Daniɛl 6:7 - Krio Fɔs Oli Baybul

⁷ Ɔl di prɛsidɛnt na di kindɔm, di ɔfisa ɛn di Rɛsidɛnt Minista dɛn, di kanselɔ ɛn di chif dɛn dɔn gri se, di kiŋ fɔ pas wan lɔ se, paopa ɛni pɔsin we pre fɔ ɛnitin to ɛni ɔda gɔd ɔ mɔtalman fɔ di nɛks tati dez, we nɔto yu nɔmɔ i pre to, dɛn fɔ trowe am insay usay dɛn layɔn dɛn de.

Daniɛl 6:7 Referans Kwoze

Di Sam Dɛm 59:3

Luk aw dɛn kak mi trap! Dɛn dɔn wayl pan mi pan ɔl we a nɔ du natin.

Daniɛl 3:27

Ɛn ɔl di rɛsidɛnt minista dɛn, kapten, ɛn ɔl di kiŋ in kanselɔ gɛda ɛn dɛn si se di faya nɔ bin gɛt ɛni pawa pan di man dɛn bɔdi; di ia na dɛn ed nɔ bɔn af sɛf, ɛn natin nɔ bin du dɛn klos ɛn nɔn faya sɛnt sɛf nɔ bin de pan dɛn.

Daniɛl 3:6

ɛn dɛn go trowe ɛnibɔdi we nɔ fɔdɔm flat ɛn wɔship am insay wan big big ovin we faya de kech bad bad wan.”

Daniɛl 3:2

Nain kiŋ Nɛbyukadnɛza sɛn fɔ lɛ ɔl di Rɛsidɛnt Minista dɛm, Di Distrikt Ɔfisa dɛm, di Distrikt Sɛktri dɛm, di Kanselɔ dɛm, di Trɛzhɔra dɛm, di magistret dɛm, di Jɔj dɛm, ɛn ɔl di bigman dɛm na di prɔvins dɛm, fɔ kam fɔ dɛdiket di imej we kiŋ Nɛbyukadnɛza dɔn mek.

Di Sam Dɛm 62:4

Una nɔ go ebul pul am kɔmɔt ɔp usay i dɔn rich. Una de ɛnjɔy di lay ɛn ipokrit we una de pan. Una de mek fayn fes to mi, bɔt una de mɛmba bad fɔ mi ɛn kɔs mi na una at.

Jɔn 12:10

So dɛn bigman dɛn we de mek sakrifays fɔ pipul sin tay bagin fɔ kil Lazarɔs insɛf,

Mak 15:1

Wɛn do klin, di bigman dɛn we de mek sakrifays fɔ pipul sin, di ɔda Ju bigman dɛn, di Ju Lɔ ticha dɛn, ɛn ɔl di ɔda mɛmba dɛn na di Ju gran kot go ɛŋ ed. Dɛn mek dɛn tay Jizɔs ɛn kɛr am go bifo Paylet.

Matyu 26:4

Dɛn bagin fɔ ol Jizɔs ɛn kil am, mek plɛnti pipul nɔ no.

Matyu 12:14

Di Faresi dɛn kɔmɔt de go ɛŋ ed aw fɔ kil Jizɔs.

Di Sam Dɛm 10:9

I kin mek lɛkɛ we layɔn kin ayd nain kɔna de wach fɔ si udat go go nia de; lɛk ɔntinman, na so i kin sɛt trap dɔn i go jomp pan am ɛn drɛg am go.

Neum 2:12

Di layɔn kin chɛr di bif we go du gi in pikin dɛn ɛn gi di uman layɔn insɛf pan am; i de ful in kev wit animal dɛn we i dɔn kil, na so so af af bif kin de nain os.

Mayka 6:5

Mi pikin dɛn, una mɛmba wetin Belak, di kiŋ na Moab bin plan fɔ una ɛn aw Belam we na Beɔ in bɔypikin bin ansa am. Una mɛmba wetin bin apin na rod we una kɔmɔt Akesia fɔ go Gilgal. If una ebul mɛmba dɛn tin ya, una go mɛmba wetin PAPA GƆD du fɔ sev una.”

Daniɛl 3:11

ɛn ɛnibɔdi we nɔ fɔdɔm ɛn wɔship, dɛn go trowe am insay wan big big ovin we faya de kech bad bad wan.

Di Sam Dɛm 94:20

Yu nɔ de miks wit kɔrɔpt jɔj dɛn jɔj dɛn we lɛk fɔ put pipul pan nambara.

Di Sam Dɛm 2:2

Di kiŋ dɛn we de rul grap wit wanwɔd ɛn mek bagin pan PAPA GƆD ɛn di kiŋ we i chuz.

Di Sam Dɛm 83:5

Dɛn mek wanwɔd; wanwɔd fɔ atak yu,

Daniɛl 6:16

Nain di kiŋ gi ɔda, ɛn dɛn go tek Daniɛl ɛn trowe am insay usay dɛn layɔn dɛn de. Di kiŋ tɛl Daniɛl se, “Yu PAPA GƆD we yu de wok fɔ ɔltɛm, go sev yu ya!”

Di Sam Dɛm 59:5

PAPA GƆD yu na PAPA GƆD we pas ɔl ɔda gɔd, di PAPA GƆD we Izrɛl de wɔship, grap, ɛn du sɔntin; pɔnish ɔl di ɔda neshɔn dɛn. Nɔ mek dɛn go skɔchfri, na dɛn de sɛl wi,

Daniɛl 2:4

Nain di Babilonian dɛn se, “Wi kiŋ, lɛ yu gɛt lɔŋ layf! Tɛl yu wokman dɛn di drim, ɛn wi go tɛl yu wetin i min.”

Daniɛl 6:22

Mi PAPA GƆD sɛn in eŋɛl kan lɔk di layɔn dɛn mɔt, ɛn dɛn nɔ du mi natin bikɔs bifo PAPA GƆD, a nɔ bin du natin bad; ɛn a nɔ bin du ɛnitin bad to yu.”