Daniɛl 8:8 - Krio Fɔs Oli Baybul

⁸ Dɛn di man got bigin fɔ es insɛf ɔp bad bad wan; bɔt wɛn i bin dɔn gɛt bɔku pawa, di big big ɔn bin brok. Usay da ɔn de bin kɔmɔt, fo ɔn we ɔlman go si izi wan bɔs de, de pɔynt to di fo difrɛn say we briz de blo.

Daniɛl 8:8 Referans Kwoze

Daniɛl 7:2

Daniɛl se, “insay mi vishɔn we a si na nɛt, a si fo difrɛn kayn briz we kɔmɔt na ɛvin de blo, ɛn miksɔp di big big si.

Rɛvɛleshɔn 7:1

Wɛn dat dɔn, a si fo enjɛl dɛn tinap na di fo kɔna dɛn na di wɔl. We dɛn tinap de, dɛn bin de tap di briz we bin want fɔ blo kɔmɔt na di fo kɔna dɛn na di wɔl, mek dɛn nɔ blo pan di dray grɔn ɔ pan di wata ɔ pan dɛn tik.

Daniɛl 8:22

As fɔ di ɔn we bin brok, we fo ɔdawan dɛn bin tek in ples, i de sho se fo ɔda kindɔm go kɔmɔt insay in neshɔn bɔt nɔn nɔ go gɛt di sem pawa lɛk di fɔs kiŋ.

Daniɛl 8:5

As a bin de wɔnda, nain a si wan mangot kɔmɔt frɔm di wɛst krɔs di wanol wɔl, ɛn nɔ bin tɔch di grɔn. Di got bin gɛt wan ɔn we ɔl man go si izi wan bitwin in yay dɛn.

Daniɛl 5:20

Na wɛn Nɛbyukadnɛza bigin fil se in bɛtɛ pas ɔlman ɛn in at bigin traŋa, nain i bigin mek prawd we mek dɛn pul am nain tron ɛn in rɛspɛkt bin dɔn;

2 Kronikuls 26:16

We Kiŋ Uzaya bin dɔn sidɔm na pawa gud gud wan, i bigin mek prawd, we briŋ in dawnfɔl. I bin fɔls to PAPA GƆD we nain Gɔd, ɛn i go insay PAPA GƆD in os go bɔn insɛns na di insɛns ɔlta.

Mak 13:27

I go sɛn di enjɛl dɛn ɔlɔbɔt na wɔl frɔm wan ɛnd to di ɔda fɔ gɛda dɛn pipul we i dɔn pik fɔ bi in yon, briŋ dɛn kam to am.

Matyu 24:31

Trɔmpɛt go blo lawd wan, dɔn i go sɛn in enjɛl dɛn ɔlɔbɔt na wɔl frɔm wan ɛnd to di ɔda fɔ gɛda dɛn pipul we i dɔn pik fɔ bi in yon, ɛn briŋ dɛn kam to am.

Daniɛl 11:4

Wɛn i go dɔn gɛt pawa gud gud wan, in kindɔm go skata ɛn go sheb to di fo say we briz de blo kɔmɔt ɛvin, bɔt nɔto to nɔn pan in jɛnareshɔn, ɛn nɔto bay di kayn pawa we i bin de tek rul; bikɔs dɛn go jɔg di kindɔm nain an ɛn i go go to ɔda pipul dɛn we nɔ blant in jɛnareshɔn.

Daniɛl 7:6

Afta dawande, a luk bak, ɛn a si ɔda wan we in tan lɛk lɛpɛt, ɛn i gɛt fo fɛda lɛk bɔd yon nain bak; ɛn i gɛt fo ed; ɛn dɛn gi am pawa fɔ kɔntrol ɔltin.

Daniɛl 4:31

As di wɔd de kɔmɔt na di kiŋ in mɔt so, wan vɔys we kɔmɔt na ɛvin se, Kiŋ Nɛbyukadnɛza, na yu gɛt dis wɔd. Di kindɔm dɔn kɔmɔt na yu an,

Izikɛl 28:9

Yu go stil se, ‘mi na wan gɔd,’ bifo ɔl dɛn wan dɛn we kil yu, Ivin do yu na natin bɔt wan mɔtalman, ɛn nɔto nɔn gɔd, na dɛn wan dɛn an we wund yu?

Izikɛl 16:7

‘una go gro ɔp, lɛk plant na di fam. Ɛn una bin gro big ɛn tɔl tɔn yɔŋ uman we dɔn ful yay; una bɔbi bin dɔn kɔmɔt ɛn una ia dɔn gro; bɔt una bin stil de nekɛd ɛn ɛmti bɔdi.

Jɛrimaya 5:27

Dɛn os dɛn ful wit bad at ɛn tif, lɛkɛ aw blay kin ful wit bɔd; na dat mek dɛn dɔn jɛntri ɛn gɛt pawa,

Ɛsta 9:4

Mɔdikay bin dɔn tɔn bigman na di kiŋ in os ɛn ɔlman bin dɔn no bɔt am ɔlɔbɔt na di prɔvins dɛn; bikɔs i bin jɛs de tɔf mɔ ɛn mɔ.

Ditarɔnɔmi 31:20

PAPA GƆD se, bikɔs we in go dɔn kɛr dɛn go na di land we gud fɔ plant ɛn fɔ mɛn animal, we in bin dɔn prɔmis dɛn fɔstɛm-papa dɛn se in go gi dɛn, ɛn dɛn bɔdi dɛn go dɔn fayn fayn, dɛn go pwɛl di Kɔvinant we de bitwin in ɛn dɛn, ɛn kɔmɔt biɛn am.

Jɛrimaya 49:36

a go mek di fo kayn briz we de blo kɔmɔt na di fo kɔna dɛn na di klawd, blo na Ilam, ɛn a go skata dɛm insay ɔl dɛn briz de, ɛn nɔn neshɔn nɔ go de we di wan dɛn we a drɛb kɔmɔt Ilam, nɔ go de.

Daniɛl 8:7

A si di got we i bin kam nia di manship, ɛn i bin so vɛks pan am dat i bɔt di manship ɛn brok in tu ɔn; ɛn di manship nɔ bin gɛt ɛni pawa igen fɔ fɛt di got, bɔt di got bin ib di manship na grɔn ɛn mas mas am; nɔbɔdi nɔ bin ebul fɔ pul di manship na di got in an.