Daniɛl 9:16 - Krio Fɔs Oli Baybul

¹⁶ Duya PAPA GƆD, fɔseka ɔl di tret waka we yu de waka, lɛ yu wamat ɛn yu pɔnishmɛnt nɔ kam pan Jerusɛlɛm we na siti we na yu oli il; fɔseka wi sin dɛn ɛn di bad tin dɛn we wi papa dɛn dɔn du, Jerusɛlɛm ɛn yu pipul dɛn tɔn tin fɔ laf, to di pipul dɛn we de rawnd wi.

Daniɛl 9:16 Referans Kwoze

Zɛkaraya 8:3

PAPA GƆD se, fɔ tɛl dɛn se, in go go tap bak na Jerusɛlɛm ɛn ɔlman go no se na de PAPA GƆD Ɔlmayti de, nain oli mawnten, dɔn dɛn go no se na siti we fethful.

Joɛl 3:17

I se da tɛm de dɛn go no se in na PAPA GƆD we na dɛn GƆD, di wan we de na di oli il na Zayɔn. Jerusɛlɛm go bi in oli siti ɛn trenja dɛn nɔ go jɛs de tek de mek natin.

Daniɛl 9:20

We a bin de tɔk ɛn pre, de beg PAPA GƆD fɔ mi ɛn mi pipul dɛm we na Izrɛl, dɛn sin, ɛn bin de put mi kes bifo PAPA GƆD we na mi Gɔd fɔseka mi Gɔd in oli il;

Di Sam Dɛm 31:1

PAPA GƆD na to yu a de luk fɔ kɔba mi; nɔ mek a shem; yu na Gɔd we de du tin tret wan ɔltɛm so sev mi.

Di Sam Dɛm 79:4

Wi neba dɛn ɔl de shumɔ pan wi; dɛn de laf wi ɛn provok wi.

Di Sam Dɛm 71:2

Bikɔs yu nɔ de du tin tret wan, pul mi pan trɔbul ɛn ɛp mi kɔmɔt na dɛn an; Lisin to mi ɛn sev mi.

Ɛksodɔs 20:5

Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi;

Jɔn In Fɔs Lɛta 1:9

Bɔt if wi tɛl Gɔd bɔt wi sin dɛn, in we de du di rayt tin ɔltɛm ɛn ɔl wetin i prɔmis, wi kin abop se i go padin wi sin dɛn ɛn i go pul ɔltin we bad kɔmɔt na wi layf ɛn mek wi layf klin.

Sɛkɛn Lɛta Fɔ Tɛsalonayka 1:6

Gɔd go du wetin rayt: dɛn pipul we de mek una sɔfa, Gɔd go mek dɛnsɛf sɔfa,

Izikɛl 5:14

Pantap dat, a go mek yu ɛmti, ɛn dɛn go laf ɛn sɔktit pan yu ɔlsay na di neshɔn dɛm we de rawnd yu, ɛn di wan dɛn we de si yu.

Jɛrimaya 32:32

fɔseka ɔl di bad we Izrɛl in bɔypikin dɛm ɛn Juda in bɔypikin dɛm du fɔ provok mi mek a vɛks– dɛn kiŋ dɛn, dɛn man dɛn we de mek sakrifays fɔ pipul sin, dɛn prɔfɛt dɛm, di man dɛn na Juda ɛn di pipul dɛn we tap na Jerusɛlɛm.

Jɛrimaya 29:18

A go mek wa, bad bad aŋri ɛn siknɛs de biɛn dɛm, ɛn a go mek dɛn pipul fɔ fred na ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go,

Jɛrimaya 24:9

A go mek dɛn tin fɔ fred to ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go.

Di Sam Dɛm 143:1

PAPA GƆD duya yɛri mi prea, lisin we a de beg yu fɔ av masi; bikɔs yu de du tin tret wan ɛn yu de kip to yu prɔmis, kam ɛp mi.

Di Sam Dɛm 41:13

Prez PAPA GƆD we na Izrɛl dɛn PAPA GƆD, i de as PAPA GƆD sote go Emɛn! Emɛn!

Nɛimaya 9:8

Yu fɛnɔt se i tret wit yu so yu mek Kɔvinant wit am se yu go gi di land we di Kenanayt, di Itayt, di Amɔrayt, di Pɛrizayt, di Jɛbyusayt ɛn di Gagashayt dɛn de to in jɛnareshɔn. Yu dɔn de kip yu prɔmis bikɔs yu nɔ miks pan bɛnbɛn.

1 Samiɛl 2:7

PAPA GƆD de mek yu po ɔ i gi yu jɛntri; nain de put yu dɔŋ ɔ es yu ɔp.

Di Sam Dɛm 85:4

PAPA GƆD, yu we dɔn de sev wi, kol yu at ɛn lɛ wi bi wetin wi bin bi fɔs.

Ayzaya 5:25

Fɔseka dat PAPA GƆD in at bin wam pan in pipul dɛn, so i tɔn pan dɛn ɛn kil dɛn, ɛn di mawnten dɛn trimbul; ɛn dɛn dedebɔdi dɛn skata lɛk dɔti na di trit dɛn. Pan ɔl dat in at stil nɔ kol, ɛn i stil wan pɔnish dɛn.

Jɛrimaya 32:31

I se. Dis siti dɔn mek a vɛks ɛn mek mi at wam frɔm di de we dɛn bin bil am, te to tide, so a go pul am kɔmɔt bifo mi

Daniɛl 11:45

Ɛn i go mek in tɛnt dɛm, we i go tap lɛk kiŋ, bitwin di si ɛn di oli mawnten we dɛn de prez pas ɔl; bɔt pan ɔl dat, i go rich in watalo ɛn nɔbɔdi nɔ go ɛp am.

Di Sam Dɛm 89:51

PAPA GƆD mɛmba aw yu ɛnimi dɛnsɛf, ɔl, dɔn provok am pan ɛnitin we i de du. Dɛn de shumɔ pan di wan we yu dɔn pik.

Izikɛl 22:4

Yu gilti bikɔs ɔf di blɔd we yu dɔn shɛd, ɛn dɔn dɔti yusɛf na PAPA GƆD in yay wit di lay lay gɔd dɛn we yu dɔn mek; ɛn yu dɔn mek yu de dɔn kam nia, di tɛm we yu kɔp fɔ ful. So a dɔn mek una bi tin fɔ laf na dɛn neshɔn dɛm ɛn pipul dɛn fɔ provok na ɔl di ɔda kɔntri dɛm.