Daniɛl 7:21 - Krio Fɔs Oli Baybul

²¹ As a bin de luk, dis ɔn ya bigin fɛt wit dɛn wan dɛn we biliv pan PAPA GƆD,

Daniɛl 7:21 Referans Kwoze

Daniɛl 12:7

Di man we bin wɛr linin klos we bin de ɔp say oba di watasay, es in rayt an ɛn lɛf an ɔp to ɛvin, ɛn a yɛri we i de swɛ wit di wan we nɔ de day in nem, se i go bi fɔ tri ɛn af ia. Dɔn i se, na wɛn di oli pipul dɛn pawa go dɔn, ɔl dɛn tin ya go dɔn bi.

Rɛvɛleshɔn 17:14

Dɛn go fɛt di Ship bɔt di Ship ɛn dɛn wan we i kɔl ɛn pik fɔ du in wok, we nɔ lɛf fɔ fala am, go win dɛn. Na so i go bi bikɔs di Ship na di Masta we de oba ɔl dɛn masta, ɛn di Kiŋ we de rul oba ɔl dɛn kiŋ.”

Daniɛl 8:24

I go gɛt bɔku pawa ɛn i go so de pwɛl ɛn kil, dat pipul dɛn go de fred am. I go de win pan ɔl wetin i de du, ɛn i go nyakanyaka plɛnti bigman dɛn, ɛn semwe, dɛn pipul we biliv pan PAPA GƆD.

Rɛvɛleshɔn 17:6

A si se di uman bin drɔnk wit Gɔd in pipul dɛn blɔd ɛn di blɔd we kɔmɔt pan dɛn pipul we dɛn bin kil bikɔs dɛn tɔk opin wan se Jizɔs na dɛn Masta. Wɛn a si am a wɔnda te a nɔ no wetin fɔ tɔk.

Rɛvɛleshɔn 19:19

Dɛn a si di wayl bif, ɛn dɛn wan we de rul na wɔl wit dɛn soja man. Dɛn bin de gɛda fɔ rɛdi fɔ fɛt di wan we bin sidɔm pan di ɔs ɛn in yon soja man dɛn.

Daniɛl 8:12

PAPA GƆD in pipul dɛn bigin kɔmɔt biɛn am ɛn gi dɛnsɛf to di ɔn in pawa.

Daniɛl 11:31

In ami dɛn go kam dɛsikret di tɛmpul ɛn di barik, ɛn go tap di bɔn sakrifays we nɔ de tap ɛn du tin we PAPA GƆD nɔ lɛk we go briŋ trɔbul.

Daniɛl 7:20

Ɛn igen, di tɛn ɔn we bin de nain ed, ɛn di ɔda ɔn we bin bɔs midul dɛn, we na bifo am tri pan dɛn bin fɔdɔm; da ɔn de we bin gɛt yay ɛn mɔt we de tɔk impɔtant tɔk, ɛn we bin luk lɛk se i gɛt pawa pas ɔl in kɔmpin dɛn.

Daniɛl 8:9

Wan lili ɔn kɔmɔt pan wan pan di ɔn dɛn ɛn gro big big wande pɔynt sawt, ist ɛn to di lan we dɛn de prez pas ɔl.