Daniɛl 6:10 - Krio Fɔs Oli Baybul

¹⁰ Wɛn Daniɛl bin si se di pepa dɔn sayn, i go nain os usay in winda dɛn de nain rum ɔpstiaz, we opin to Jerusɛlɛm; ɛn nildɔŋ tri tɛm fɔ de ɛn pre ɛn tɛl PAPA GƆD tɛnki lɛk aw i bin dɔn de du.

Daniɛl 6:10 Referans Kwoze

Di Sam Dɛm 55:17

Frɔm mɔnin to nɛt, a de kray mek i ɛp mi, ɛn i de yɛri mi.

Apɔsul Dɛn Wok 5:29

Pita ɛn in kɔmpin dɛn ansa dɛn se, “Wi fɔ du wetin Gɔd tɛl wi fɔ du, wi nɔ gɛt fɔ du wetin mɔtalman tɛl wi fɔ du.

Di Sam Dɛm 95:6

Una kam, lɛ wi wɔship, lɛ wi nildɔŋ bifo PAPA GƆD bikɔs nain mek wi;

Di Ibru Pipul Dɛn 13:15

Na dat mek wi fɔ prez Gɔd ɔltɛm; di prez we wi de prez Gɔd tru Jizɔs, wɛn wi de tɔk ɔltɛm se in na wi Masta, na di sakrifays we wi de mek to Gɔd.

Lɛta Fɔ Filipay 4:6

Una nɔ fɔ mek ɛnitin wɔri una, bɔt una fɔ de pre bɔt ɔltin. Wɛn una de pre, una fɔ aks Gɔd fɔ ɛnitin we una want ɛn una fɔ tɛl am tɛnki.

Di Sam Dɛm 34:1

A go prez PAPA GƆD ɔltɛm; a nɔ go taya fɔ tɔk aw i gud.

Di Sam Dɛm 5:7

Bikɔs yu lɛk mi, a go go usay yu de. A go go na yu os, bɛn dɔŋ ɛn wɔship yu insay de.

Apɔsul Dɛn Wok 9:40

Pita mek ɔl di pipul dɛn go na do, dɔn i nil dɔŋ ɛn pre. I tɔn to di dedebɔdi ɛn se, “Tabita, grap!” Tabita opin in yay, grap ɛn sidɔm wɛn i si Pita.

Jona 2:4

A bin min se i dɔn fɔgɛt bɔt mi ɔltogɛda ɛn a nɔ go ebul go nain oli os igen

1 Kiŋ 8:54

Wɛn Sɔlɔmɔn dɔn tɔk ɔl wetin de nain bɛlɛ ɛn pre dɔn to PAPA GƆD, i grap bifo di ɔlta we i bin nildɔŋ wit in an ɔp.

1 Kiŋ 8:44

“Wɛn yu pipul dɛn de go fɛt wa agens dɛn ɛnimi ɔ ɛnisay we dɛn de, if dɛn tɔn dɛn fes to dis siti we nain yusɛf sɛf dɔn pik, ɛn tɔn dɛn fes to dis yu os we a dɔn bil mek dɛn go rɛspɛkt yu, ɛn pre,

Lɛta Fɔ Ɛfisɔs 3:14

Na dat mek a de nil dɔŋ bifo wi Papa Gɔd.

Apɔsul Dɛn Wok 10:9

Di ɔda de wɛn dɛn pipul ya bin de na rod de go ɛn dɛn bin dɔn rich klos Jɔpa, Saymɔn Pita go pantap di os we flat fɔ pre lɛkɛ aw dɛn Ju pipul kin du. Na bin santɛm.

Daniɛl 6:13

Nain di man dɛn ansa di kiŋ se, “Kiŋ, da Daniɛl we na wan pan di wan dɛn we kɔmɔt Juda, nɔ rɛspɛkt di lɔ we yu dɔn mek, bikɔs i de pre tri tɛm fɔ de.”

Di Ibru Pipul Dɛn 4:16

Fɔseka dat, wi nɔ fɔ fred. Lɛ wi kam bifo Gɔd we go sho wi aw i lɛk wi, ɛn we go sɔri fɔ wi, ɛn ɛp wi di rayt tɛm.

1 Kiŋ 8:38

if ɛnibɔdi pre to yu ɛn kɔnshɔs se in dɔn du bad, dɔn i tɔn to yu os ɛn es in an ɔp to yu,

Rɛvɛleshɔn 2:10

Una nɔ fred ɛnitin we una de kam sɔfa. Una lisin! Setan go tray una fɔ si if una biliv Gɔd fɔ tru, i go put una na jel. Na tɛn de nɔmɔ una go sɔfa da sɔfa de. Una nɔ lɛf fɔ biliv pan mi, if dat min sɛf se una go day fɔ mi sek, a go gi una layf we go de sote go, ɛn una go gɛt ɔna sote go na ɛvin.

Lɛta Fɔ Kɔlɔse 3:17

Ɛni tin we una de du ɛn ɛnitin we una de tɔk fɔ sho se una biliv pan Masta Jizɔs, ɛn una fɔ tɛl Gɔd we na di Papa tɛnki fɔ wetin Krays dɔn du fɔ una.

Lɛta Fɔ Filipay 1:20

A abop wit ɔl mi at se a nɔ go shem fɔ ɛnitin we a de du, ɛn a go gɛt di kɔrej fɔ tinap fɔ Krays, so dat if a day ɔ if a nɔ day, wetin a de du go mek ɔda pipul prez Krays.

Apɔsul Dɛn Wok 20:36

Wɛn Pɔl dɔn tɔk dɔn, di pipul dɛn ɔl nil dɔŋ ɛn pre.

Nɛimaya 6:11

Nain a aks am se if man lɛkɛ mi fɔ rɔnawe ɔ rɔn go lɔk misɛf insay PAPA GƆD in os mek a nɔ day. A tɛl am se, “A nɔ go go.”

2 Kronikuls 6:38

if dɛn tɔn bak to yu fɔ tru tru wɛn dɛn de de, ɛn kɔnfɛs dɛn sin; dɔn dɛn tɔn dɛn fes to dis land we yu gi wi papa dɛn, to dis siti we yu bin dɔn pik, ɛn dis os we a bil fɔ de prez yu nem;

Rɛvɛleshɔn 2:13

A no usay una de, una de na di say we Setan de rul. A no se wande una nɔ dinay se mi na una Masta. Di tɛm sɛf we dɛn kil Anti pas we bin biliv pan mi wit ɔl in at bikɔs i tɔk opin wan se in biliv pan mi, pan ɔl we dɛn kil am da say de we una de, ɛn we Setan insɛf de, dat nɔ mek una dinay se unasɛf biliv pan mi.

Lɛta Fɔ Filipay 1:14

Pantap dat, bikɔs a de na jel, di Kristiɛn dɛn we de abop pan di Masta mɔ ɛn mɔ, de plɛnti mɔ ɛn mɔ ɛn dat mek dɛn nɔ de fred fɔ tɔk Gɔd in wɔd ɛn dɛn nɔ bisin bɔt wetin pipul go du dɛn.

Apɔsul Dɛn Wok 21:5

Bɔt wɛn di tɛm rich fɔ kɔmɔt Taya, dɛn ɔl, man, wɛf, ɛn pikin go lɛf wi na rod wɛn wi de go. Wɛn wi rich na di sho, wi ɔl nil dɔŋ ɛn pre.

Apɔsul Dɛn Wok 20:24

A nɔ tek mi layf mek natin, bɔt a want dɔn ɔl di wok we di Masta, Jizɔs gi mi fɔ du. Dis wok ya na fɔ tɛl pipul di Gud Nyuz bɔt aw Gɔd gud ɛn aw i lɛk mɔtalman.

Apɔsul Dɛn Wok 7:60

I nil dɔŋ na grɔn ɛn pre lawd wan se, “Papa Gɔd, padin dɛn pipul ya fɔ wetin dɛn dɔn du!” Wɛn i pre dɔn, nain i day.

Apɔsul Dɛn Wok 5:20

“Una go bak na Gɔd in Os go tɛl di pipul dɛn bɔt di nyu layf we una dɔn gɛt.”

Apɔsul Dɛn Wok 4:29

So, Masta, yu dɔn yɛri ɔl wetin dɛn bigman na di Ju gran kot tɛl wi, bɔt wi de beg yu fɔ ɛp wi we na yu savant dɛn lɛ wi nɔ fred fɔ tɔk yu mɛsej.

Apɔsul Dɛn Wok 3:1

Wande, bay tri oklɔk santɛm, di tɛm we dɛn Ju pipul kin go pre, Pita ɛn Jɔn bin go na Gɔd in Os fɔ go pre.

Apɔsul Dɛn Wok 2:15

Una de tɔk se dɛn man ya drɔnk, bɔt dɛn nɔ drɔnk, i jɛs nayn oklɔk na mɔnin.

Lyuk 22:41

Jizɔs kɔmɔt klos in lanin bɔy dɛn, go lili bit, lɛkɛ if yu tinap nia di lanin bɔy dɛn, yu sɛn ston. Wɛn i rich na di ples, i nil dɔŋ ɛn bigin pre,

Lyuk 14:26

“If ɛnibɔdi want fɔ fala mi, da pɔsin de fɔ lɛk mi pas in papa ɛn in mama, i fɔ lɛk mi pas in pikin dɛn ɛn in brɔda ɛn sista dɛn ɛn i fɔ lɛk mi pas in yon layf sɛf. If nɔ so, i nɔ go bi mi lanin bɔy.

Di Sam Dɛm 86:3

PAPA GƆD, av masi pan mi, as a nɔ de taya fɔ pre to yu.

Ɛzra 9:5

We di tɛm rich fɔ mek di ivintɛm sakrifays, a grap na di say we a bin sidɔm wit pwɛl at ɛn mi chɛr chɛr klos, nildɔŋ na grɔn, es mi an ɔp ɛn pre to PAPA GƆD.

2 Kronikuls 6:13

Sɔlɔmɔn bin dɔn mek wan bras stej we na tu ɛn di af mita lɔŋ ɛn tu ɛn di af mita wayd, ɛn i bin wan pɔynt tri mita ay, ɛn i bin put am na di Kɔt yad ɛn tinap pan am. Dɔn i nildɔŋ bifo di wanol Izrɛl n opin in an ɔp to ɛvin;

1 Kiŋ 8:30

“Duya ansa mi prea, ɛn di pipul dɛnsɛf yon prea wɛn dɛn kam na dis os fɔ pre. Usay yu de na yu os na ɛvin, ansa wi prea ɛn fɔgiv wi.

Daniɛl 9:4

A pre to PAPA GƆD we na mi Gɔd de kɔnfɛs se, “PAPA GƆD we ay pas ɔl ɛn we fɔ fred, we de kip in prɔmis, ɛn di lɛk we i lɛk di wan dɛn we lɛk am ɛn de du wetin i se, nɔ de shek.

Mak 3:3

Jizɔs tɛl di man we in an day se, “Grap, kam tinap ya.”