Daniɛl 9:12 - Krio Fɔs Oli Baybul

¹² PAPA GƆD dɔn du wetin i se i go du wɛn wi bigman dɛn we de oba wi, we i briŋ big big wahala kam pan wi; bikɔs wetin bi to Jerusɛlɛm, nɔ bi nɔwe na dis wɔl wande.

Daniɛl 9:12 Referans Kwoze

Izikɛl 5:9

Ɛn bikɔs ɔf di bad bad tin dɛn we una de du we a nɔ lɛk, a go andul una aw a nɔ ɛva du bifo, ɛn wetin a nɔ go ɛva du igen

Lamɛnteshɔn 1:12

“I nɔ min natin to una, una dɛn pipul dɛn we de pas? Luk mi ɛn si if yu dɔn si pɔsin sɔfa so wande lɛk di kayn sɔfa we dɛn mek a de sɔfa, we PAPA GƆD put pan mi di de we i bin vɛks bad bad wan.

Ayzaya 44:26

we de pruv wetin in wokman se, ɛn de mek shɔ se wetin in mɛsenja dɛn se, bi; we tɔk bɔt Jerusɛlɛm se, ‘Pɔsin dɛn go tap de,’ ɛn bɔt di siti dɛn na Juda, se, ‘Dɛn go bil dɛn ɛn a go mek ɔl usay brok brok, bak’;

Lamɛnteshɔn 2:17

PAPA GƆD dɔn du wetin i plan, i du wetin i bin trɛtin se in go du; as i bin dɔn mekɔp fɔ du lɔlɔntɛm, i dɔn brok i nɔ luk biɛn; i dɔn mek di ɛnimi laf yu, ɛn mek yu ɛnimi dɛn gɛt mɔ ɛn mɔ pawa.

Lamɛnteshɔn 2:13

Wetin a go se bɔt yu, wetin a go tek kɔmpia yu yu Jerusɛlɛm in gyal pikin? Wetin a go tek se una fiba, so yu at go kol, yu vajingyal na Zayɔn? Di nyakanyaka we dɛn nyakanyaka yu, big lɛk di si; udat go ebul mek yu lɛk aw yu bin de?

Job 12:17

I de lɛ bigman waka ɛmti fut, ɛn mek dɛn biev lɛk fulman.

Lɛta Fɔ Rom 15:8

A de tɛl una se Krays kam fɔ ɛp di Ju pipul dɛn fɔ sho se Gɔd go du wetin i bin dɔn prɔmis Ebraam, Ayzak ɛn Jekɔb,

Lyuk 21:22

bikɔs na di tɛm dat we Gɔd go pɔnish in pipul dɛn lɛkɛ aw dɛn prɔfɛt bin dɔn rayt.

Mak 13:19

Da tɛm de pipul go sɔfa pas aw dɛn dɔn sɔfa frɔm di tɛm we Gɔd mek di wɔl sote naw; ɛn afta dat, tin lɛkɛ dat nɔ go bi igen.

Matyu 24:21

Di trɔbul we go bi da tɛm de go pas ɔl di wan dɛn we dɔn bi, frɔm di tɛm we Gɔd mek di wɔl sote naw, ɛn da kayn trɔbul de nɔ go bi igen.

Matyu 5:18

Una fɔ mɛmba se, wans ɛvin ɛn dis wɔl de, natin nɔ go kɔmɔt pan di Lɔ te ɔl wetin di Lɔ tɔk bɔt, dɔn bi.

Zɛkaraya 1:8

I se, wande na nɛt, wantɛm wantɛm, in si wan man we bin de rayd rɛd ɔs. Di man bin de midul sɔm bush bush dɛn na di vali; dɔn rɛd, ɛn sɔntin lɛk grin ɛn wayt ɔs dɛn bin de biɛn am.

Zɛkaraya 1:6

I se bɔt di tɔk we i bin tɛl di prɔfɛt dɛn fɔ tɔk de te naw. Dat mek dɛn beg padin ɛn se aw PAPA GƆD plan fɔ dil wit wi fɔ wetin wi de du, na so i dɔn dil wit wi.

Emɔs 3:2

“Na una a pik pan ɔl dɛn pipul na di wɔl, so a go pɔnish una gud fashin fɔ wetin una du.”

Joɛl 2:2

na de we ɔltin go dak ɛn luk sɔri, i mek di ples dak bad bad wan Lɛk aw di ples go blak na di mawnten na so di pipul go bɔku ɛn pawaful; i go at fɔ si dɛn kayn, we nɔ bin ɛva bi bifo ɛn i nɔ go ɛva bi igen na ɔl di jɛnareshɔn.

Izikɛl 13:6

Dɛn dɔn tɔk wɔd dɛn we nɔto tru ɛn lay se tin go bi we nɔto tru; dɛn kin se ‘PAPA GƆD se;’ wɛn PAPA GƆD nɔ sɛn dɛn, stil dɛn de luk to PAPA GƆD fɔ du wetin dɛn se.

Lamɛnteshɔn 4:6

Di pɔnishmɛnt we yu gi di pipul dɛn na Jerusɛlɛn fɔ di bad we dɛn du, traŋa pas di pɔnishmɛnt we yu gi Sɔdɔm, ples we nɔ bin tek wan minit fɔ tɔnoba, ɛn mɔtalman an nɔ bin de de.

Prɔvabs 8:16

Na mi de mek ɔl di rula dɛn na wɔl rul gud, big bigman dɛnsɛf want mi fɔ ɛp dɛn.

Di Sam Dɛm 148:11

ɔl dɛn Kiŋ na wɔl ɛn ɔlman, wɛda yu na bigman ɔ yu na bɔbɔ,

Di Sam Dɛm 2:10

I se dɛn we na kiŋ biev lɛkɛ udat dɛn gɛt sɛns; ɛn tek tɛm fɔ rul dɛn kɔntri dɛn.

1 Kiŋ 3:9

Gi mi sɛns ɛn di kayn at fɔ rul yu pipul dɛn, ɛn fɔ no wetin rayt frɔm wetin rɔŋ. Nɔbɔdi nɔ go ebul bay insɛf fɔ rul dɛn pipul ya gud”

Jɛrimaya 30:7

Ey! Da de de go so big nɔn ɔda de nɔ go tan lɛk am; na tɛm fɔ Jekob fɔ sɔfa; bɔt stil, a go sev am.

Jɛrimaya 32:23

ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.

Jɛrimaya 39:16

“Go tɛl Ɛbɛdmɛlɛk, da Itiopian we na okobo se, ‘Na dis PAPA GƆD Ɔlmayti we na Izrɛl dɛn Gɔd se: Biliv mi, a go du wetin a se na dis siti fɔ bad, ɛn nɔto fɔ gud, ɛn dɛn go opin bifo yu yay da de de.

Jɛrimaya 44:23

Na bikɔs una bɔn insɛns, ɛn bikɔs una kɔmit sin to PAPA GƆD, ɛn nɔ du wetin PAPA GƆD se, ɔ obe in lɔ dɛm, in ɔda ɛn in kɔmandmɛnt dɛm, mek dis bad bad tin dɔn apin to una de lɛkɛ tide.”

Daniɛl 12:1

Da tɛm de, Maykɛl, we na di pawaful akenjɛl we de kia fɔ una pipul, go grap. Tɛm go kam we trɔbul go de we nɔ bi wande frɔm we di wɔl bigin te tide; bɔt na da tɛm de dɛn go fri una pipul dɛn, ɔl dɛn wan dɛn we dɛn nem rayt insay di buk.

Zɛkaraya 7:12

Dɛn traŋa dɛn at fɔ mek dɛn nɔ yɛri PAPA GƆD Ɔlmayti in wɔd we i bin dɔn mek in Spirit we bin de insay dɛn fɔstɛm prɔfɛt tɔk. Dat mek PAPA GƆD Ɔlmayti vɛks bad fɔ wetin dɛn de du.

2 Kiŋ 22:16

PAPA GƆD se in go briŋ dombolo kam na di ples ɛn pan ɔl di pipul dɛn we tap de, lɛkɛ aw i rayt na di buk we di kiŋ na Juda dɔn rid.

Ayzaya 43:28

Fɔseka dat, a nɔ bin rɛspɛkt di bigman dɛn we bin de na di oli ples, A bin mek dɛn nyakanyaka Jekob ɛn mek dɛn fityay Izrɛl.