Daniɛl 7:18 - Krio Fɔs Oli Baybul

¹⁸ Bɔt di oli wan dɛm we biliv pan PAPA GƆD we ay pas ɔl, go gɛt di kindɔm sote go.

Daniɛl 7:18 Referans Kwoze

Daniɛl 7:27

Di kindɔm ɛn di pawa ɛn di kindɔm in pawa ɔnda di wanol ɛvin go go to di pipul dɛn we biliv pan PAPA GƆD we ay pas ɔl; dɛn kindɔm go de sote go ɛn ɔl ɔda pawa dɛn go wok fɔ dɛn ɛn go obe dɛn.’

Rɛvɛleshɔn 5:10

Yu dɔn mek dɛn kam ɔnda Gɔd in rul ɛn bi pipul we de mek sakrifays to wi Gɔd, ɛn na dɛn go kam rul na dis wɔl.”

Rɛvɛleshɔn 20:4

Wɛn dat dɔn, a si dɛn chia we kiŋ kin sidɔm fɔ rul, ɛn a si dɛn wan we bin sidɔm pan dɛn. Sɔmbɔdi bin gi dɛn pawa fɔ jɔj ɔda pipul, ɛn igen a si dɛn spirit we kɔmɔt pan dɛn pipul we dɛn bin kil na wɔl bikɔs dɛn bin de tɔk se Jizɔs na dɛn Masta ɛn dɛn bin de tɛl pipul Gɔd in mɛsej. Dɛn pipul ya nɔ bin fɔdɔm bifo di wayl bif fɔ pre to am ɛn dɛn nɔ bin pre to di tin we dɛn mek fɔ tek mɛmba ɛn rɛspɛkt am, ɛn di wayl bif in mak nɔ bin de pan dɛn fɔrɛd ɔ pan dɛn an. Dɛn gɛt layf bak, dɔn dɛn rul wit Krays fɔ wan tawzin ia.

Daniɛl 7:22

ɛn i bin de win dɛn, te di wan we bin dɔn de lɔlɔntɛm kam, ɛn i gi jɔjmɛnt fɔ seka di wan dɛn we biliv pan PAPA GƆD we ay pas ɔl, ɛn di tɛm rich wɛn di wan dɛn we biliv pan PAPA GƆD gɛt di kindɔm.

Di Sam Dɛm 45:16

Yu go gɛt bɔku bɔypikin we go kam bi kiŋ lɛkɛ dɛn fɔstɛm-papa dɛn; yu go mek dɛn fɔ rul di wanol wɔl.

Lɛta Fɔ Ɛfisɔs 1:3

Lɛ wi prez Gɔd we na Masta Jizɔs Krays in Papa, bikɔs i dɔn blɛs wi we gɛt wanwɔd wit Krays wit ɔl dɛn blɛsin we de na ɛvin.

Rɛvɛleshɔn 3:21

Ɛnibɔdi we go stil tinap traŋa afta Setan dɔn tray am, a go mek i sidɔm wit mi na di say we a sidɔm fɔ rul jɛs lɛkɛ aw misɛf bin stil tinap traŋa afta Gɔd dɔn tray mi ɛn a kam sidɔm wit mi Papa na di say we i sidɔm de rul.

Lɛta Fɔ Ɛfisɔs 6:12

Wi nɔ de fɛt mɔtalman, wi de fɛt dɛn pawa we wi nɔ de si, dɛn pawa we de rul dis dak wɔl ɛn dɛn wan we de ɔp ɔp na di klawd.

Lyuk 1:33

I go rul oba Jekɔb in grampikin pikin dɛm sote go; i nɔ go tap fɔ rul!”

1 Kɔrint 6:2

Una nɔ no se di tɛm de kam we Gɔd in pipul dɛn go jɔj di wɔl? Wɛl, if na una go kam jɔj di wɔl, una nɔ go ebul jɔj dɛn smɔl kes ya?

Rɛvɛleshɔn 22:5

Nɛt nɔ go de na da tɔŋ de; pipul nɔ go nid lamp ɛn di san in layt igen, bikɔs Gɔd we na wi Masta nainsɛf go bi di layt we go layt di tɔŋ. Ɛn di pipul dɛn we de na ɛvin go rul lɛkɛ kiŋ sote go.

Di Sam Dɛm 49:14

Dɛn ɔl gɛt fɔ day, dɔn dɛn go bɛr dɛn. Wans dɛn bɛr dɛn, dɛn go rɔtin; ɛn nainsay dɛn grev dɛn os we dɛn bin dɔn bil fayn fayn wan go de.

Ayzaya 14:2

Difrɛn difrɛn pipul dɛn go tek dɛn ɛn kɛr dɛn go na dɛn yon land, ɛn di Izrɛlayt dɛn go ol di pipul dɛn as dɛn man ɛn uman slev dɛn na PAPA GƆD in land; dɛn go kapchɔ di wan dɛn we bin kapchɔ dɛn, ɛn go rul di wan dɛn we bin de du dɛn bad ɔltɛm.

Daniɛl 7:14

Ɛn dɛn bin gi di mɔtalman pawa ɛn gud nem ɛn kindɔm, so dat ɔl kayn pipul, neshɔn ɛn dɛn wan we de tɔk difrɛn difrɛn laŋwej fɔ wok fɔ am; in pawa na pawa we go de sote go, i nɔ go ɛva dɔn, ɛn in kindɔm na wan kindɔm we nɔ go fɔdɔm.

Daniɛl 7:17

‘Dɛn fo bist na fo kiŋ we go rul na di wɔl.

Daniɛl 7:25

I go tɔk bad tin bɔt PAPA GƆD we ay pas ɔl, ɛn i go mɔna dɛn wan dɛn we biliv pan PAPA GƆD ɛn i go tink fɔ chenj aw tin tan, ɛn di lɔ; ɛn i go gɛt di pawa fɔ tri ɛn di af ia.

Obadaya 1:17

Bɔt sɔm pipul na Juda nɔ go rɔnawe, dɛn go lɛf na Mawnt Zayɔn, di oli il; dɔn Jekɔb in jɛnareshɔn go gɛt di land bak we na dɛn yon bay rayt.