Daniɛl 6:2 - Krio Fɔs Oli Baybul

² I bin put tri prɛsidɛnt oba dɛn ɛn Daniɛl na bin wan. Na to dɛn di Rɛsidɛnt Minista dɛn fɔ ripɔt, so dat di kiŋ nɔ go lɔsis atɔl.

Daniɛl 6:2 Referans Kwoze

Daniɛl 5:29

Nain Bɛlshaza gi ɔda, so dɛn wɛr pɔpul klos pan Daniɛl ɛn put gold chen rawnd in nɛk, dɔn dɛn anawns se na im fɔ bi di nɔmba tri rula na di kindɔm.

Daniɛl 5:16

Bɔt a yɛri se yu kin tɛl pipul wetin sɔntin min ɛn kin sɔlv prɔblɛm. Luk, if yu kin rid wetin rayt so, ɛn mek a no di minin, a go drɛs yu wit pɔpul, put gold chen na yu nɛk ɛn mek yu di nɔmba tri rula na dis kindɔm.”

Ɛsta 7:4

Dɛn dɔn sɛl mi ɛn mi pipul dɛn ɛn se, dɛn fɔ dɔnawe wit wi kpatakpata. If na sɛl dɛn bin sɛl wi man ɛn uman dɛnsɛf as slev, a nɔ bin fɔ se fiŋ, bikɔs di sɔfa we wi bin fɔ sɔfa nɔ bin fɔ rich di lɔsis we yu bin fɔ gɛt if dɛn sɛl wi.”

Ɛzra 4:22

Una mek shɔ se una go du wetin di lɔ se. Wetin fɔ mek a alaw dis kayn tin fɔ bi te i de kam ambɔg mi kindɔm?”

1 Kɔrint 4:2

Ɛn igen, ɔl dɛn wan we de du ɛni kayn wok we dɛn masta tɛl dɛn fɔ du, fɔ put ɔl dɛn at pan di wok.

Lyuk 16:2

Di man sɛn kɔl di klak ɛn i aks am se, ‘Wetin a de yɛri bɔt yu so? Gi mi di buk we yu de rayt ɔl wetin yu dɔn yus ɛn wetin lɛf na yu an, bikɔs yu nɔ go du dis wok ya igen.’

Matyu 18:23

Bikɔs Gɔd in rul tan lɛkɛ dis: Wan kiŋ bin de lɔntɛm; i bin gɛt plɛnti ɔfisa dɛn we bin gɛt fɔ pe am. Di kiŋ tɛl dɛn se in wan luk di buk we i bin de rayt ɔmɔs dɛn gɛt fɔ pe am.

Prɔvabs 26:6

If yu se na fulman yu want tek mek mɛsenja, na yusɛf yu de du.

Prɔvabs 3:16

Sɛns de mek pɔsin gɛt lɔŋ layf, i de gi jɛntri ɛn ɔna.

1 Samiɛl 2:30

Di man we de tɔk fɔ PAPA GƆD se, na dat mek PAPA GƆD we na di PAPA GƆD we Izrɛl de wɔship se in bin dɔn se na Ilaɛl in famili ɛn dɛn jɛnareshɔn go bi di man dɛn we de mek sakrifays fɔ pipul sin te go, bɔt in de se i nɔ gɛt fɔ bi so igen, bikɔs na udat sho rɛspɛkt fɔ am, i go rɛspɛkt, bɔt udat de lili am, insɛf nɔ go bisin bɔt am.

Daniɛl 5:7

Nain di kiŋ ala lawd lawd wan se mek dɛn briŋ di lukgrɔn man dɛm, di Babilonian dɛm, ɛn di man dɛm we no bɔt mun ɛn sta. Dɔn di kiŋ tɛl ɔl di sɛnsman dɛm na Babilɔn se, “Ɛnibɔdi we ebul fɔ rid wetin rayt na di wɔl, ɛn tɛl mi wetin i min, a go mek i wɛr pɔpul klos, ɛn wan gold chen rawnd in nɛk, ɛn i go bi di nɔmba tri rula na di kindɔm.”

Daniɛl 6:1

Dariɔs bin gladi fɔ put wan ɔndrɛd ɛn twɛnti Rɛsidɛnt Minista ɔlsay na di kindɔm.