Daniɛl 8:13 - Krio Fɔs Oli Baybul

¹³ Nain a yɛri wan Oli Wande tɔk; ɛn wan ɔda Oli wan tɛl di wan we bin de tɔk se, “aw lɔŋ dis vishɔn ya bɔt di sakrifays we dɛn de bɔn ɔltɛm, ɛn di sin dɛn we de pwɛl at, ɛn di tek we dɛn dɔn tek di ples we dɛn de pre, ɛn aw dɛn de mas mas di man na os ɔnda dɛn fut?”

Daniɛl 8:13 Referans Kwoze

Rɛvɛleshɔn 11:2

Bɔt nɔ mɛnshɔ di sɛkɛn opin ples we de rawnd Gɔd in Os bikɔs da ples de na fɔ dɛn pipul we nɔto Gɔd yon pipul, ɛn dɛn pipul de go mas Gɔd in tɔŋ ɔnda dɛn fut fɔ fɔti-tu mɔnt.

Rɛvɛleshɔn 6:10

Dɛn bin de ala lawd wan se, “Masta, yu we yu pawa pas ɔl pawa, yu we tru ɛn yu we na yu wangren na Gɔd, aw lɔŋ igen wi fɔ wet bifo yu go jɔj dɛn pipul na wɔl ɛn pɔnish dɛn bikɔs dɛn bin kil wi?”

Lyuk 21:24

Dɛn go tek sɔd kil sɔm, dɛn go tek sɔm lɛkɛ prizina kɛr dɛn go ɔlsay. Dɛn pipul we nɔ sabi Gɔd, go pwɛl Jerusɛlɛm ɔltogɛda, te dɛn kɔmɔt na pawa.

Daniɛl 9:27

I go mek traŋa Kɔvinant wit bɔku pipul fɔ wan wik; ɛn fɔ af da tɛm de, i go mek dɛn tap fɔ mek sakrifays ɛn ɔfrin. Pɔsin go kɔmɔt na di say we dɛn de du wetin PAPA GƆD et, te di tɛm we di lɔ go kech di pɔsin we de pwɛl ɔlsay.”

Daniɛl 11:31

In ami dɛn go kam dɛsikret di tɛmpul ɛn di barik, ɛn go tap di bɔn sakrifays we nɔ de tap ɛn du tin we PAPA GƆD nɔ lɛk we go briŋ trɔbul.

Daniɛl 4:13

“Insay di vishɔn dɛn we a gɛt we a lidɔn na mi bed, a si wan wachman, oli wachman, kɔmɔt na ɛvin kan dɔŋ.

Pita In Fɔs Lɛta 1:12

Gɔd sho dɛn prɔfɛt ya se nɔto fɔ ɛp dɛnsɛf dɛn de wok, bɔt na fɔ ɛp una. Di wok we dɛn de du na we dɛn de tɔk bɔt dɛn tin we una dɔn yɛri, we dɛn wan we de tɛl pipul di Gud Nyuz dɔn tɔk. Na Gɔd in Spirit we Gɔd sɛn kɔmɔt ɛvin, nain mek dɛn pipul ya ebul tɛl pipul di Gud Nyuz. Na dɛn tin ya dɛn enjɛl dɛnsɛf go lɛk fɔ ɔndastand.

Di Ibru Pipul Dɛn 10:29

Una fɔ no se, da pɔsin we nɔ tek in Pikin mek ɛnitin, Gɔd go mɔs pɔnish am traŋa wan; da pɔsin de de se Krays in blɔd we Gɔd tek mek agrimɛnt wit mɔtalman fɔ mek mɔtalman bi in yon, nɔ gɛt pawa; ɛn i fityay Gɔd in Spirit we briŋ blɛsin kam.

Fɔs Lɛta Fɔ Tɛsalonayka 3:13

Dat go mek di Masta gi una kɔrej so dat wɛn una go tinap bifo Gɔd we na wi Papa, di tɛm we Masta Jizɔs go kam bak wit ɔl in yon pipul dɛn, una go bi lɛkɛ aw Gɔd want una fɔ bi.

Lyuk 21:20

“Bɔt di tɛm we una go si soja man dɛn gɛda rawnd Jerusɛlɛm, una fɔ no se di tɛm we da tɔŋ de go pwɛl dɔn de rich.

Mak 13:14

“Una go si di bad bad tin tinap na di ples we i nɔ fɔ de.” (Una we de rid: una ɔndastand wetin dis min.) “Da tɛm de di pipul dɛn na Judia fɔ rɔnawe go na dɛn il,

Matyu 24:15

“Una go si di bad bad tin we prɔfɛt Daniɛl bin tɔk bɔt, tinap na Gɔd in Os.” (Una we de rid: una ɔndastand wetin dis min!)

Ayzaya 63:18

Yu oli ples bin blant yu oli pipul dɛn lili wayl; wi ɛnimi dɛn dɔn mas mas am brok kan dɔŋ.

Ayzaya 6:11

Nain a tɔk se, “E PAPA GƆD aw lɔŋ?” Nain I se, “sote di siti dɛn ɔl lɛf ɛmti ɛn pɔsin dɛn nɔ tap de, ɛn nɔbɔdi nɔ tap na di os dɛm, ɛn nɔbɔdi nɔ tap na di land,

Di Sam Dɛm 79:5

PAPA GƆD, aw lɔŋ? Yu go vɛks pan wi te go? Aw lɔŋ yu go mek di vɛks we yu vɛks ɛn di jɛlɔs, tan lɛk faya fɔ bɔn wi?

Jud In Lɛta 1:14

Na dɛn pipul ya, Inɔk, we de pan di nɔmba sɛvin jɛnareshɔn we bigin frɔm Adam, bin dɔn tɔk bɔt we i se: “A de tɛl una se di Masta de kam wit tawzin tawzin enjɛl dɛn we na Gɔd insɛf gi am

Matyu 11:27

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.

Zɛkaraya 14:5

Na dis vali ya we sheb di mawnten, nain dɛn go tek fɔ rɔnawe lɛkɛ aw di tɛm we Uzaya na bin kiŋ, dɛn fɔstɛm pipul bin rɔnawe we dɛn bin gɛt athkwek. PAPA GƆD gɛt fɔ kam wit ɔl in enjɛl dɛn.

Zɛkaraya 1:19

I aks di enjɛl we bin de tɔk to am bak se, wetin dɛn wande. I ansa am se na di pawa dɛn na di wɔl we dɔn skata Juda, Izrɛl ɛn Jerusɛlɛm.

Daniɛl 12:11

Frɔm di tɛm we dɛn go pul di bɔn sakrifays we nɔ de tap, dat na di bad bad tin we dɛn du, go bi wan tawzin, tu ɔndrɛd ɛn naynti de.

Daniɛl 7:23

“Naim i se: ‘As fɔ di nɔmba fo bist, wan ɔda kindɔm we go bi nɔmba fo, go kam na di wɔl, ɛn i go difrɛn pas ɔl di ɔda kindɔm dɛn, ɛn i go kapchɔ di wanol wɔl, ɛn i go mas mas am ɛn brok brok am pis pis.

Daniɛl 7:16

So a bin go to wan pan dɛn wan dɛn we bin tinap de ɛn aks am fɔ tɛl mi tru tru wetin ɔl dɛn tin ya min. Nain i tɛl mi ɛn mek a no wetin ɔl dɛn tin ya min.

Daniɛl 4:23

Ɛn as di kiŋ bin si enjɛl kɔmɔt ɛvin de kam dɔŋ ɛn de tɔk se, ‘kɔt di tik dɔŋ ɛn pwɛl am pata pata, bɔt lɛf di bɔtɔm say wit di rut na di grɔn pan di yɔŋ gras na di fil. Tay am wit ayɛn ɛn bras, ɛn lɛ di ali mɔnin smɔl smɔl wata we de fɔdɔm kɔmɔt na di klawd sok sok am; ɛn lɛ in layf de wit di bist dɛn na di fil te sɛvin ia pas’;

Ayzaya 9:6

Bikɔs dɛn dɔn bɔn wan pikin gi wi, dɛn dɔn gi wi bɔypikin ɛn nain ed di gɔvmɛnt go de, ɛn in nem we dɛn go kɔl am, na, “Wɔndaful Kanselɔ, Mayti Gɔd, Ɛvalastin Papa, Prins ɔf pis.”

Di Sam Dɛm 74:9

Yu nɔ de ple nɔn mirekul ɛn nɔbɔdi nɔ de fɔ tɔk fɔ yu fɔ mek wi no ustɛm wi trɔbul go dɔn. Nɔbɔdi nɔ no aw lɔŋ i gɛt fɔ tek.

Di Jɔj Dɛm 13:18

Bɔt di enjɛl aks Manoa bak se wetindu i wan no in nem. I se i lɛk i tɛl am, i nɔ go ɔndastand.

Ditarɔnɔmi 33:2

I se, PAPA GƆD kam dɔŋ Mawnt Saynay ɛn kɔmɔt lɛkɛ di san ɛn shayn lɛk san oba Idɔm, ɛn in layt bin de shayn kɔmɔt Mawnt Paran, tawzin tawzin enjɛl dɛn bin de wit am ɛn faya bin de kɔmɔt nain raytan.

Jɔn 1:18

Nɔbɔdi nɔ si Gɔd wande. Gɔd in wangren Pikin, we in ɛn in Papa gɛt wan at, nain mek pipul no udat na Gɔd.

Lyuk 10:22

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.”

Di Sam Dɛm 74:10

PAPA GƆD, aw lɔŋ yu de lɛf wi ɛnimi dɛn fɔ laf yu? Yu go lɛf dɛn fɔ tɔk bad bɔt yu te go?

Ayzaya 28:18

Datɛnde, una Kɔvinant wit day go pwɛl, ɛn una agrimɛnt wit ɛl nɔ go ol wata igen; wɛn di pasmak pɔnishmɛnt go pas usay una de, i go mɔs wap una dɔŋ.

Jɛrimaya 12:10

Plɛnti shɛpad dɛn dɔn pwɛl pwɛl usay a de plant greps, dɛn dɔn mas mas mi fam, dɛn dɔn mek mi fayn fayn ples to wan ɛmti ɛn dray, gud fɔ natin ples.

Daniɛl 12:8

A bin yɛri, bɔt a nɔ bin ɔndastand. Nain a se, “Du ya masta, wetin ɔl dɛn tin ya min?”

Daniɛl 4:10

Na dɛn tin ya a bin si na di vishɔn we a bin lidɔm na mi bed: a bin si, wan tik de midul di wɔl; ɛn i bin ay bad bad wan.