Daniɛl 5:4 - Krio Fɔs Oli Baybul

⁴ Dɛn drink wayn ɛn prez dɛn gɔd dɛn we na bin gold ɛn silva, bras, ayɛn, bod ɛn ston.

Daniɛl 5:4 Referans Kwoze

Daniɛl 5:23

Bɔt yu dɔn es yusɛf ɔp agens PAPA GƆD na ɛvin ɛn yu dɔn mek dɛn briŋ dɛn kɔp dɛn we bin de na PAPA GƆD in os kam na ya, ɛn yu ɛn yu wɛf ɛn switat dɛn tek dɛn drink wayn, ɛn yu dɔn prez di silva, gold, bras, ayɛn, wud ɛn ston gɔd dɛn, we nɔ de si ɔ yɛri ɛn nɔ no natin; bɔt una nɔ rɛspɛkt PAPA GƆD we nain an una layf dɛn de, ɛn we nain de kɔntrol ɔl wetin de apin to una.

Abakɔk 2:19

Di pɔsin we de go tinap frɔnt wud ɔ ston de tɛl am fɔ grap du sɔntin, alaki. We na lɛk dayman, wetin i gɛt fɔ du? I lɛk sɛf dɛn put ɔlkayn gold ɔ silva pantap am fɔ mek i fayn, i nɔ min natin bikɔs i nɔ gɛt layf.

Apɔsul Dɛn Wok 17:29

We wi na Gɔd in pikin dɛn, lɛ wi mɛmba se mɔtalman nɔ go ebul tek gold, silva, ɔ ston mek Gɔd.

Ayzaya 42:8

Na mi na PAPA GƆD, na dat na mi nem; a nɔ de gi mi glori to ɛni ɔda pɔsin, ɔ mi prez to dɛn laylay gɔd.

Daniɛl 4:37

Naw, mi Nɛbyukadnɛza, de prez ɛn es in nem ɔp, ɛn gi ɔna to di kiŋ na ɛvin, bikɔs ɔl wetin i de du kɔrɛkt ɛn ɔl wetin i de du nɔ gɛt bɛn bɛn; ɛn i de briŋ dɔŋ dɛn wan dɛn we de mek prawd.

Ayzaya 42:17

Dɛn wan dɛn we abop pan dɛn laylay gɔd, we de tɛl dɛn laylay gɔd dɛn se, “una na wi gɔd dɛn,” go disgres bad bad wan, ɛn dɛn go drɛb dɛn.

Daniɛl 1:8

Bɔt Daniɛl bin mek ɔp in maynd se in nɔ go dɔti insɛf na PAPA GƆD in yay, wit di kiŋ in gud it we i de it, ɔ wit di wayn we i de drink; so i aks di edman fɔ di okobo dɛn fɔ alaw am nɔ fɔ mek insɛf dɔti na PAPA GƆD yay.

Daniɛl 5:3

So dɛn briŋ di gold ɛn silva kɔp dɛn we dɛn tek kɔmɔt na di tɛmpul, we na PAPA GƆD in os na Jerusɛlɛm; di kiŋ, ɛn in Rɛsidɛnt Minista dɛn, in wɛf ɛn switat dɛn ɔl drink pan dɛn.

Daniɛl 5:5

Nain wantɛm dɛn si mɔtalman fiŋa dɛn jɛs apia de rayt na di wɔl na di kiŋ in os, ɔpozit di stand we di lamp bin de; di kiŋ bin si di an we i bin de rayt.

Emɔs 6:7

Wɛl, na una fɔs go tes di waala fɔ go ɛgzayl, dɔn da tɛm de naw ɔl di ladida go tap.

1 Kiŋ 1:49

Wɛn ɔl di pipul dɛn we Adonayja invayt yɛri di stori, dɛn ɔl fred, ɛn grap ɛn tɔn dɛn bak.