Daniɛl 5:13 - Krio Fɔs Oli Baybul

¹³ So dɛn briŋ Daniɛl kam bifo di kiŋ. Di kiŋ tɛl Daniɛl se, “Na yu na di Daniɛl we na wan pan di pipul, we di kiŋ, mi papa bin briŋ kɔmɔt Juda.”

Daniɛl 5:13 Referans Kwoze

Daniɛl 6:13

Nain di man dɛn ansa di kiŋ se, “Kiŋ, da Daniɛl we na wan pan di wan dɛn we kɔmɔt Juda, nɔ rɛspɛkt di lɔ we yu dɔn mek, bikɔs i de pre tri tɛm fɔ de.”

Daniɛl 5:11

Wan man de na yu kindɔm we gɛt di oli gɔd in spirit insay am. Di tɛm we yu papa na bin kiŋ, dɛn bin fɛnɔt se layt, ɔndastandin ɛn sɛns bin de pan dis man, lɛk di sɛns we di gɔd dɛn gɛt. Ɛn Kiŋ Nɛbyukadnɛza, yu papa, bin mek am di bigman pan ɔl di magik man, mɛrɛsin man, Babilonian ɛn man dɛn we no bɔt mun ɛn sta,

Daniɛl 2:25

So Ariɔk kɛr Daniɛl go to di kiŋ kwik kwik wan ɛn tɛl am se, “a dɔn fɛn wan man pan di wan dɛn we kɔmɔt Juda kam ɛgzayl, we go tɛl di kiŋ di minin,”

Jɔn 7:3

So Jizɔs in brɔda dɛn tɛl am se, “Kɔmɔt na dis tɔŋ go Judia, so dat dɛn pipul we de fala yu, go si di wɔndaful wok dɛn we yu de du.

Ɛzra 10:16

Ɛniwe, ɔlman bin gri to wetin dɛn ɔl se. So, Ɛzra di man we de mek sakrifays fɔ pipul sin, pik man dɛn frɔm di famili dɛn; i pik wan man frɔm ich famili ɛn rayt dɛn nem dɔŋ. Dɛn bigin du dɛn wok fɔ invɛstiget di mata di fɔs de insay di mɔnt we mek tɛn da ia de.

Ɛzra 6:16

Dɔn di Izrɛlayt dɛn, di man we de mek sakrifays fɔ pipul sin dɛn, di Livayt dɛn, ɛn ɔl di ɔda pipul dɛn we bin dɔn tɔn bak we kɔmɔt na Babilɔn dɛdiket PAPA GƆD in os, ɛn na so dɛn bin gladi.

Ɛzra 4:1

We di pipul dɛn na Juda ɛn Bɛnjamin dɛn ɛnimi dɛn yɛri se dɛn wan we dɛn bin kapchɔ dɔn kam bak ɛn de bil Izrɛl dɛn GƆD we na PAPA GƆD in os bak,

Jɔn 7:1

Wɛn dat dɔn, Jizɔs go ɔlɔbɔt na Galili; i nɔ bin want go ɔlɔbɔt na Judia, bikɔs di Ju bigman dɛn we bin lib de bin de wet fɔ kil am.

Daniɛl 8:27

Mi Daniɛl, bin fil wik ɛn sik lidɔm fɔ tu tri de; dɔn a bin grap ɛn bigin du di kiŋ in wok bak; bɔt di vishɔn bin shɔk mi ɛn a nɔ bin ɔndastand am atɔl.

Daniɛl 8:1

Insay di tɔd ia we kiŋ Bɛlshaza bin de rul, wan vishɔn bin kam to mi Daniɛl, afta dɛn fɔs wan dɛn.

Daniɛl 5:18

Kiŋ, na PAPA GƆD we ay pas ɔl bin mek Nɛbyukadnɛza, we na yu papa, kiŋ, ɛn gi am pawa, gud nem ɛn rɛspɛkt.

Daniɛl 5:2

Wɛn Bɛlshaza tes di wayn, i gi ɔda se lɛ dɛn briŋ di gold ɛn silva kɔp dɛn we in papa, Nɛbyukadnɛza bin tek na di tɛmpul na Jerusɛlɛm, so dat in di kiŋ ɛn in Rɛsidɛnt Minista dɛn ɛn in wɛf ɛn switat dɛn, go drink pan dɛn.

Daniɛl 2:48

Dɛn di kiŋ gi Daniɛl bibig ɔna ɛn bɔku bɔku big big prɛzɛnt dɛm, ɛn mek am rula oba di wanol Babilɔn prɔvins ɛn edman oba ɔl di sɛnsman dɛn na Babilɔn.

Daniɛl 1:21

Daniɛl bin de wok wit di kiŋ te di fɔs ia we kiŋ Sayrɔs kam na pawa.

Ɛzra 10:7

Dɛn sɛn mɛsej ɔlɔbɔt na Juda ɛn Jerusɛlɛm se ɔl dɛn wan we na ritɔni we kɔmɔt Babilɔn fɔ go gɛda na Jerusɛlɛm;

Daniɛl 1:1

Di ia we mek Jɛoiakim tri ia na pawa we in na bin kiŋ na Juda, Kiŋ Nɛbyukadnɛza we na bin kiŋ na Babilɔn, sɔrawnd ɛn atak Jerusɛlɛm.

Daniɛl 1:2

PAPA GƆD bin mek Nɛbyukadnɛza kapchɔ Jɛoiakim, Juda dɛn kiŋ, ɛn sɔm pan di oli tin dɛn we dɛn bin de yuz na PAPA GƆD in os. Nɛbyukadnɛza bin kɛr dɛn ɔl go nain gɔd in os na Shina, ɛn bin put di oli tin dɛn, na di ples we dɛn bin de kip dɛn gɔd in fayn fayn tin dɛn.

Daniɛl 5:14

A dɔn yɛri bɔt yu se yu gɛt di oli gɔd in spirit insay yu, ɛn yu gɛt layt ɛn ɔndastandin, ɛn gud gud sɛns.

Daniɛl 1:6

Pan dɛn yɔŋ man ya, dɛn bin pik Daniɛl, Ananaya, Mishɛl ɛn Azaraya, dɛn we kɔmɔt na Juda fambul.