Daniɛl 7:23 - Krio Fɔs Oli Baybul

²³ “Naim i se: ‘As fɔ di nɔmba fo bist, wan ɔda kindɔm we go bi nɔmba fo, go kam na di wɔl, ɛn i go difrɛn pas ɔl di ɔda kindɔm dɛn, ɛn i go kapchɔ di wanol wɔl, ɛn i go mas mas am ɛn brok brok am pis pis.

Daniɛl 7:23 Referans Kwoze

Daniɛl 2:40

Dɛn di nɔmba fo kindɔm go kam; i go traŋa lɛk ayɛn, bikɔs ayɛn de brok kpata kpata ɛn nyakanyaka ɔl tin; ɛn lɛk ayɛn we ebul fɔ kwis tin dɛn, dis kindɔm go brok ɛn kwis kpata kpata ɔl di ɔda kindɔm we bin dɔn de.

Daniɛl 7:7

Afta dis, insay dis vishɔn ya na nɛt, a si di nɔmba fo bist; in bin ebi fɔ luk, ɛn bin fiaful ɛn bin gɛt trɛnk bad; i bin gɛt ayɛn tit dɛm; i bin de it awaŋɔt we ɛn bin de brok brok pis pis, ɛn mas mas di wan dɛn we lɛf, wit in fut. I bin difrɛn frɔm ɔl di ɔda bist dɛn we bin dɔn kam bifo am; ɛn in bin gɛt tɛn ɔn.

Lyuk 2:1

Dɛn tɛm de, Ɔgɔstɔs we na bin di kiŋ na Rom sɛn tɔk ɔlɔbɔt se ɔlman we de na Roman kɔntri mɔs go mek dɛn rayt dɛn nem dɔŋ na rɛjista.

Daniɛl 7:22

ɛn i bin de win dɛn, te di wan we bin dɔn de lɔlɔntɛm kam, ɛn i gi jɔjmɛnt fɔ seka di wan dɛn we biliv pan PAPA GƆD we ay pas ɔl, ɛn di tɛm rich wɛn di wan dɛn we biliv pan PAPA GƆD gɛt di kindɔm.

Daniɛl 7:24

Ɛn di tɛn ɔn dɛn we kɔmɔt insay da kindɔm de, tɛn kiŋ dɛn go rul, dɔn afta dat, wan ɔda wan go rul; in go difrɛn pas di fɔs wan dɛn,