Daniɛl 7:22 - Krio Fɔs Oli Baybul

²² ɛn i bin de win dɛn, te di wan we bin dɔn de lɔlɔntɛm kam, ɛn i gi jɔjmɛnt fɔ seka di wan dɛn we biliv pan PAPA GƆD we ay pas ɔl, ɛn di tɛm rich wɛn di wan dɛn we biliv pan PAPA GƆD gɛt di kindɔm.

Daniɛl 7:22 Referans Kwoze

Daniɛl 7:18

Bɔt di oli wan dɛm we biliv pan PAPA GƆD we ay pas ɔl, go gɛt di kindɔm sote go.

Rɛvɛleshɔn 20:4

Wɛn dat dɔn, a si dɛn chia we kiŋ kin sidɔm fɔ rul, ɛn a si dɛn wan we bin sidɔm pan dɛn. Sɔmbɔdi bin gi dɛn pawa fɔ jɔj ɔda pipul, ɛn igen a si dɛn spirit we kɔmɔt pan dɛn pipul we dɛn bin kil na wɔl bikɔs dɛn bin de tɔk se Jizɔs na dɛn Masta ɛn dɛn bin de tɛl pipul Gɔd in mɛsej. Dɛn pipul ya nɔ bin fɔdɔm bifo di wayl bif fɔ pre to am ɛn dɛn nɔ bin pre to di tin we dɛn mek fɔ tek mɛmba ɛn rɛspɛkt am, ɛn di wayl bif in mak nɔ bin de pan dɛn fɔrɛd ɔ pan dɛn an. Dɛn gɛt layf bak, dɔn dɛn rul wit Krays fɔ wan tawzin ia.

Rɛvɛleshɔn 5:10

Yu dɔn mek dɛn kam ɔnda Gɔd in rul ɛn bi pipul we de mek sakrifays to wi Gɔd, ɛn na dɛn go kam rul na dis wɔl.”

Rɛvɛleshɔn 3:21

Ɛnibɔdi we go stil tinap traŋa afta Setan dɔn tray am, a go mek i sidɔm wit mi na di say we a sidɔm fɔ rul jɛs lɛkɛ aw misɛf bin stil tinap traŋa afta Gɔd dɔn tray mi ɛn a kam sidɔm wit mi Papa na di say we i sidɔm de rul.

Sɛkɛn Lɛta Fɔ Tɛsalonayka 2:8

Na da tɛm de di wan we de fɛt Gɔd go sho insɛf. Bɔt wɛn Masta Jizɔs go kam, i go kil am wit di briz we de kɔmɔt nain mɔt ɛn wit di brayt layt we de rawnd am.

Matyu 19:28

Jizɔs se, “A de tɛl una se, nɛks wɔl wɛn Mɔtalman Pikin go sidɔm nain chia fɔ rul di wɔl wit in wɔndaful pawa na ɛvin, una twɛlv we dɔn de wit mi, go sidɔm pan twɛlv chia fɔ rul di twɛlv neshɔn dɛn we de na Izrɛl.

Rɛvɛleshɔn 1:6

ɛn i dɔn mek wi kam ɔnda Gɔd in rul ɛn bi pipul we de mek sakrifays to Gɔd we nain Papa. Jizɔs Krays gɛt ɔna ɛn pawa sote go. Emɛn.

Ayzaya 63:4

Bikɔs di de fɔ rivɛnj bin de na mi at, ɛn di ia fɔ ridim pipul dɔn kam.

Daniɛl 7:23

“Naim i se: ‘As fɔ di nɔmba fo bist, wan ɔda kindɔm we go bi nɔmba fo, go kam na di wɔl, ɛn i go difrɛn pas ɔl di ɔda kindɔm dɛn, ɛn i go kapchɔ di wanol wɔl, ɛn i go mas mas am ɛn brok brok am pis pis.

Di Sam Dɛm 149:5

Lɛ PAPA GƆD in pipul gladi mɔ ɛn jomp wit gladi na dɛn bed.