Daniɛl 8:7 - Krio Fɔs Oli Baybul

⁷ A si di got we i bin kam nia di manship, ɛn i bin so vɛks pan am dat i bɔt di manship ɛn brok in tu ɔn; ɛn di manship nɔ bin gɛt ɛni pawa igen fɔ fɛt di got, bɔt di got bin ib di manship na grɔn ɛn mas mas am; nɔbɔdi nɔ bin ebul fɔ pul di manship na di got in an.

Daniɛl 8:7 Referans Kwoze

Daniɛl 11:11

Dɛn di kiŋ na Ijipt go vɛks bad bad wan, ɛn go kɔmɔt kam fɛt di kiŋ na Siria; plɛnti plɛnti pipul dɛn go go wit am, bɔt di kiŋ na Siria go kapchɔ am.

Daniɛl 7:7

Afta dis, insay dis vishɔn ya na nɛt, a si di nɔmba fo bist; in bin ebi fɔ luk, ɛn bin fiaful ɛn bin gɛt trɛnk bad; i bin gɛt ayɛn tit dɛm; i bin de it awaŋɔt we ɛn bin de brok brok pis pis, ɛn mas mas di wan dɛn we lɛf, wit in fut. I bin difrɛn frɔm ɔl di ɔda bist dɛn we bin dɔn kam bifo am; ɛn in bin gɛt tɛn ɔn.

Jɔshwa 8:20

We di man dɛn na Ay tɔn ɛn si smok de kɔmɔ na dɛn siti, dɛn nɔ bin ebul rɔn go bifo, dɛn nɔ bin ebul tɔn bak bikɔs dɛn dɔn no stret se, dɛn ɛnimi dɛn dɔn kapchɔ dɛn siti.

Lɛvitikɔs 26:37

Dɛn go wund dɛnsɛf fɔ natin we dɛn go de fɔdɔm pan dɛnsɛf wit fred lɛkɛ udat dɛn atak bɔt nɔbɔdi nɔ go de rɔnata dɛn; ɛn dɛn nɔ go gɛt maynd fɔ fes dɛn ɛnimi dɛn.

Daniɛl 8:6

I bin kam to di manship we bin gɛt di tu ɔn, ɛn we a bin si tinap na di sho, ɛn di got bin atak di ship traŋa wan wit vɛksteshɔn.

Daniɛl 8:8

Dɛn di man got bigin fɔ es insɛf ɔp bad bad wan; bɔt wɛn i bin dɔn gɛt bɔku pawa, di big big ɔn bin brok. Usay da ɔn de bin kɔmɔt, fo ɔn we ɔlman go si izi wan bɔs de, de pɔynt to di fo difrɛn say we briz de blo.

Daniɛl 8:10

I gro big big wan, te rich ɛvin; i trowe sɔm pan di sta dɛn na grɔn ɛn mas mas dɛn.

Daniɛl 7:12

As fɔ di ɔda bist dɛn, dɛn bin tek dɛn pawa kɔmɔt na dɛn an, bɔt dɛn bin mek dɛn layf de fɔ sɔm tɛm.