Daniɛl 8:23 - Krio Fɔs Oli Baybul

²³ Ɛn bay di tɛm we dɛn yon pawa de dɔn, wɛn dɛn wikɛd wan dɛn kɔp go dɔn ful, wan kiŋ we nɔ de laf we sabi andul prɔblɛm, go kam.

Daniɛl 8:23 Referans Kwoze

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Fɔs Lɛta To Timoti 4:1

Gɔd in Spirit dɔn tɔk plen wan se tɛm go kam we sɔm pipul go lɛf fɔ biliv Gɔd; dɛn go de du wetin dɛn spirit we de lay tɛl dɛn fɔ du, ɛn dɛn go de fala wetin dɛbul lan dɛn.

Daniɛl 7:20

Ɛn igen, di tɛn ɔn we bin de nain ed, ɛn di ɔda ɔn we bin bɔs midul dɛn, we na bifo am tri pan dɛn bin fɔdɔm; da ɔn de we bin gɛt yay ɛn mɔt we de tɔk impɔtant tɔk, ɛn we bin luk lɛk se i gɛt pawa pas ɔl in kɔmpin dɛn.

Daniɛl 7:11

Nain a luk insay de bikɔs ɔf di big wɔd dɛn we di ɔn bin de tɔk. Ɛn as a bin de luk, dɛn kil di bist; dɛn nyakanyaka in bɔdi ɛn mek dɛn go bɔn am wit faya.

Daniɛl 7:8

A bin de wach di ɔn dɛn, nain a si wan ɔda wan bɔs midul dɛn, wan smɔl wan, ɛn dɛn jɔg tri pan di fɔs ɔn dɛn kɔmɔt na dɛn rut; ɛn a si se dis ɔn ya bin gɛt yay dɛn we tan lɛk mɔtalman yon, ɛn mɔt we de tɔk impɔtant tin dɛn.

Daniɛl 7:25

I go tɔk bad tin bɔt PAPA GƆD we ay pas ɔl, ɛn i go mɔna dɛn wan dɛn we biliv pan PAPA GƆD ɛn i go tink fɔ chenj aw tin tan, ɛn di lɔ; ɛn i go gɛt di pawa fɔ tri ɛn di af ia.

Daniɛl 8:25

Bay in kɔni kɔni, di tɛm we i de na pawa, i go mek pipul dɛn prɔfit pan fɔls layf, ɛn i go de tink nain maynd se in na bigman wit bɔku pawa. Di tɛm we pipul dɛn nɔ de tink am, i go kil bɔku; ɛn i go ivin fɛt di prins we ay pas ɔl di prins dɛn; bɔt i go rich in watalo we nɔto bay mɔtalman an.

Izikɛl 38:16

Yu go kam ɔp agens mi Izrɛl pipul, lɛk klawd we de kɔba di kɔntri. Pan di de dɛn we gɛt fɔ kam biɛɛn, a go briŋ yu kan agens mi kɔntri, so dat di neshɔn. Dɛn go no mi, wɛn pan yu, O Gɔg, a go pruv mi olinɛs bifo dɛn yay.

Izikɛl 38:8

Afta bɔku de dɛn dɔn pas, yu go dɔn gɛda gud pan di las ia dɛn we gɛt fɔ kam; yu go go agens di kɔntri we dɔn kɔmɔt pan wa ɛn dɔn bil bak di kɔntri usay pipul bin dɔn gɛda frɔm bɔku neshɔn dɛn pan di Izrɛl mawnten dɛm we bin dɔn bi yuslɛs fɔ lɔŋ lɔŋ tɛm; di pipul dɛn bin dɔn kɔmɔt pan di neshɔn dɛn naw dɛn ɔl tap sef wan.

Daniɛl 11:24

Ɛn i go gɛt mɔ pawa wit pipul dɛn we nɔ plɛnti. Di tɛm we nɔbɔdi nɔ de tink, i go kam na di say we jɛntri pas ɔlsay na di kɔntr; ɛn in go du wetin in papa dɛn ɛn in papa dɛn papa dɛn nɔ bin du; i go sheb tin dɛn we dɛn tif tin dɛn we dɛn kapchɔ we dɛn go fɛt, ɛn ɔda tin dɛn gi di pipul dɛn we dɛn bin ebul tek. I go mek plan fɔ pwɛl di barik dɛn, bɔt dat nɔ go las lɔŋ.

Daniɛl 11:21

Di pɔsin we go tek in ples na sɔmbɔdi we nɔ rɛspɛkt nɔbɔdi ɛn nɔ no bɔn na kiŋ layn; nɔbɔdi nɔ go se i kam fɔ pawa bɔt i go tek swit mɔt tek pawa.

Daniɛl 10:14

ɛn a dɔn kam fɔ mek yu ɔndastand wetin gɛt fɔ apin to yu pipul dɛn bambay. Bikɔs di vishɔn nɔto fɔ naw, na fɔ bambay.

Jɛnɛsis 15:16

Fo jɛnareshɔn go dɔn bɔn bifo ɛniwan go kam bak na ya so, bikɔs di tɛm nɔ go rich yet we di Amɔrayt dɛn sin go dɔn pasmak.”

Fɔs Lɛta Fɔ Tɛsalonayka 2:16

Dɛn tray fɔ tap wi mek wi nɔ tɛl dɛn pipul we nɔto Ju aw Gɔd go sev dɛn. Dɛn bin dɔn de sin plɛnti tɛm, ɛn dɛn nɔ bin tap fɔ sin, bɔt naw Gɔd dɔn vɛks pan dɛn ɛn i dɔn kɔndɛm dɛn.

Matyu 23:32

So, una go dɔn di wok we una grampapa papa dɛn bin bigin!

Ditarɔnɔmi 28:50

Na pipul dɛn we nɔ de laf ɛn dɛn nɔ de sɔri fɔ ol ɔ yɔŋ pɔsin.

Di Nɔmba Dɛm 24:24

Dɛn go tek ship dɛn kam na Sayprɔs; dɛn go ovatro Asiria ɛn Eba bɔt dɛnsɛf go pwɛl kpatakpata.

Prɔvabs 1:6

fɔ lɛ i go ɔndastand di parebul dɛn minin.

Daniɛl 8:22

As fɔ di ɔn we bin brok, we fo ɔdawan dɛn bin tek in ples, i de sho se fo ɔda kindɔm go kɔmɔt insay in neshɔn bɔt nɔn nɔ go gɛt di sem pawa lɛk di fɔs kiŋ.

Daniɛl 8:24

I go gɛt bɔku pawa ɛn i go so de pwɛl ɛn kil, dat pipul dɛn go de fred am. I go de win pan ɔl wetin i de du, ɛn i go nyakanyaka plɛnti bigman dɛn, ɛn semwe, dɛn pipul we biliv pan PAPA GƆD.