Daniɛl 5:8 - Krio Fɔs Oli Baybul

⁸ Nain ɔl di kiŋ in sɛnsman dɛn tray bɔt dɛn nɔ bin ebul fɔ rid wetin rayt ɔ mek di kiŋ no di minin.

Daniɛl 5:8 Referans Kwoze

Daniɛl 2:27

Daniɛl ansa di kiŋ se, “Nɔn sɛnsman, lukgrɔn man, magik man ɛn dɛn man dɛm we no bɔt sta kin sho di kiŋ di mistri we di kiŋ de aks fɔ,

Daniɛl 4:7

So ɔl di magik man, mɛrɛsin man, Babilonian, ɛn man dɛn we no bɔt mun ɛn sta kam insay; ɛn a bin tɛl dɛn di drim, bɔt nɔn nɔ bin ebul fɔ mek a no di minin.

Jɛnɛsis 41:8

We do klin i bin wɔri, so i sɛn kɔl ɔl in majikman ɛn sɛnsman dɛn we de na Ijipt. I tɛl dɛn in drim, bɔt nɔn pan dɛn nɔ bin ebul fɔ intaprit dɛn.

Daniɛl 5:15

Naw dɛn bin dɔn briŋ di sɛnsman dɛn ɛn di mɛrɛsin man dɛn kam bifo mi fɔ rid dis raytin, ɛn mek a no di minin; bɔt dɛn nɔ bin ebul tɛl mi wetin di raytin min.

Ayzaya 47:9

Dɛn tu tin ya go apin to yu di sem tɛm, di sem de; yu pikin dɛn go day ɛn yu man go day ɛn i go fɔdɔm pan yu ebi ebi wan, pan ɔl yu bɔku bɔku wich we yu de wich, ɛn di bɔku pawa we yu gɛt pan yu majik.

Jɛrimaya 50:35

“PAPA GƆD se, wa go fɔdɔm pan di Babilonian dɛm, ɛn di pipul dɛm we tap na Babilɔn, ɛn in bigman ɛn sɛnsman dɛm!

Daniɛl 4:18

Na dis drim ya, mi Nɛbyukadnɛza bin si. So, Bɛlshaza, tɛl mi wetin di drim min, bikɔs ɔl di sɛnsman dɛn na mi kindɔm nɔ ebul fɔ tɛl mi wetin di drim min; bɔt yu go ebul bikɔs di oli gɔd dɛn spirit de insay yu.”

Daniɛl 4:4

Mi Nɛbyukadnɛza bin de lib izi fashin na mi os ɛn tin bin gud fɔ mi na mi kiŋ os.