Daniɛl 5:6 - Krio Fɔs Oli Baybul

⁶ Di kiŋ in fes chenj kɔla, ɛn di tin dɛn we bin de kam nain maynd, bin mek i fred; in fut dɛn bigin trimbul ɛn in ni dɛn bigin jam dɛnsɛf.

Daniɛl 5:6 Referans Kwoze

Neum 2:10

Ninivɛ pwɛl kpatakpata, ɔlman at kɔmɔt nain atkes dɛn ɔlman bɔdi brok ɛn nɔ no wetin fɔ du; na so fred rayt na dɛn ɔl fes.

Daniɛl 7:28

‘Na so di wɔd go. As fɔ mi Daniɛl, di tin dɛn we a bin de tink, bin mek a de fred bad bad wan, ɛn mi fes in kɔla bin chenj; bɔt a bin kip ɔl dɛn tin ya na mi at.”

Izikɛl 7:17

Ɔl di an dɛn dɔn wik ɛn ɔl di ni dɛn wik lɛk wata.

Daniɛl 4:5

Nain a drim sɔn kayn drim we mek a fred; as a bin ledɔm na mi bed, di tinks dɛn we a de tink bɔt ɛn di vishɔn dɛn we a de gɛt, bin mek a fred.

Izikɛl 21:7

Ɛn wɛn dɛn aks yu se, “wetin mek yu de blo kan dɔŋ so?” Yu go se, ‘na fɔseka di nyuz. Wɛn di nyuz go kam, ɔlman go fred, ɛn ɔlman bɔdi go brok, ɔlman spirit go wik ɛn ɔlman ni go wik lɛk wata. Una lisin, i go kam ɛn i go bi ma;” Na so Papa Gɔd we na Gɔd se.

Di Sam Dɛm 69:23

Lɛ dɛn yay blɛn so dɛn nɔ go de si ɛn lɛ dɛn gɛt ɔmbak sote go.

Daniɛl 4:19

Daniɛl we nem Bɛlshaza, bin wɔri fɔ sɔn tɛm, bikɔs wetin bin de kam nain maynd bin de mek i fred. Nain di kiŋ se, “Bɛlshaza, nɔ lɛ di drim ɔ in minin mek yu fred.” Bɛlshaza ansa se, “Kiŋ, mek dis drim ya bi fɔ di wan dɛn we nɔ wan si yu ɛn lɛ in minin bi fɔ di wan dɛn we nɔ lɛk yu!

Di Ibru Pipul Dɛn 12:12

Una mek una an we wik ɛn una fut we nɔ gɛt trɛnk, traŋa.

Daniɛl 3:19

Nɛbyukadnɛza in at bin ful wit bad bad vɛksteshɔn ɛn in fes chenj pan Shedrak, Mishak ɛn Abɛdnigo. I gi ɔda se lɛ dɛn wam di big big ovin we faya de kech bad bad wan sɛvin tɛm pas aw dɛn kin wam am.

Daniɛl 2:1

Insay di sɛkɛn ia we kiŋ Nɛbyukadnɛza bin de na pawa, Nɛbyukadnɛza bin drim bɔku bɔku drim. In at bigin wɔri ɛn i nɔ bin de ebul slip.

Ayzaya 35:3

Una mek dɛn wik an dɛn trɔŋ, ɛn stɛdi dɛn fut dɛn we de trimbul.

Ayzaya 5:27

Nɔn nɔ taya, nɔ wan nɔ bɔk fut, nɔn nɔ bayfɔl ɔ slip, wan lapa nɔ lus, wan sandal rop nɔ kɔt;

Di Sam Dɛm 22:14

Dɛn mek a so wik mi jɔynt ɛn mi bon dɛn ɔl de at. A dɔn giv ɔp. A nɔ fit fɔ natin igen; A tan lɛk waks we de kɔmɔt pan kyandul we i de bɔn.

Daniɛl 5:5

Nain wantɛm dɛn si mɔtalman fiŋa dɛn jɛs apia de rayt na di wɔl na di kiŋ in os, ɔpozit di stand we di lamp bin de; di kiŋ bin si di an we i bin de rayt.

Jɛrimaya 50:43

“Di kiŋ na Babilɔn dɔn yɛri bɔt dɛm, ɛn i nɔ ebul du natin; pen ol am, da pen we uman de fil we i de bɔn.