Daniɛl 5:16 - Krio Fɔs Oli Baybul

¹⁶ Bɔt a yɛri se yu kin tɛl pipul wetin sɔntin min ɛn kin sɔlv prɔblɛm. Luk, if yu kin rid wetin rayt so, ɛn mek a no di minin, a go drɛs yu wit pɔpul, put gold chen na yu nɛk ɛn mek yu di nɔmba tri rula na dis kindɔm.”

Daniɛl 5:16 Referans Kwoze

Daniɛl 5:7

Nain di kiŋ ala lawd lawd wan se mek dɛn briŋ di lukgrɔn man dɛm, di Babilonian dɛm, ɛn di man dɛm we no bɔt mun ɛn sta. Dɔn di kiŋ tɛl ɔl di sɛnsman dɛm na Babilɔn se, “Ɛnibɔdi we ebul fɔ rid wetin rayt na di wɔl, ɛn tɛl mi wetin i min, a go mek i wɛr pɔpul klos, ɛn wan gold chen rawnd in nɛk, ɛn i go bi di nɔmba tri rula na di kindɔm.”

Daniɛl 5:29

Nain Bɛlshaza gi ɔda, so dɛn wɛr pɔpul klos pan Daniɛl ɛn put gold chen rawnd in nɛk, dɔn dɛn anawns se na im fɔ bi di nɔmba tri rula na di kindɔm.

Jɛnɛsis 40:8

Nain dɛn se dɛn ɔl tu drim, bɔt nɔbɔdi nɔ de de fɔ intaprit di drim dɛn. Josɛf aks dɛn if nɔto PAPA GƆD de gi sɛns fɔ intaprit drim. I se lɛ dɛn tɛl am dɛn drim.

Apɔsul Dɛn Wok 8:18

Wɛn Saymɔn si se Gɔd in Spirit kam pan di pipul dɛn we biliv Jizɔs wɛn Pita ɛn Jɔn put dɛn an pan dɛn ed, i pul kɔpɔ fɔ pe Pita ɛn Jɔn

Jɛnɛsis 41:15

Di kiŋ tɛl am se in drim wan drim bɔt nɔbɔdi nɔ ebul fɔ intaprit am fɔ am, bɔt dɛn tɛl am se i kin intaprit drim.

Jɛnɛsis 41:42

Di kiŋ pul in riŋ nain fiŋa we gɛt in mak pan am ɛn put am na Josɛf in fiŋa fɔ sho se i dɔn gɛt pawa. I wɛr fayn linin klos pan am, ɛn put gold chen rawnd in nɛk.

Daniɛl 2:6

Bɔt if una sho mi di drim ɛn in minin, a go gi una bɔku prɛzɛnt ɛn pe una ɛn gi una ay ay rɛspɛkt. So una sho mi di drim ɛn wetin i min.”

Daniɛl 2:48

Dɛn di kiŋ gi Daniɛl bibig ɔna ɛn bɔku bɔku big big prɛzɛnt dɛm, ɛn mek am rula oba di wanol Babilɔn prɔvins ɛn edman oba ɔl di sɛnsman dɛn na Babilɔn.

Daniɛl 6:2

I bin put tri prɛsidɛnt oba dɛn ɛn Daniɛl na bin wan. Na to dɛn di Rɛsidɛnt Minista dɛn fɔ ripɔt, so dat di kiŋ nɔ go lɔsis atɔl.