Daniɛl 7:1 - Krio Fɔs Oli Baybul

¹ Di fɔs ia we Bɛlshaza, Babilɔn dɛn kiŋ bin de na pawa, Daniɛl bin drim ɛn si vishɔn we i bin lidɔm nain bed. So i rayt dɔn di drim ɛn tɔk ɔl wetin i si.

Daniɛl 7:1 Referans Kwoze

Emɔs 3:7

PAPA GƆD we na GƆD, nɔ de wande du sɔntin we i nɔ de tɛl in savant dɛn we na prɔfɛt.

Joɛl 2:28

I se di tɛm go rich we in go put in Spirit pan ɔlman; dɛn bɔy ɛn gyal pikin dɛn go de tɔk PAPA GƆD Wɔd, dɛn olpa dɛn go de drim gbay ɛn dɛn yɔŋ man dɛn go de si vishɔn.

Daniɛl 5:1

Kiŋ Bɛlshaza bin mek wan pati fɔ wan tawzin pan in Rɛsidɛnt Minista dɛn, ɛn i bin drink wayn bifo dɛn wan tawzin pipul de.

Daniɛl 4:5

Nain a drim sɔn kayn drim we mek a fred; as a bin ledɔm na mi bed, di tinks dɛn we a de tink bɔt ɛn di vishɔn dɛn we a de gɛt, bin mek a fred.

Daniɛl 1:17

As fɔ dɛn fo yɔŋ man ya, PAPA GƆD gi dɛn sɛns ɛn skil pan ɔl kayn tin we pipul rayt; ɛn Daniɛl bin no bɔt ɔl kayn vishɔn ɛn drim.

Jɛrimaya 23:28

PAPA GƆD se, Lɛ di prɔfɛt we drim, tɔk bɔt di drim, bɔt lɛ di wan we gɛt mi wɔd, prich mi wɔd wit ɔl in at. Ɛnitin de pan strɔ we mek in ɛn wit fiba?

Rɛvɛleshɔn 1:19

Rayt ɔl dɛn tin ya we yu dɔn si na buk dɛn tin we de bi naw ɛn dɛn tin we go bi bambay.

Abakɔk 2:2

So PAPA GƆD gi am vishɔn ɛn tɛl am se i fɔ rayt ɔl wetin i si ɛn yɛri klia wan na tablɛt so ɔlman go ebul rid am..

Daniɛl 7:15

“Ɛn as fɔ mi Daniɛl, mi spirit bin wɔri bad bad wan ɛn di vishɔn dɛn we a bin de tink bɔt, bin de mek a fred.

Daniɛl 7:13

Insay di vishɔn dɛn na nɛt, a si pɔsin insay di klawd dɛn we de ɔp, pɔsin we tan lɛk mɔtalman, nain i kam to di Enshɛnt ɔf Dez ɛn dɛn sho am to am.

Daniɛl 2:1

Insay di sɛkɛn ia we kiŋ Nɛbyukadnɛza bin de na pawa, Nɛbyukadnɛza bin drim bɔku bɔku drim. In at bigin wɔri ɛn i nɔ bin de ebul slip.

Di Nɔmba Dɛm 12:6

i se, “Una lisin to mi gud. Na bay vishɔn a de sho misɛf to ɛni PAPA GƆD in prɔfɛt dɛn, dɔn a de tɔk to dɛn pan drim.

Jɛnɛsis 46:2

PAPA GƆD tɔk to am da nɛt de na vishɔn. I kɔl am “Jekɔb, Jekɔb!” Dɛn Jekɔb ansa se, “Yɛs sa.”

Rɛvɛleshɔn 10:4

Wɛn di tɛnda dɛn bigin tɔk, a bin jɛs want rayt, na de a yɛri vɔys de tɔk na ɛvin se, “Nɔ mek nɔbɔdi no wetin di sɛvin tɛnda dɛn se; nɔ rayt am!”

2 Kɔrint 12:1

A go bost pan ɔl we a nɔ gɛt ɛnitin fɔ gen pan dat. Bɔt naw a de kam tɔk bɔt dɛn tin we Gɔd sho mi ɛn mek a no.

Lɛta Fɔ Rom 15:4

Ɔltin we rayt na Gɔd in Buk na fɔ lan wi sɔntin, so dat, we di tin we rayt de, de mek wi ebul bia ɛn mek wi gɛt kɔrej, wi go no se Gɔd nɔ go lɛf wi.

Daniɛl 8:1

Insay di tɔd ia we kiŋ Bɛlshaza bin de rul, wan vishɔn bin kam to mi Daniɛl, afta dɛn fɔs wan dɛn.

Daniɛl 7:7

Afta dis, insay dis vishɔn ya na nɛt, a si di nɔmba fo bist; in bin ebi fɔ luk, ɛn bin fiaful ɛn bin gɛt trɛnk bad; i bin gɛt ayɛn tit dɛm; i bin de it awaŋɔt we ɛn bin de brok brok pis pis, ɛn mas mas di wan dɛn we lɛf, wit in fut. I bin difrɛn frɔm ɔl di ɔda bist dɛn we bin dɔn kam bifo am; ɛn in bin gɛt tɛn ɔn.

Daniɛl 5:30

Da sem nɛt de, dɛn kil Bɛlshaza we na di Babilonian kiŋ.

Daniɛl 5:22

Ɛn yu in bɔypikin, Bɛlshaza, yu nɔ bin ɔmbul yusɛf, ɔlwe yu bin no bɔt ɔl dɛn tin dɛn de.

Izikɛl 1:1

Di ia we mek tati, insay di nɔmba fo mɔnt ɛn di de we mek fayv, as a bin de wit di wan dɛn we bin de na ɛgzayl, nia Riva Chɛba, di klawd bin opin ɛn a si bɔku vishɔn bɔt PAPA GƆD.

Jɛrimaya 36:4

Nain Jɛrimaya kɔl Baruch we na Nɛraya in bɔypikin, ɛn Baruch rayt ɔl wetin Jɛrimaya tɛl am se PAPA GƆD bin tɛl am, pan wan skrol.

Jɛrimaya 27:7

Ɔl di neshɔn dɛm go sav im, in bɔypikin ɛn in grampikin, sote di tɛm fɔ in yon land kam; datɛnde, bɔku neshɔn dɛm ɛn pawaful kiŋ dɛm go mek am dɛn slev.

Ayzaya 30:8

So, go, rayt am na tablɛt bifo dɛn, ɛn rayt am na buk, so i go de fɔ bambay as witnɛs sote go.

Ayzaya 8:1

Nain PAPA GƆD tɛl mi se, “Tek wan tablɛt ɛn rayt di laŋwej we ɔlman no. “Dis blant, Maa-shalal-ashbaz.”

Job 4:13

We a kin tink bɔt di drim we a kin drim na nɛt we mɔtalman kin slip dip,

Jɛnɛsis 15:1

Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”

Jɛrimaya 36:32

So Jɛrimaya tek ɔda skrol gi Baruch we na di sɛktri, dat na Nɛraya in bɔypikin, we bin rayt ɔl wetin Jɛrimaya bin tɛl am fɔ rayt na da skrol we Jɛoiakim we na kiŋ na Juda, bin bɔn na faya; i rayt ɔl wetin bin rayt na di fɔs skrol ɛn ɔda mɛsej dɛm we fiba dawande.

Izikɛl 40:2

ɛn I briŋ mi in Papa Gɔd in vishɔn kam insay Izrɛl, ɛn i put mi dɔŋ pan wan ay ay mawnten, we sɔm bildin de togɛda we tan lɛk siti bin de fesin mi.

Daniɛl 2:26

Di kiŋ aks Daniɛl we in nem na Bɛlshaza, se, “Yu ebul fɔ mek a no di drim we a drim ɛn wetin in min?”

Daniɛl 4:13

“Insay di vishɔn dɛn we a gɛt we a lidɔn na mi bed, a si wan wachman, oli wachman, kɔmɔt na ɛvin kan dɔŋ.