Daniɛl 7:13 - Krio Fɔs Oli Baybul

¹³ Insay di vishɔn dɛn na nɛt, a si pɔsin insay di klawd dɛn we de ɔp, pɔsin we tan lɛk mɔtalman, nain i kam to di Enshɛnt ɔf Dez ɛn dɛn sho am to am.

Daniɛl 7:13 Referans Kwoze

Matyu 26:64

Jizɔs se, “Na so yu se. Bɔt a de tɛl una se frɔm naw sote go, una go si Mɔtalman Pikin sidɔm na Gɔd we gɛt pawa pas ɔl, in raytan, ɛn i go rayd pan di klawd wɛn i de kam!”

Rɛvɛleshɔn 1:7

A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.

Lyuk 21:27

Da tɛm de, ɔlman go si we Mɔtalman Pikin de kɔmɔt na klawd ɛn kam na wɔl wit pawa ɛn brayt brayt layt go de shayn rawnd am.

Rɛvɛleshɔn 14:14

Wɛn dat dɔn, a luk bak, na de a si wan big wayt klawd. A si lɛkɛ wan mɔtalman sidɔm pan di klawd. I bin wɛr wan gold krawn nain ed ɛn i bin ol sɔntin nain an, dat na da nɛf we fɔ tek kɔt dɛn tin we dɛn plant wɛn dɛn dɔn rɛdi fɔ kɔt.

Matyu 24:30

Dɛn ɔlman go si di sayn na di klawd we go sho se Mɔtalman Pikin de kam. Ɔlman na wɔl go kray we dɛn si Mɔtalman Pikin de kɔmɔt na klawd kam. I go kam wit pawa, ɛn brayt layt go de shayn rawnd am.

Mak 13:26

Da tɛm de, ɔlman na wɔl go si Mɔtalman Pikin de kɔmɔt na klawd kam dɔŋ wit pawa ɛn brayt brayt layt go de shayn rawnd am.

Matyu 25:31

“Di tɛm we Mɔtalman Pikin go kam lɛkɛ Kiŋ wit ɔl Gɔd in enjɛl dɛn, i go sidɔm nain wɔndaful chia fɔ jɔj ɔlman.

Jɔn 3:13

Ɛn nɔbɔdi nɔ go na ɛvin wande pas Mɔtalman Pikin we kɔmɔt ɔp na ɛvin, kam dɔŋ na dis wɔl.”

Rɛvɛleshɔn 1:13

Midul dɛn lampolda ya a si sɔmbɔdi tinap we fiba mɔtalman. In klos lɔŋ te rich in fut, gold strap tay rawnd in chɛst.

Matyu 13:41

Mɔtalman Pikin go sɛn in enjɛl dɛn fɔ pul dɛn pipul we de mek pipul sin ɛn dɛn wan we de du bad, kɔmɔt to dɛn pipul we Gɔd de rul.

Rɛvɛleshɔn 1:18

Na mi gɛt layf naw. A bin dɔn day bɔt a dɔn gɛt layf bak, ɛn a go gɛt layf sote go; na mi gɛt pawa oba day ɛn na mi ol di ki fɔ di say we dɛn spirit we dɔn kɔmɔt na dis wɔl de.

Apɔsul Dɛn Wok 7:56

Stivin tɛl di pipul dɛn se, “A si di klawd opin ɛn a si Mɔtalman Pikin tinap na Gɔd in raytan!”

Di Ibru Pipul Dɛn 9:24

Krays dɔn go insay di ples we Gɔd de na ɛvin. Na dat mek i tinap bifo Gɔd fɔ wi. I nɔ go insay di Bafa we mɔtalman bil, we jɛs de sho aw di ples we Gɔd de na ɛvin, tan.

Daniɛl 7:22

ɛn i bin de win dɛn, te di wan we bin dɔn de lɔlɔntɛm kam, ɛn i gi jɔjmɛnt fɔ seka di wan dɛn we biliv pan PAPA GƆD we ay pas ɔl, ɛn di tɛm rich wɛn di wan dɛn we biliv pan PAPA GƆD gɛt di kindɔm.

Lyuk 21:36

Una fɔ waydawek ɛn una fɔ de pre ɔltɛm so dat una go gɛt trɛnk fɔ bia ɔl dɛn tin we go bi na dis wɔl ɛn una go ebul fɔ tinap bifo Mɔtalman Pikin.”

Di Ibru Pipul Dɛn 2:14

We dɛn pikin ya na mɔtalman, na dat mek Jizɔs insɛf kam na wɔl lɛkɛ mɔtalman, so dat di day we i day go pwɛl Setan, we gɛt pawa fɔ kil, ɔltogɛda.

Fɔs Lɛta To Timoti 6:16

Nain wangren nɔ de day, ɛn i de na layt we mɔtalman nɔ ebul kam klos, nɔ mɔtalman nɔ si am yet ɛn nɔ mɔtalman nɔ ebul si am. Mek wi rɛspɛkt am ɛn mek in pawa rul di wɔl sote go! Emɛn.

Daniɛl 7:9

As a bin de luk, nain dɛn kan put tron dɛn ɛn di wan we bin dɔn de lɔlɔntɛm, kam sidɔm; in klos bin wayt lɛk sno, ɛn in ia nain ed tan lɛk tru tru wul; na faya dɛn tek mek in tron, ɛn in wil dɛn na faya we de kech.

Izikɛl 1:26

Ɔp na di klawd oba dɛn ed, sɔntin bin de de lɛk tron we fiba dayamɔn, ɛn sɔntin we tan lɛk mɔtalman bin sidɔm na di tin we tan lɛk tron.

Di Sam Dɛm 47:5

Ɔlman de mek nɔys bikɔs dɛn gladi we PAPA GƆD de tek in sit as kiŋ, dɛn de blo ɔn fɔ ple myuzik.

Jɔn 12:34

Di pipul dɛn se, “Wi Lɔ se, di Mɛsaya nɔ go day. Aw yu se dɛn go put Mɔtalman Pikin pan di krɔs ɛn es am ɔp? Udat na dis Mɔtalman Pikin?”

Jɔn 5:27

Ɛn di Papa dɔn gi in Pikin di pawa fɔ jɔj mɔtalman bikɔs in Pikin na Mɔtalman Pikin.

Jɛrimaya 49:19

A de tɛl una, lɛkɛ we bɔku ship dɛn kin rɔn we layɔn de kɔmɔt na bush nia Riva Jɔdan, fɔ kam atak dɛm, na so a go mek dɛn rɔnawe pan am; ɛn a go apɔynt ɛnibɔdi we a pik fɔ rul am. Bikɔs, udat gɛt pawa lɛkɛ mi? Udat go sɛn kɔl mi? Us shɛpad go tinap bifo mi?

Matyu 8:20

Jizɔs ansa am, i se, “Dɛn bush kyat gɛt ples fɔ tap, ɛn dɛn bɔd gɛt say fɔ tap; bɔt Mɔtalman Pikin nɔ gɛt ples fɔ le in ed sɛf.”

Matyu 28:18

Jizɔs go klos dɛn ɛn se, “Gɔd dɔn gi mi ɔl di pawa fɔ rul na ɛvin ɛn dis wɔl.

Lyuk 24:27

Jizɔs bigin wit Mozis ɛn dɛn ɔda prɔfɛt ɛn ɛksplen ɔl wetin dɛn rayt na Gɔd in Buk bɔt am.

Fɔs Lɛta Fɔ Tɛsalonayka 4:17

afta dat, Gɔd go mek wi we nɔ go dɔn day yet ɛn dɛn wan we bin dɔn day, go ɔp na di klawd, ɛn wi ɔl go gɛda rawnd di Masta. So wi go de wit di Masta ɔltɛm.

Di Sam Dɛm 110:2

PAPA GƆD go mek yu rul ɔda ples dɛn we nɔ de na Zayɔn; yu go tinap pantap yu ɛnimi dɛn ed.

Daniɛl 7:2

Daniɛl se, “insay mi vishɔn we a si na nɛt, a si fo difrɛn kayn briz we kɔmɔt na ɛvin de blo, ɛn miksɔp di big big si.

Daniɛl 7:12

As fɔ di ɔda bist dɛn, dɛn bin tek dɛn pawa kɔmɔt na dɛn an, bɔt dɛn bin mek dɛn layf de fɔ sɔm tɛm.

Daniɛl 8:15

Wɛn mi, Daniɛl, dɔn si di vishɔn, a bigin tray fɔ fɛnɔt wetin i min, ɛn wantɛm wantɛm, sɔntin we fiba mɔtalman bin kan tinap bifo mi.

Di Sam Dɛm 2:8

I tɛl am se, i fɔ aks am dɔn in go gi am ɔl di neshɔn dɛn; i go gi am ɔl di neshɔn dɛn na di wɔl fɔ bi in yon.

Daniɛl 2:44

Ɛn dɛn tɛm dɛn de we di kiŋ dɛn go de rul, PAPA GƆD na ɛvin go briŋ in yon kindɔm we nɔ go ɛva fɔdɔm, ɛn in pawa nɔ go go na ɔda pipul an; ɛn I go brok ɔl dɛn kindɔm we bin dɔn de bifo am pyɛt pyɛt, ɛn dɔn dɛn kpatakpata wan; in go tinap sote go;