Daniɛl 5:21 - Krio Fɔs Oli Baybul

²¹ dɛn drɛb am kɔmɔt usay mɔtalman tap, ɛn in maynd tɔn to animal yon, ɛn i tap wit dɛn wayl dɔŋki dɛn; dɛn fid am wit gras lɛk kaw. In bɔdi bin de sok wit di dyu we de fɔdɔm kɔmɔt ɔp di klawd, te te i no se na PAPA GƆD we ay pas ɔl, de rul mɔtalman in kindɔm, ɛn na im de put udat in want fɔ rul oba kindɔm dɛn.

Daniɛl 5:21 Referans Kwoze

Daniɛl 4:25

Di lɔ se, dɛn go drɛb yu kɔmɔt usay mɔtalman dɛn tap, ɛn yu go tap wit di bist dɛn na di fil; yu go it gras lɛk kaw, ɛn di ali mɔnin smɔl smɔl wata we de fɔdɔm frɔm di klawd go sok yu; ɛn yu go de so fɔ sɛvin ia, te yu no se PAPA GƆD we ay pas ɔl de rul mɔtalman dɛn kindɔm ɛn i de gi am to udat i wan gi.

Izikɛl 17:24

Ɛn ɔl di tik dɛn na bush go no se na mi PAPA GƆD, de briŋ di ay tik kan dɔŋ, ɛn kɛr di tik we de dɔŋ go ɔp. Na mi de mek rɔ tik day, ɛn mek di dray tik frɛsh bak. Na mi PAPA GƆD dɔn tɔk am, ɛn a go du wetin a se.

Daniɛl 4:35

Ɔl udat tap na di wɔl nɔ min natin; ɛn i de du wetin i want wit ɔl di wan dɛn we de na ɛvin ɛn ɔl di wan dɛn we de na di wɔl; ɛn nɔbɔdi nɔ go ebul fɔ tap am ɔ aks am se, “Wetin yu de du?”

Daniɛl 4:17

Dis jɔjmɛnt ya, na di wachman dɛm, we na di oli wan dɛm, dɔn pas am wit di lɔ, so dat di wan dɛn we de alayv go no se PAPA GƆD we ay pas ɔl, de rul mɔtalman dɛn kindɔm, ɛn i kin gi udat i wan gi, ɛn sɛf, kin put di pɔsin we de dɔŋ na layf, pantap wanol kindɔm.

Daniɛl 4:37

Naw, mi Nɛbyukadnɛza, de prez ɛn es in nem ɔp, ɛn gi ɔna to di kiŋ na ɛvin, bikɔs ɔl wetin i de du kɔrɛkt ɛn ɔl wetin i de du nɔ gɛt bɛn bɛn; ɛn i de briŋ dɔŋ dɛn wan dɛn we de mek prawd.

Job 39:5

“Udat mek dɛn bush dɔŋki dɛn fri? Udat gi dɛn fridɔm,

Daniɛl 4:34

Wɛn dɛn tɛm dɛn de ɔl dɔn pas, mi Nɛbyukadnɛza es mi yay ɔp to ɛvin, ɛn mi sɛns bin kam bak ɛn a bin blɛs PAPA GƆD we ay pas ɔl, ɛn prez am ɛn gi am ɔna we di de sote go; bikɔs in pawa na pawa we de sote go ɛn in kindɔm de de frɔm jɛnareshɔn to jɛnareshɔn.

Daniɛl 5:18

Kiŋ, na PAPA GƆD we ay pas ɔl bin mek Nɛbyukadnɛza, we na yu papa, kiŋ, ɛn gi am pawa, gud nem ɛn rɛspɛkt.

Daniɛl 4:14

I ala lawd, lawd wan ɛn se, “kɔt di tik dɔŋ, ɛn kɔt in an dɛn ɔl, pul ɔl di lif dɛn, ɛn skata skata in frut dɛnsɛf; mek di animal dɛn rɔnawe kwik kwik wan kɔmɔt ɔnda di tik ɛn lɛ di bɔd dɛnsɛf flay kɔmɔt pan di an dɛn.

Daniɛl 4:22

Na yu mi kiŋ, we dɔn gro big ɛn pawaful. Yu pawa dɔn big te i dɔn rich di skay, ɛn yu kɔntrol sɛf dɔn kɔba di wanol wɔl.

Daniɛl 4:26

Ɛn as dɛn bin se fɔ lɛf di bɔtɔm pat pan di tik wit di rut dɛn, yu kindɔm go bi yu yon bak frɔm di tɛm we yu go no se na PAPA GƆD na ɛvin de rul.