:1

PAPA GƆD, ɛni tɛm we a kɔmplen to yu, na yu kin gɛt rayt, Pan ɔl dat, a stil de kɛr mi kes go to yu. Wetindu wikɛd pipul dɛn de bɛtɛ na layf? Wetindu ɔl dɛn pipul dɛn we de ple dakadeke de bɛtɛ na layf?

Ayzaya 45:16

Dɛn ɔl shem ɛn kɔnfyus, di wan dɛn we de mek laylay gɔd de go wit kɔnfyushɔn togɛda.

Ayzaya 11:11

Da de de, PAPA GƆD go ɛp sɛkɛn tɛm fɔ briŋ di balans pan in pipul dɛn we bin lɛf, kɔmɔt Asiria, Ijipt, Patrɔs, Itiopia, Ilam, Babilonia, Emat ɛn di land dɛn we de na di kost.

Di Sam Dɛm 119:137

PAPA GƆD, yu de du tin tret wan, ɛn yu lɔ dɛnsɛf tret.

Di Sam Dɛm 51:14

PAPA GƆD, yu na mi Seviɔ nɔ mek a day bikɔs a kil pɔsin, dɔn a go tɔk ɛn siŋ ɔlsay aw yu gud.

Di Sam Dɛm 51:4

A dɔn sin to yu ɛn yu gɛt rayt fɔ kɔndɛm mi.

Nɛimaya 9:33

Ɔl wetin dɔn apin to wi bin rayt bikɔs yu bin dɔn fethful to wi wayls wi de du rɔŋ ɛn yu na pɔsin we de gi wi wetindu fɔ wi.

Ɛzra 9:13

Naw wi de sɔfa bikɔs ɔf wi wikɛdnɛs ɛn wi dɔn sin. Di pɔnishmɛnt we wi de gɛt smɔl pas di bad we wi dɔn du, bɔt pan ɔl dat PAPA GƆD, yu mek we fɔ sɔm pan wi fɔ tɔn bak.

Ditarɔnɔmi 32:4

Na PAPA GƆD de fɛt fɔ dɛn ɛn i nɔ de mek mistek, I nɔ bɛn-bɛn pan ɛnitin we i de du. Na fethful Gɔd, ɛn i nɔ de lay Natin we i de du nɔ gɛt wan bɛn bɛn.

Ɛzra 9:15

E PAPA GƆD, Izrɛl dɛn GƆD, yu raychɔs! Wi ɔl de bifo yu naw gilti gilti wan, ɛn if nɔto fɔ yu masi, nɔn pan wi nɔ fit fɔ tinap bifo yu.”

Jɛrimaya 23:6

Nain tɛm Juda go sav, ɛn Izrɛl go liv de wit kolat. Ɛn na dis nem dɛn go kɔl am: ‘PAPA GƆD na wi tret waka.’

Jɛrimaya 33:16

Dɛn tɛm dɛn de, dɛn go sev; Juda ɛn Jerusɛlɛm go sikiɔ. Ɛn na di nem dis we dɛn go de kɔl am: Na PAPA GƆD na wi Raychɔsnɛs.’

Izikɛl 6:12

Di pɔsin we de fawe, na bad sik go kil am. Di wan we de nia, na wa i go day; di wan we go lɛf we nɔ day, na aŋri go kil am. Na so a go pul mi wamat pan dɛn.

Daniɛl 9:18

Duya PAPA GƆD, opin yu yes ɛn yɛri; opin yu yay dɛn ɛn luk aw wi dɔn nyakanyaka, ivin di siti we gɛt yu nem; fɔ wi nɔ de beg yu PAPA GƆD bikɔs wi gɛt rayt sa, bɔt bikɔs yu na PAPA GƆD we kin sɔri dip dip wan.

Jɛrimaya 4:17

PAPA GƆD se, dɛn sɔrawnd am lɛkɛ aw dɛn wan dɛn we de gyad fil kin de rawnd am, bikɔs i dɔn kɔmɔt biɛn mi.

Jɛrimaya 7:19

PAPA GƆD se, “Na mi dɛn de provok? Nɔto dɛnsɛf, fɔ kɔnfyus dɛnsɛf?

Jɛrimaya 32:32

fɔseka ɔl di bad we Izrɛl in bɔypikin dɛm ɛn Juda in bɔypikin dɛm du fɔ provok mi mek a vɛks– dɛn kiŋ dɛn, dɛn man dɛn we de mek sakrifays fɔ pipul sin, dɛn prɔfɛt dɛm, di man dɛn na Juda ɛn di pipul dɛn we tap na Jerusɛlɛm.

Izikɛl 5:10

Ɛn na so di papa dɛn we de midul una go it dɛn bɔypikin dɛm ɛn dɛn bɔypikin go it dɛn papa dɛn; ɛn a go kɛriawt di jɔjmɛnt dɛm pan una ɛn ɛniwan pan una we nɔ day a go skata am ɔlsay we briz de blo.