Daniɛl 9:11 - Krio Fɔs Oli Baybul

¹¹ Di wanol Izrɛl dɔn disobe yu ɛn tɔn wi bak, ɛn nɔ gri fɔ du wetin yu se. Di swɛ dɛn ɛn di wanwɔd we wi mek fɔ du wetin rayt insay Mozis in lɔ we na PAPA GƆD in wokman, dɔn fɔdɔm pan wi, bikɔs wi dɔn kɔmit sin to yu.

Daniɛl 9:11 Referans Kwoze

Jɛrimaya 9:26

Ijipt, Juda, Idɔm, di bɔypikin dɛn na Amɔn, Moab, ɛn ɔl udat tap na di ɛmti ples we pɔsin nɔ go ebul tap, we de krep rawnd dɛn ed; bikɔs ɔl dɛn neshɔn dɛn de nɔ sakɔmsayz, ɛn di wanol Izrɛl dɛn at nɔ sakɔmsayz.”

2 Kiŋ 22:16

PAPA GƆD se in go briŋ dombolo kam na di ples ɛn pan ɔl di pipul dɛn we tap de, lɛkɛ aw i rayt na di buk we di kiŋ na Juda dɔn rid.

Ayzaya 1:3

Man kaw no udat i blant, ɛn dɔŋki no di say we in masta put in it, bɔt Izrɛl nɔ no, mi pipul dɛn nɔ ɔndastand.”

Ayzaya 43:28

Fɔseka dat, a nɔ bin rɛspɛkt di bigman dɛn we bin de na di oli ples, A bin mek dɛn nyakanyaka Jekob ɛn mek dɛn fityay Izrɛl.

Jɛrimaya 2:29

“Wetin du una de kɔmplen bɔt mi? Una ɔl dɔn kɔmɔt biɛn mi. Na so PAPA GƆD se.

Jɛrimaya 32:23

ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.

Jɛrimaya 40:3

na PAPA GƆD mek i bi, ɛn na wetin I bin se I go du, I du. Na bikɔs una kɔmit sin to PAPA GƆD, ɛn nɔ du wetin I se, mek dɛn tin ya apin to una.

Jɛrimaya 44:23

Na bikɔs una bɔn insɛns, ɛn bikɔs una kɔmit sin to PAPA GƆD, ɛn nɔ du wetin PAPA GƆD se, ɔ obe in lɔ dɛm, in ɔda ɛn in kɔmandmɛnt dɛm, mek dis bad bad tin dɔn apin to una de lɛkɛ tide.”

Daniɛl 9:5

Wi dɔn kɔmit sin ɛn dɔn du bad, ɛn biev wikɛd wan ɛn tɔn wi bak ɛn nɔ du wetin yu lɔ ɛn ɔda dɛn se;

Daniɛl 9:13

As i rayt na Mozis in lɔ, na so ɔl dis wahala dɔn mit wi. Pan ɔl dat, wi nɔ tɛl PAPA GƆD tɛnki fɔ di sɔri we PAPA GƆD we na wi Gɔd sɔri fɔ wi.

Zɛkaraya 7:12

Dɛn traŋa dɛn at fɔ mek dɛn nɔ yɛri PAPA GƆD Ɔlmayti in wɔd we i bin dɔn mek in Spirit we bin de insay dɛn fɔstɛm prɔfɛt tɔk. Dat mek PAPA GƆD Ɔlmayti vɛks bad fɔ wetin dɛn de du.

Zɛkaraya 8:13

I se pipul bin de yus dɛn nem we dɛn de swɛ ɔda pipul, bɔt naw na dɛn sem pipul de go yus nem fɔ blɛs pipul dɛn bikɔs in go sev dɛn ɛn i go mek pipul de kɔl Juda ɛn Izrɛl dɛn nem we dɛn wan blɛs ɔda pipul. I se, mek dɛn nɔ fred, lɛ dɛn pik ɔp zil nɔmɔ.

Ditarɔnɔmi 8:20

Lɛkɛ aw dɛn bin si PAPA GƆD kil dɛn ɔda neshɔn dɛn fɔseka dɛn, na so i go mek dɛnsɛf day biks dɛn nɔ obe PAPA GƆD we na dɛn PAPA GƆD, in lɔ dɛn.

2 Kiŋ 18:12

Ɔl dis bin bi bikɔs di pipul dɛn nɔ obe PAPA GƆD ɛn brok di Kɔvinant we de bitwin in ɛn dɛn, ɛn nɔ gri du ɔl wetin Mozis tɛl dɛn fɔ du. Wan wɔd dɛn nɔ yɛri.

Jɛrimaya 6:19

Yɛri o, yu ath, a de briŋ dizasta kam pan dɛn pipul ya, we na di pe we dɛn fɔ gɛt fɔ di wok we dɛn du, bikɔs dɛn nɔ yɛri mi wɔd; as fɔ mi lɔ dɛm, dɛn nɔ de obe dɛm sɛf.

Jɛrimaya 16:11

PAPA GƆD se, dɔn yu go tɛl dɛm se, ‘Na bikɔs una fɔstɛmpapa dɛm dɔn fɔsek mi, ɛn dɔn go de biɛn ɔda gɔd dɛm, ɛn de sav dɛm ɛn wɔship dɛm, ɛn fɔsek mi ɛn nɔ de kip mi lɔ,

Jɛrimaya 30:14

Ɔl una lɔva dɛm dɔn fɔgɛt una; dɛn nɔ bisin bɔt una; bikɔs a dɔn trit una di we pɔsin go trit in ɛnimi, di pɔnishmɛnt we pɔsin we nɔ gɛt masi go gi in ɛnimi, bikɔs una gilti bad bad wan, bikɔs una sin pasmak.

Jɛrimaya 44:22

PAPA GƆD nɔ bin ebul bia di bad bad tin dɛm ɛn di tin dɛm we i et bad bad wan we una dɔn du; na dat mek una land dɔn tɔn gud fɔ natin, i dɔn gɛt swɛ ɛn nɔbɔdi nɔ tap de, lɛk aw i de lɛkɛ tide.

Zɛkaraya 1:6

I se bɔt di tɔk we i bin tɛl di prɔfɛt dɛn fɔ tɔk de te naw. Dat mek dɛn beg padin ɛn se aw PAPA GƆD plan fɔ dil wit wi fɔ wetin wi de du, na so i dɔn dil wit wi.