Daniɛl 7:7 - Krio Fɔs Oli Baybul

⁷ Afta dis, insay dis vishɔn ya na nɛt, a si di nɔmba fo bist; in bin ebi fɔ luk, ɛn bin fiaful ɛn bin gɛt trɛnk bad; i bin gɛt ayɛn tit dɛm; i bin de it awaŋɔt we ɛn bin de brok brok pis pis, ɛn mas mas di wan dɛn we lɛf, wit in fut. I bin difrɛn frɔm ɔl di ɔda bist dɛn we bin dɔn kam bifo am; ɛn in bin gɛt tɛn ɔn.

Daniɛl 7:7 Referans Kwoze

Rɛvɛleshɔn 13:1

Dɛn a si wan wayl bif de kɔmɔt insay di wata kam ɔp. I bin gɛt tɛn ɔn ɛn sɛvin ed, ɔl di ɔn dɛn bin gɛt wan wan krawn pan dɛn; wan bad nem bɔt Gɔd bin rayt pan ɔl in ed dɛn.

Rɛvɛleshɔn 12:3

Wɛn dat dɔn, wan ɔda wɔndaful tin bin bi ɔp na di klawd. Wan big big rɛd snek we dɛn kɔl dragɔn bɔs kɔmɔt, i bin gɛt sɛvin ed ɛn tɛn ɔn, ɛn ɔl di sɛvin ed dɛn bin gɛt wan wan krawn pan dɛn.

Rɛvɛleshɔn 17:12

“Di tɛn ɔn dɛn we yu si na tɛn kiŋ dɛn we nɔ bigin rul yet, bɔt dɛn go gi dɛn pawa fɔ rul lɛkɛ kiŋ wit di wayl bif fɔ wan awa.

Rɛvɛleshɔn 17:7

Di enjɛl aks mi se, “Wetin du yu de wɔnda?” I se, “A go tɛl yu wetin di uman ɛn di wayl bif we tot am, we gɛt sɛvin ed ɛn tɛn ɔn, min.

Daniɛl 8:10

I gro big big wan, te rich ɛvin; i trowe sɔm pan di sta dɛn na grɔn ɛn mas mas dɛn.

Daniɛl 7:13

Insay di vishɔn dɛn na nɛt, a si pɔsin insay di klawd dɛn we de ɔp, pɔsin we tan lɛk mɔtalman, nain i kam to di Enshɛnt ɔf Dez ɛn dɛn sho am to am.

Daniɛl 7:2

Daniɛl se, “insay mi vishɔn we a si na nɛt, a si fo difrɛn kayn briz we kɔmɔt na ɛvin de blo, ɛn miksɔp di big big si.

2 Samiɛl 22:43

A nyamanyama dɛn kpatakpata te dɛn tan lɛk dɔti na grɔn we nɔ fit natin pas fɔ waka pantap am.

Rɛvɛleshɔn 17:8

Di wayl bif we yu si bin gɛt layf fɔstɛm, bɔt i nɔ gɛt layf igen, i nɔ go te igen i go kɔmɔt na di ol we nɔ gɛt bɔtɔm, dɛn i go go na ples we dɛn go go kil am. Dɛn pipul we de na wɔl, we dɛn nem nɔ bin dɔn rayt bifo Gɔd mek di wɔl, na di buk we dɛn rayt dɛn pipul we gɛt layf sote go dɛn nem, dɛn ɔl go wɔnda wɛn dɛn de luk di wayl bif. I bin gɛt layf fɔstɛm, dɛn i day, bɔt i go kam bak.

Izikɛl 40:2

ɛn I briŋ mi in Papa Gɔd in vishɔn kam insay Izrɛl, ɛn i put mi dɔŋ pan wan ay ay mawnten, we sɔm bildin de togɛda we tan lɛk siti bin de fesin mi.

Daniɛl 2:19

Nain PAPA GƆD sho Daniɛl di mistri pan vishɔn na nɛt. So Daniɛl blɛs PAPA GƆD we de na ɛvin.

Job 41:14

Udat gɛt trɛnk fɔ mek i opin in mɔt? In tit dɛnsɛf go mek yu fred.

Daniɛl 8:22

As fɔ di ɔn we bin brok, we fo ɔdawan dɛn bin tek in ples, i de sho se fo ɔda kindɔm go kɔmɔt insay in neshɔn bɔt nɔn nɔ go gɛt di sem pawa lɛk di fɔs kiŋ.

Zɛkaraya 2:1

I es in ed ɔp ɛn si wan man we ol rop we fɔ tek mɛzhɔ nain an.