Daniɛl 6:16 - Krio Fɔs Oli Baybul

¹⁶ Nain di kiŋ gi ɔda, ɛn dɛn go tek Daniɛl ɛn trowe am insay usay dɛn layɔn dɛn de. Di kiŋ tɛl Daniɛl se, “Yu PAPA GƆD we yu de wok fɔ ɔltɛm, go sev yu ya!”

Daniɛl 6:16 Referans Kwoze

Job 5:19

I go pul yu pan siks trɔbul, ivin pan di wan we mek sɛvin, i go pul yu de bak.

Daniɛl 3:28

Nain Nɛbyukadnɛza se, “Lɛ blɛsin de pan Shedrak, Mishak ɛn Abɛdnigo dɛn Gɔd we sɛn in eŋɛl ɛn fri in wokman dɛm we biliv am; dɛn na di man dɛm we nɔ bin obe di kiŋ in wɔd, ɛn bin rɛdi fɔ day bifo dɛn go wok fɔ ɛn wɔship ɛni ɔda gɔd, we nɔto dɛn yon Gɔd.

Ayzaya 43:2

We yu de pas na wata, a go de wit yu; ɛn we yu de pas na dɛn riva, yu nɔ go drawn; we yu waka insay faya, yu nɔ go bɔn ɛn di flem nɔ go kil yu.

2 Samiɛl 3:39

Devid se pan ɔl we nain na kiŋ, in nɔ ebul Zɛruaya in bɔypikin dɛn biznɛs. I se dɛn tu yaŋe yaŋe fɔ am bɔt pre se mek PAPA GƆD pe dɛn fɔ wetin dɛn de du.

Daniɛl 3:17

I na so i fɔ bi, we PAPA GƆD we wi de wok fɔ go ebul sev wi kɔmɔt na di faya we de insay da big big ovin we faya de kech bad bad wan; ɛn i go pul wi kɔmɔt na yu an.

Daniɛl 6:20

Wɛn i kam nia di ol we Daniɛl bin de, i ala lawd wan wit bɔku pen nain vɔys se, “Daniɛl, PAPA GƆD we de sote go we na yu PAPA GƆD we yu de wok fɔ ɔl tɛm, i bin ebul fɔ sev yu frɔm di layɔn dɛn?”

Apɔsul Dɛn Wok 25:11

If a brok di lɔ ɔ if a du ɛnitin we fɔ mek dɛn kil mi, a nɔ go se mek una nɔ kil mi. Bɔt if wetin dɛn pipul ya tɔk bɔt mi nɔto tru, nɔbɔdi nɔ fɔ lɛf mi na dɛn an. A want mek una kɛr mi go bifo di kiŋ na Rom insɛf.”

Prɔvabs 29:25

I nɔ fayn fɔ lɛ yu de mɛmba tumɔs bɔt wetin pipul de tink bɔt yu, wans yu put yu trɔs pan PAPA GƆD, yu sef.

Lɛta Fɔ Rom 13:3

Dɛn pipul we de du wetin rayt nɔ fɔ fred dɛn wan we de rul; na dɛn pipul we de du bad nɔmɔ fɔ fred dɛn. Una nɔ go lɛk fɔ mek una nɔ fred di pipul dɛn we de rul? Wɛl, una du wetin rayt, da tɛm de dɛn go prez una.

Daniɛl 6:7

Ɔl di prɛsidɛnt na di kindɔm, di ɔfisa ɛn di Rɛsidɛnt Minista dɛn, di kanselɔ ɛn di chif dɛn dɔn gri se, di kiŋ fɔ pas wan lɔ se, paopa ɛni pɔsin we pre fɔ ɛnitin to ɛni ɔda gɔd ɔ mɔtalman fɔ di nɛks tati dez, we nɔto yu nɔmɔ i pre to, dɛn fɔ trowe am insay usay dɛn layɔn dɛn de.

Daniɛl 3:15

Luk ya, if una dɔn rɛdi fɔ fɔdɔm ɛn wɔship di imej we a bil, wɛn una yɛri di ɔn, flut, gita, trayaŋul, ap, wan flut we nem bagpayp ɛn ɔl kayn muzik, i go gud; bɔt, if una nɔ wɔship am, dɛn go trowe una wantɛm wantɛm insay wan big big ovin we faya de kech bad bad wan; us gɔd we go ebul sev una?”

Jɛrimaya 38:5

Nain Kiŋ Zɛdikaya se, wɛl, di man de na una an, bikɔs di kiŋ kyant do ɛnitin agens una.”

Jɛrimaya 26:14

Bɔt, as fɔ mi, a de na una an. Una du mi wetin una fil se gud ɛn rayt.

Apɔsul Dɛn Wok 25:9

Fɛstɔs bin want fɔ mek di Ju pipul dɛn lɛk am so i aks Pɔl se, “Yu go want lɛ dɛn kɛr yu go Jerusɛlɛm, mek a go tɔk di kes de?”

Apɔsul Dɛn Wok 24:27

Wɛn tu ia dɔn pas, Filiks kɔmɔt na pawa ɛn Pɔsiɔs Fɛstɔs tek in ples. Filiks bin want mek di Ju pipul dɛn lɛk am so i nɔ fri Pɔl bifo i go.

2 Kɔrint 1:10

I pul wi kɔmɔt na day rod, ɛn i go du dat bak; wi no se we una de ɛp wi pre, Gɔd go de pul wi pan denja ɔltɛm. I go ansa dɛn pre we plɛnti pipul de pre fɔ wi, ɛn i go blɛs wi; we dat bi, plɛnti pipul go tɛl am tɛnki fɔ wetin i du fɔ wi.

Ayzaya 41:10

Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.

Jɛrimaya 38:6

So dɛn tek Jɛrimaya ɛn ib am insay Prins Malkaya we na di kiŋ in bɔypikin in wɛl, we bin de na di pales yad, Na rop dɛn tek put am dɔŋ de. Nɔn wata nɔ bin de de pas pɔtɔpɔtɔ so Jɛrimaya sink insay di pɔtɔ pɔtɔ.

Jɛrimaya 39:17

PAPA GƆD se, Bɔt a go sev yu da de de, ɛn di man dɛn we yu de fred nɔ go kapchɔ yu.