Daniɛl 8:10 - Krio Fɔs Oli Baybul

¹⁰ I gro big big wan, te rich ɛvin; i trowe sɔm pan di sta dɛn na grɔn ɛn mas mas dɛn.

Daniɛl 8:10 Referans Kwoze

Rɛvɛleshɔn 12:4

I tek in tel drɔ wan pan ɛvri tri sta kɔmɔt ɔp na di klawd, ib dɛn dɔŋ pan di wɔl. I go tinap bifo di uman we bin fɔ bɔn, so dat i kin it in pikin jɛs i bɔn am so.

Ayzaya 14:13

Yu bin tɔk na yu at se, ‘A go klem go ɔp ɛvin; ay ay pas PAPA GƆD in sta dɛn. A go mek mi tron ɔp de; A go sidɔm na di mawnten we ɔlman kin mit fa fawe na di nɔt!

Daniɛl 8:7

A si di got we i bin kam nia di manship, ɛn i bin so vɛks pan am dat i bɔt di manship ɛn brok in tu ɔn; ɛn di manship nɔ bin gɛt ɛni pawa igen fɔ fɛt di got, bɔt di got bin ib di manship na grɔn ɛn mas mas am; nɔbɔdi nɔ bin ebul fɔ pul di manship na di got in an.

Daniɛl 7:7

Afta dis, insay dis vishɔn ya na nɛt, a si di nɔmba fo bist; in bin ebi fɔ luk, ɛn bin fiaful ɛn bin gɛt trɛnk bad; i bin gɛt ayɛn tit dɛm; i bin de it awaŋɔt we ɛn bin de brok brok pis pis, ɛn mas mas di wan dɛn we lɛf, wit in fut. I bin difrɛn frɔm ɔl di ɔda bist dɛn we bin dɔn kam bifo am; ɛn in bin gɛt tɛn ɔn.

Daniɛl 11:28

Ɛn i go go bak nain land wit bɔku bɔku tin dɛn, bɔt in at nɔ go pliz wit di oli Kɔvinant. Ɛn i go du wetin in want fɔ du, ɛn go bak nain yon kɔntri.

Daniɛl 11:30

Bikɔs ship dɛn we kɔmɔt Kitim go kam fɛt am, ɛn i go fred ɛn tɔn bak kɔmɔt de; i go tɔn bak, ɛn i go vɛks bad bad wan ɛn fɛt di oli Kɔvinant. I go tɔn bak ɛn lisin to di wan dɛn we dɔn tɔn dɛn bak pan di oli Kɔvinant.

Jɛrimaya 48:26

“Mek i drɔnk, bikɔs i es insɛf ɔp agens PAPA GƆD; dat go mek Moab rol insay in yon vɔmit, ɛn pipul dɛn go laf am.