Daniɛl 9:5 - Krio Fɔs Oli Baybul

⁵ Wi dɔn kɔmit sin ɛn dɔn du bad, ɛn biev wikɛd wan ɛn tɔn wi bak ɛn nɔ du wetin yu lɔ ɛn ɔda dɛn se;

Daniɛl 9:5 Referans Kwoze

Malakay 3:7

I se frɔm we dɛn fɔstɛm-papa dɛn de nain dɛn nɔ de du wetin i want. So, if dɛn tɔn bak fɔ du wetin i want, insɛf we na PAPA GƆD Ɔlmayti go du wetin i fɔ du fɔ dɛn. Bɔt dɛn de aks wetin dɛn fɔ du fɔ tɔn bak to PAPA GƆD.

Daniɛl 9:11

Di wanol Izrɛl dɔn disobe yu ɛn tɔn wi bak, ɛn nɔ gri fɔ du wetin yu se. Di swɛ dɛn ɛn di wanwɔd we wi mek fɔ du wetin rayt insay Mozis in lɔ we na PAPA GƆD in wokman, dɔn fɔdɔm pan wi, bikɔs wi dɔn kɔmit sin to yu.

Daniɛl 9:15

So duya PAPA GƆD we na wi Gɔd, yu we pul yu pipul dɛn kɔmɔt Ijipt wit yu pawa, dɔn gɛt gud nem te dis tɛm ya; wi dɔn kɔmit sin, wi dɔn du bad.

Di Sam Dɛm 106:6

Wi, lɛkɛ wi fɔstɛm pipul dɔn du bad; wi riali dɔn rɔŋ yu ɛn wi gilti.

Di Ibru Pipul Dɛn 3:12

Mi Kristiɛn brɔda dɛn, una fɔ tek tɛm, so dat nɔn pan una nɔ go gɛt bad at ɛn so nɔ biliv pan Gɔd dat i go tɔn in bak pan Gɔd we gɛt layf sote go.

Ozie 1:2

Wɛn PAPA GƆD bin tɔk to Ozie di fɔs tɛm, PAPA GƆD tɛl am se mek i go fɛn wan rare gyal, mared am ɛn bɔn pikin wit am bikɔs na so Izrɛl de biev we dɛn lɛf PAPA GƆD ɛn nɔ bisin bɔt am.

Izikɛl 6:9

dɛn una we rɔnawe go mɛmba mi, insay di difrɛn neshɔn dɛn we dɛn kech dɛn ɛn kɛr dɛn go as slev, wɛn a go dɔn pwɛl dɛn rare at we dɔn kɔmɔt pan mi, nɔ want mi igen, ɛn a dɔn blɛn dɛn yay we dɛn bin dɔn put bigyay wan pan dɛn laylay gɔd dɛn; dɔn dɛnsɛf go et dɛnsɛf fɔ ɔl di ivul tin dɛn we dɛn dɔn du, ɛn ɔl di bad bad tin dɛn we dɛn bin de du we a nɔ lɛk.

Lamɛnteshɔn 1:20

“Luk mi PAPA GƆD, a de sɔfa bad bad wan, mi bɛlɛ de bwɛl, mi at nɔ rɛst bikɔs a dɔn tɔn mi bak pan PAPA GƆD. Na trit, dɛn de kil pipul wit sɔd; na os, aŋri de kil pipul.

Jɛrimaya 14:7

“Ɔldo wi sin dɛm de sho se wi dɔti na Gɔd yay, bɔt duya PAPA GƆD, du sɔntin fɔseka yu nem; bikɔs wi bakslayd bɔku bɔku tɛm, wi dɔn kɔmit sin to yu.

Di Sam Dɛm 18:21

A de du wetin in lɔ se, a nɔ sin bikɔs a nɔ tɔn mi bak pan PAPA GƆD.

Jɛrimaya 3:25

Lɛ wi lidɔm pan wi shem, ɛn lɛ wi disrɛspɛkt kɔba wi; bikɔs wi dɔn kɔmit sin agens PAPA GƆD we na wi Gɔd, wi ɛn wi papa dɛm, frɔm we wi yɔŋ, te tide; ɛn wi nɔ dɔn obe PAPA GƆD we na wi Gɔd in vɔys.”

Ayzaya 59:13

fɔ kɔmit sin, ɛn de dinay PAPA GƆD, ɛn tɔn kɔmɔt, lɛf fɔ fala wi Gɔd, de tɔk aw fɔ sɔprɛs pipul ɛn fɔ ribɛl, de plan na dɛn maynd, ɛn de tɔk laylay wɔd kɔmɔt na wi at.

Ayzaya 53:6

Wi ɔl dɔn go astre lɛk ship; ɔlman dɔn go in yon we; ɛn PAPA GƆD dɔn put wi ɔl sin dɛn pan am.

Di Sam Dɛm 119:102

A nɔ disobe yu wande, bikɔs na yusɛf tich mi.

Ɛzra 9:6

A pre se, “E mi GƆD, a de shem pan yu. A nɔ fit fɔ luk ɔp usay yu de bikɔs wi sin bɔku. I ay pas wi ed te rich ɔp usay yu de.

Di Sam Dɛm 119:176

A fiba ship we dɔn rɔnawe, ɛn dɔn lɔ pan in masta; Briŋ mi bak bikɔs a nɔ go fɔgɛt wetin yu lɔ se.

Jɛrimaya 44:3

fɔseka di wikɛd tin dɛm we dɛn du, tin dɛn we mek a vɛks, dat na we dɛn bin de bɔn insɛns ɛn sav ɔda gɔd dɛm we dɛn, una ɛn ivin una fɔstɛmpapa dɛm nɔ no.

Lamɛnteshɔn 1:18

“PAPA GƆD rayt fɔ wetin i du, bikɔs a dɔn tɔn mi bak pan in wɔd; bɔt pipul dɛn na di wanol wɔl, una ɔl lisin, ɛn si di sɔfa we a de sɔfa; mi yɔŋuman ɛn yɔŋman dɛn ɔl de na ɔda land lɛk slev.

Lamɛnteshɔn 3:42

“Wi dɔn du bad ɛn dɔn kɔmɔt biɛn yu, ɛn yu nɔ fɔgiv wi.

Daniɛl 9:9

PAPA GƆD, sɔri at ɛn fɔgivnɛs de na yu an; bikɔs wi dɔn tɔn wi bak gi am,

2 Kiŋ 18:12

Ɔl dis bin bi bikɔs di pipul dɛn nɔ obe PAPA GƆD ɛn brok di Kɔvinant we de bitwin in ɛn dɛn, ɛn nɔ gri du ɔl wetin Mozis tɛl dɛn fɔ du. Wan wɔd dɛn nɔ yɛri.

2 Kiŋ 21:15

bikɔs dɛn dɔn du bad bad tin; ɛn dɛn dɔn de fɛn in plaba frɔm di de we dɛn fɔstɛm-papa dɛn lɛf Ijipt.

Ayzaya 64:4

Frɔm di wɔl bigin, nɔbɔdi nɔ yɛri ɔ ɔndastand wit in yes, nɔn yay nɔ si ɛni ɔda Gɔd apat frɔm yu, we de wok fɔ dɛn wan we biliv am.

Jɛrimaya 14:20

E PAPA GƆD, wi gri se wi dɔn du bad ɛn wi gri se wi fɔstɛmpapa dɛn bin kɔmit sin, bikɔs wi dɔn sin to yu.

Jɛrimaya 30:14

Ɔl una lɔva dɛm dɔn fɔgɛt una; dɛn nɔ bisin bɔt una; bikɔs a dɔn trit una di we pɔsin go trit in ɛnimi, di pɔnishmɛnt we pɔsin we nɔ gɛt masi go gi in ɛnimi, bikɔs una gilti bad bad wan, bikɔs una sin pasmak.

Izikɛl 5:6

Jerusɛlɛm dɔn wilful tɔn in bak pan mi ɔda dɛm we a gi dɛm, pas di ɔda neshɔn dɛnsɛf, ɛn pan mi lɔ dɛm, pas di kɔntri dɛn we de rawnd am, bikɔs dɛn trowe mi ɔda dɛn ɛn nɔ gri fɔ obe mi lɔ dɛm.