Daniɛl 8:2 - Krio Fɔs Oli Baybul

² Insay di vishɔn, we a luk, a bin de na Susa, di kapital siti we de na Ɛlam prɔvins; ɛn a si misɛf insay di vishɔn se a de na di riva Ulay

Daniɛl 8:2 Referans Kwoze

Ɛsta 1:2

ɛn da tɛm de, i bin tap na Susa, we na di kapital

Nɛimaya 1:1

Dis na di stori bɔt Nɛimaya, Akalaya in bɔypikin we misɛf rayt: Twɛnti ia afta we Kiŋ Atazaksis bin dɔn bigin rul Pashia, insay di mɔnt we dɛn kɔl Kislɛv, da sem ia de, a bin tap nia di wɔl na Susa.

Izikɛl 32:24

Ɛlam ɛn ɔl in bɔku bɔku krawd we de rawnd in grev, de de; dɛn kil dɛn ɔl, di sɔd nain ib dɛn dɔŋ, ɛn dɛn nɔ bin sakɔmsayz we go dɔŋ na di ɔnda wɔl, bikɔs dɛn bin de prɛd bɔku bɔku fred fred na di kɔntri we di livin tap. Ɛn dɛn de bia dɛn shem wit dɛn wan we go dɔŋ na di pit.

Jɛrimaya 25:25

ɔl di kiŋ dɛm na Zimri, ɔl di kiŋ dɛm na Ilam, ɛn ɔl di kiŋ dɛm na Mɛdia;

Ɛsta 2:8

Wɛn di lɔ we di kiŋ pas kɔmɔt na do fɔ mek dɛn yɔŋgyal dɛn gɛda na Susa to Egay, Ɛsta sɛf na bin wan pan dɛn ɛn dɛn bin lɛ Egay de inchaj ɔf am bikɔs nain bin de inchaj ɔf di uman dɛn.

Jɛnɛsis 14:1

Dɛn fo kiŋ ya so, Amrafɛl, di kiŋ na Shina; Ariɔk, di kiŋ na Ɛlasa; Kɛdɔlaoma, kiŋ na Ilam; ɛn Tidal, kiŋ na Goim,

Jɛnɛsis 10:22

Shɛm in bɔypikin dɛn na Ilam, Ashɔ, Apakshad, Lud, ɛn Aram.

Daniɛl 8:3

We a es mi yay ɔp, a si wan manship tinap na di sho. I bin gɛt tu ɔn; ɔl tu bin ay, bɔt wan bin ay pas in kɔmpin, bɔt na di wan we ay pas di ɔda wan bin kam ɔp afta di fɔs wan.

Daniɛl 7:15

“Ɛn as fɔ mi Daniɛl, mi spirit bin wɔri bad bad wan ɛn di vishɔn dɛn we a bin de tink bɔt, bin de mek a fred.

Daniɛl 7:2

Daniɛl se, “insay mi vishɔn we a si na nɛt, a si fo difrɛn kayn briz we kɔmɔt na ɛvin de blo, ɛn miksɔp di big big si.

Ayzaya 21:2

Dɛn sho mi wan siriɔs siriɔs vishɔn; di man we de lut, de lut, ɛn di pɔsin we de nyakanyaka, de nyakanyaka. Yu Ilam, go atak, le ambush, yu Mɛdia; A go tap ɔl di pini we i dɔn mek una pini.

Ayzaya 11:11

Da de de, PAPA GƆD go ɛp sɛkɛn tɛm fɔ briŋ di balans pan in pipul dɛn we bin lɛf, kɔmɔt Asiria, Ijipt, Patrɔs, Itiopia, Ilam, Babilonia, Emat ɛn di land dɛn we de na di kost.

Ɛsta 9:15

Di Ju dɛn we bin de na Susa gɛda bak di nɛks de we na di de we mek fotin na Ada mɔnt ɛn kil ɔda tri ɔndrɛd man insay Susa bɔt dɛn no tek dɛn natin.

Ɛsta 9:11

Da sem de de, dɛn tɛl di kiŋ ɔmɔs pɔsin dɛn kil na di kapital we na Susa.

Ɛsta 8:15

Dɛn Mɔdikay kɔmɔt usay di kiŋ de wit in blu ɛn wayt klos lɛkɛ di wan we kiŋ kin wɛr, wit gold krawn ɛn kot we dɛn tek fayn linin ɛn pɔpul matirial mek. Da tɛm de, na so ɔlman insay Susa de ala wit gladi.

Di Nɔmba Dɛm 12:6

i se, “Una lisin to mi gud. Na bay vishɔn a de sho misɛf to ɛni PAPA GƆD in prɔfɛt dɛn, dɔn a de tɔk to dɛn pan drim.

Di Ibru Pipul Dɛn 1:1

Fɔstɛm, Gɔd bin de tɔk to wi grampapa papa dɛn, plɛnti tɛm, ɛn i bin de yus difrɛn difrɛn we. Nain prɔfɛt dɛn i bin de sɛn fɔ tɛl wi grampapa papa dɛn in wɔd.

Ɛsta 7:6

Nain Ɛsta se, “Di pɔsin na ɛnimi! Na dis bad Eman!” Dɛn Eman in at pwɛl as i sidɔm wit fred frɔnt di kiŋ ɛn kwin.

Ɛsta 3:15

Na so di pipul dɛn we de kɛr di ɔda go rawnd de ɔri bikɔs na so di kiŋ se, ɛn nainsay Susa we na di kapital di kiŋ bin gi di ɔda. Di kiŋ ɛn Eman sidɔm de drink bɔt dɛn bin dɔn gi ɔlman na di siti dɛn siriɔs kɔtat.

Rɛvɛleshɔn 9:17

A si di ɔs dɛn ɛn di pipul dɛn we bin de rayd dɛn, klia wan: dɛn chɛst bin kɔba wit tin lɛkɛ ayɛn klos we pipul de wɛr na wa, di ayɛn bin rɛd lɛkɛ faya, blu lɛkɛ si wata, ɛn yala lɛkɛ sɔlfa. Di ɔs dɛn ed bin fiba layɔn ed, ɛn faya wit smok ɛn ɔt sɔlfa bin de kɔmɔt na dɛn mɔt.

Izikɛl 1:1

Di ia we mek tati, insay di nɔmba fo mɔnt ɛn di de we mek fayv, as a bin de wit di wan dɛn we bin de na ɛgzayl, nia Riva Chɛba, di klawd bin opin ɛn a si bɔku vishɔn bɔt PAPA GƆD.

Daniɛl 8:1

Insay di tɔd ia we kiŋ Bɛlshaza bin de rul, wan vishɔn bin kam to mi Daniɛl, afta dɛn fɔs wan dɛn.

Daniɛl 10:4

Di de we mek twɛnti fo insay di fɔs mɔnt na di Ju kalɛnda, as a bin tinap na di sho na da big riva, dat na Riva Taygris;