Daniɛl 9:4 - Krio Fɔs Oli Baybul

⁴ A pre to PAPA GƆD we na mi Gɔd de kɔnfɛs se, “PAPA GƆD we ay pas ɔl ɛn we fɔ fred, we de kip in prɔmis, ɛn di lɛk we i lɛk di wan dɛn we lɛk am ɛn de du wetin i se, nɔ de shek.

Daniɛl 9:4 Referans Kwoze

Lɛta Fɔ Rom 8:28

Wi no se ɛnitin we mit wi, Gɔd de mek i bi fɔ wi yon gud, wi we lɛk am, ɛn we i dɔn kɔl fɔ du wetin i bin dɔn plan.

Ɛksodɔs 20:6

bɔt a kin sho gudnɛs to tawzin, tawzin jɛnareshɔn dɛn we lɛk mi ɛn go akɔdin to mi kɔmandmɛnt.

Ditarɔnɔmi 5:10

bɔt ɔl di wan dɛn we lɛk am ɛn de du wetin i se, kin ɛnjɔy in lɔv to di tawzin tawzin jɛnareshɔn sɛf..

2 Kronikuls 7:14

if mi pipul dɛm we gɛt mi nem, put dɛnsɛf dɔŋ ɛn pre ɛn ripɛnt, ɛn lɛf dɛn wikɛd we, datɛnde, a go yɛri na ɛvin, ɛn a go fɔgiv dɛn sin, ɛn il dɛn land.

Nɛimaya 9:32

“PAPA GƆD, yu na big big GƆD ɛn yu du fɔ fred. Yu na GƆD we de kip yu Kɔvinant wit wi ɛn yu nɔ de chenj yu lɔv fɔ wi. Nɔ mek lɛkɛ se di sɔfa we wi de sɔfa so nɔ min natin to yu. Dis sɔfa ya we wi Kiŋ ɛn bigman dɛn, dɛn man we de mek sakrifays fɔ wi sin dɛn, di prɔfɛt dɛn we na wi midul man dɛn to yu, wi papa dɛn ɛn ɔl di pipul dɛn de sɔfa bin dɔn de frɔm dɛn Asiria Kiŋ dɛn tɛm te tide.

Ditarɔnɔmi 7:9

I tɛl dɛn se lɛ dɛn nɔ fɔgɛt se PAPA GƆD we na dɛn PAPA GƆD na di tru tru PAPA GƆD; di PAPA GƆD we wɛn i se sɔntin, i min am. I se if dɛn lɛk PAPA GƆD ɛn du ɔl wetin i se, i go lɛk dɛn sote go bikɔs PAPA GƆD nɔ de chenj.

1 Kiŋ 8:23

“PAPA GƆD, we na Izrɛl dɛn Gɔd, nɔn Gɔd nɔ de na ɛvin ɔ ath we tan lɛk yu - na yu waŋren kin kip yu Kɔvinant ɛn sho lɔv to yu savant dɛn we de waka tret wit yu;

Di Sam Dɛm 32:5

A gri se a bin de mek rebɛl pan PAPA GƆD ɛn kɔnfɛs mi sin. A mekɔp mi maynd ɛn se “A mɔs kɔnfɛs mi sin to PAPA GƆD.” Wɛn a du am, yu fɔgiv mi ɛn nɔ pɔnish mi igen

Ditarɔnɔmi 7:21

So dɛn nɔ fɔ fred nɔbɔdi bikɔs PAPA GƆD we na dɛn PAPA GƆD, na di PAPA GƆD we gɛt pawa pas ɔl ɔda gɔd dɛn ɛn i de wit dɛn ɔltɛm.

Jems 2:5

Mi kɔmpin Kristiɛn dɛn we a lɛk, a want mek una yɛri mi! Dɛn pipul we nɔ gɛt natin na dis wɔl, Gɔd dɔn pik dɛn fɔ biliv wi Masta Jizɔs Krays ɛn fɔ mek dɛn go na ɛvin we i de rul; dɛn jɛntri na Gɔd in yay. Na dat Gɔd dɔn prɔmis fɔ du fɔ ɔl dɛn wan we lɛk am.

Jems 1:12

Pɔsin we nɔ tap fɔ biliv pan Gɔd wɛn trɔbul mit am gɛt blɛsin, bikɔs if i stil tinap traŋa afta trɔbul dɔn mit am, Gɔd go gi am di tru layf we i bin dɔn prɔmis dɛn wan we lɛk am.

Lyuk 1:72

So Gɔd stil de sɔri fɔ wi lɛkɛ aw i tɛl wi granpapa-papa dɛn se in go du ɛn i stil mɛmba di agrimɛnt we insɛf sɛf mek wit dɛn,

Jɛrimaya 3:13

Una jɛs gri nɔmɔ se una gilti, se una dɔn tɔn una bak pan PAPA GƆD we na una Gɔd ɛn skata una lɔv to trenja dɛn ɔnda ɔl dɛn grin tik dɛm ɛn una nɔ obe mi kɔmandmɛnt dɛm.

Nɛimaya 1:5

A se, “E PAPA GƆD we de na ɛvin! Yu big ɛn du fɔ fred. Yu de kip yu wɔd na yu Kɔvinant to ɔl udat lɛk yu ɛn de du wetin yu want.

Ɛzra 10:1

We Ɛzra lidɔm na grɔn bifo PAPA GƆD in os de pre to PAPA GƆD wit kray ɛn de kɔnfɛs dɛn sin, big big krawd frɔm di Izrɛlayt dɛn kam gɛda pan am - man, uman ɛn pikin, dɛn ɔl bin de kray bita bita wan.

Daniɛl 6:10

Wɛn Daniɛl bin si se di pepa dɔn sayn, i go nain os usay in winda dɛn de nain rum ɔpstiaz, we opin to Jerusɛlɛm; ɛn nildɔŋ tri tɛm fɔ de ɛn pre ɛn tɛl PAPA GƆD tɛnki lɛk aw i bin dɔn de du.

Daniɛl 9:3

Nain a put mi atɛnshɔn to PAPA GƆD de pre ɛn beg am. A wɛr chɛr chɛr klos ɛn rɔb ashis.

Ditarɔnɔmi 7:12

Mozis tɛl di Izrɛlayt dɛn se if dɛn kɔntinyu fɔ yɛri wɔd ɛn de du ɔl wetin PAPA GƆD we na dɛn PAPA GƆD se, PAPA GƆD nɔ go fɔgɛt di Kɔvinant ɛn di lɛk we i bin dɔn swɛ to dɛn fɔstɛm-papa dɛn se, i go lɛk dɛn.

Jɛrimaya 32:23

ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.