Daniɛl 7:8 - Krio Fɔs Oli Baybul

⁸ A bin de wach di ɔn dɛn, nain a si wan ɔda wan bɔs midul dɛn, wan smɔl wan, ɛn dɛn jɔg tri pan di fɔs ɔn dɛn kɔmɔt na dɛn rut; ɛn a si se dis ɔn ya bin gɛt yay dɛn we tan lɛk mɔtalman yon, ɛn mɔt we de tɔk impɔtant tin dɛn.

Daniɛl 7:8 Referans Kwoze

Rɛvɛleshɔn 13:1

Dɛn a si wan wayl bif de kɔmɔt insay di wata kam ɔp. I bin gɛt tɛn ɔn ɛn sɛvin ed, ɔl di ɔn dɛn bin gɛt wan wan krawn pan dɛn; wan bad nem bɔt Gɔd bin rayt pan ɔl in ed dɛn.

Di Sam Dɛm 12:3

Mek PAPA GƆD lɛ ɔl dɛn pipul we de pan tufes biznɛs, dɛn mɔt sɛt, lɔk dɛn lay mɔt.

Rɛvɛleshɔn 9:7

Di lokɔs dɛn bin fiba dɛn ɔs we dɔn rɛdi fɔ go fɛt wa; tin dɛn we fiba gold krawn bin de na dɛn ed, dɛn fes bin fiba pɔsin fes.

Sɛkɛn Lɛta Fɔ Tɛsalonayka 2:4

Di wan we de fɛt Gɔd nɔ go tek dɛn tin ɛn dɛn spirit we pipul de pre to mek natin. I go fil se in gɛt pawa pas ɔl dɛn tin de ɛn i go sidɔm na Gɔd in Os ɛn se in na Gɔd.

Daniɛl 11:36

Di kiŋ go de du wetin in want fɔ du. I go mek prawd ɛn mek insɛf big pas ɔl dɛn gɔd, ɛn i go de tɔk strenj tin dɛn agens PAPA GƆD we ay pas ɔl dɛn gɔd. Bɛtɛ go fala am te i satisfay se in dɔn trit di pipul dɛn bad dɔn; bikɔs wetin i plan fɔ du, i mɔs du am.

Jud In Lɛta 1:16

Dɛn pipul ya nɔ de satisfay, dɛn de grɔmbul ɔltɛm, dɛn de blem ɔda pipul, dɛn jɛs de fala dɛn at fɔ du bad, dɛn de bost bɔt dɛnsɛf, dɛn de tɛl pipul soso dɛn tin we go mek dɛn ed big so da tɛm de dɛn go gi dɛn wetin dɛn want.

Pita In Sɛkɛn Lɛta 2:18

Dɛn de bost bost we nɔ min natin ɛn dɛn liv fri layf; na dat dɛn de tek drɔ dɛn pipul we jɛs bigin lɛf dɛn bad we fɔ mek dɛn fala dɛn, fɔ bigin liv bad layf bak.

1 Samiɛl 2:3

Nɔ mek plɛnti nɔys se yu de blɔf nɔ de kak bikɔs PAPA GƆD na PAPA GƆD we no ɔltin, ɛn nain de pe ɔlman fɔ wetin i du.

Sɛkɛn Lɛta To Timoti 3:2

Pipul go de mɛmba dɛnsɛf nɔmɔ, dɛn go want ɔltin, dɛn go de bost ɛn dɛn go prawd; dɛn go de kɔs, dɛn nɔ go de yɛri dɛn mami ɛn dadi wɔd, dɛn nɔ go de tɛl tɛnki fɔ ɛni gud we pɔsin du fɔ dɛn, dɛn nɔ go lɛk Gɔd biznɛs;

Daniɛl 7:19

“Dɔn a bin wan no di tru tru tin bɔt di nɔmba fo bist, we bin difrɛn pas ɔl di ɔda wan dɛn, ɛn we bin bad te i bad natin, wit in ayɛn tit dɛn ɛn bras fiŋa nel dɛm. Di sem wan bin tek tin dɛm ɛn bin brok dɛm pis pis ɛn mas mas di wan dɛm we lɛf wit in fut.