Daniɛl 9:3 - Krio Fɔs Oli Baybul

³ Nain a put mi atɛnshɔn to PAPA GƆD de pre ɛn beg am. A wɛr chɛr chɛr klos ɛn rɔb ashis.

Daniɛl 9:3 Referans Kwoze

Jɛrimaya 33:3

Kɔl mi ɛn a go ansa yu, ɛn a go tɛl yu di wɔndaful tin dɛn we ayd we yu nɔ no yet.

Ɛsta 4:16

Mɔdikay fɔ go gɛda ɔl di Ju dɛn na Susa ɛn dɛn fɔ fast ɛn pre fɔ am. I se dɛn nɔ fɔ it ɛn drink fɔ tri de ɛn tri nɛt ɛn insɛf wit in wokuman dɛnsɛf go fast. Dɔn i go mek drayay ɛn go insay go tɔk to di kiŋ pan ɔl we bay di lɔ i nɔ fɔ du dat; i se if i fɔ day, i go day.

Ɛzra 9:5

We di tɛm rich fɔ mek di ivintɛm sakrifays, a grap na di say we a bin sidɔm wit pwɛl at ɛn mi chɛr chɛr klos, nildɔŋ na grɔn, es mi an ɔp ɛn pre to PAPA GƆD.

Ɛzra 10:6

Afta dat, i kɔmɔt bifo PAPA GƆD in os ɛn go na Ilaɛlashib in bɔypikin Jɛoanan in os ɛn slip de da nɛt de. Ol nɛt i de kray fɔ Izrɛl we dɛn nɔ de waka tret wit PAPA GƆD. I nɔ it ɔ drink wata sɛf bikɔs i bin sɔri fɔ ɔl wetin dɛn dɔn du.

Ɛzra 8:21

We wi de nia di riva na Aava, a tɛl di pipul dɛn se lɛ wi fast ɛn pre to PAPA GƆD ɛn lɛ ɔlman ɔmbul insɛf to am fɔ lɛ i go gayd wi ɛn kɔba wi pikin dɛn ɛn wi prɔpati dɛn.

Apɔsul Dɛn Wok 10:30

Kɔnilyɔs ansa se, “I dɔn tek fo dez naw, bay dis tɛm, tri oklɔk santɛm, a bin de pre na mi os. Wantɛm, wan man we wɛr klos we de shayn kam tinap bifo mi.

Joɛl 2:12

PAPA GƆD se, naw naw, dɛn fɔ go bak to am wit ɔl dɛn at, dɛn fɔ fast ɛn kray, ɛn sho se dɛn sɔri;

Joɛl 1:13

I se di man dɛn we de mek sakrifays fɔ pipul sin fɔ sɔri ɛn wɛr saklɔth fɔ sho se dɛn sɔri, dɛn fɔ kray as pipul we de sav na di ɔlta. I se dɛn fɔ go insay PAPA GƆD in os wɛr saklɔth fɔ slip. Dɛn we de wok fɔ PAPA GƆD! Bikɔs pipul nɔ ebul mek di gren ɛn drink ɔfrin igen na dɛn PAPA GƆD in os.

Izikɛl 36:37

“Na dis PAPA GƆD se: na dis sɛf a go mek di Izrɛl pipul aks mi fɔ du fɔ dɛm: fɔ mek a ad mɔ ɛn mɔ to dɛn mɔtalman dɛn lɛk bɔku bɔku ship.

Di Sam Dɛm 35:13

Pan ɔl dis, we dɛn sik, a kin mek lɛk udat de munin; it sɛf a nɔba it, a kin de fast ɛn pre ɔltɛm Wɛn i tan lɛk PAPA GƆD nɔ de ansa mi prea,

Daniɛl 6:10

Wɛn Daniɛl bin si se di pepa dɔn sayn, i go nain os usay in winda dɛn de nain rum ɔpstiaz, we opin to Jerusɛlɛm; ɛn nildɔŋ tri tɛm fɔ de ɛn pre ɛn tɛl PAPA GƆD tɛnki lɛk aw i bin dɔn de du.

Nɛimaya 9:1

Di de we mek twɛnti-fo, na di sem mɔnt, di pipul dɛn gɛda bak. Dis tɛm, dɛn bin de fast ɛn wɛr saklɔth ɛn kɔba dɛnsɛf wit dɔst.

Ayzaya 22:12

Da de de, PAPA GƆD Ɔlmayti bin se ɔlman fɔ kray ɛn fil sɔri, fɔ krep ed ɛn wɛr saklɔth;

Daniɛl 9:2

insay di fɔs ia we i bi kiŋ, mi Daniɛl, bin si insay di buk dɛn, ɔmɔs ia go gɛt fɔ pas bifo Jerusɛlɛm go kan to akɔdin to wetin PAPA GƆD bin tɛl Prɔfɛt Jɛrimaya, ɛn dat na sɛvinti ia.

Daniɛl 9:4

A pre to PAPA GƆD we na mi Gɔd de kɔnfɛs se, “PAPA GƆD we ay pas ɔl ɛn we fɔ fred, we de kip in prɔmis, ɛn di lɛk we i lɛk di wan dɛn we lɛk am ɛn de du wetin i se, nɔ de shek.

Daniɛl 9:20

We a bin de tɔk ɛn pre, de beg PAPA GƆD fɔ mi ɛn mi pipul dɛm we na Izrɛl, dɛn sin, ɛn bin de put mi kes bifo PAPA GƆD we na mi Gɔd fɔseka mi Gɔd in oli il;

Jona 3:5

We i prich, di pipul dɛn na Ninivɛ biliv PAPA GƆD in wɔd; dɔn ɔlman, frɔm big to smɔl, wɛr munin klos fɔ sho aw dɛn sɔri ɛn dɛn ɔl gri se dɛn fɔ fast.

2 Samiɛl 12:16

Devid fast ɛn kray de beg PAPA GƆD mek di pikin wɛl. I bin ivin de lidɔm na grɔn insay in os wɛn i kin de beg PAPA GƆD.

Job 42:6

Dat mek a dɔn shem, so a de rɔb dɔst ɛn asis beg yu, lɛ yu sɔri fɔ mi.

Matyu 17:21

Bɔt una nɔ go ebul du dis kayn wok if una nɔ fast ɛn pre.]”