Daniɛl 5:12 - Krio Fɔs Oli Baybul

¹² bikɔs dɛn bin fɛnɔt se dis Daniɛl we di kiŋ bin gi nem Bɛlshaza, gɛt spirit we nɔ de mek mistek insay am, wit sabi ɛn ɔndastandin fɔ tɛl drim dɛn minin, fɔ sho ridul dɛn ansa ɛn klia prɔblɛm. So lɛ dɛn kɔl Daniɛl kam ɛn i go sho dɛn di minin.”

Daniɛl 5:12 Referans Kwoze

Daniɛl 6:3

Dis Daniɛl ya bin bɛtɛ fafawe pas ɔl di ɔda prɛsidɛnt ɛn Rɛsidɛnt Minista dɛn, bikɔs i bin gɛt wan spirit we nɔ de mek mistek insay am; ɛn di kiŋ bin de plan fɔ put am oba di wanol kindɔm.

Daniɛl 5:14

A dɔn yɛri bɔt yu se yu gɛt di oli gɔd in spirit insay yu, ɛn yu gɛt layt ɛn ɔndastandin, ɛn gud gud sɛns.

Daniɛl 1:7

Di edman fɔ di okobo dɛn bin gi dɛn ɔda nem: i kɔl Daniɛl, Bɛlshaza, i kɔl Ananaya, Shedrak, i kɔl Mishɛl, Mishak ɛn kɔl Azaraya, Abɛdnigo.

Daniɛl 5:16

Bɔt a yɛri se yu kin tɛl pipul wetin sɔntin min ɛn kin sɔlv prɔblɛm. Luk, if yu kin rid wetin rayt so, ɛn mek a no di minin, a go drɛs yu wit pɔpul, put gold chen na yu nɛk ɛn mek yu di nɔmba tri rula na dis kindɔm.”

Prɔvabs 12:26

Pɔsin we de waka tret na PAPA GƆD in yay de gayd in padi, bɔt as fɔ bad pɔsin, nain bad de lid am astre.

Daniɛl 4:8

Afta sɔntɛm nain Daniɛl kam bifo mi, in we a bin gi nem Bɛlshaza, we na so mi gɔd nem, ɛn we i gɛt di oli gɔd dɛn spirit insay am

Di Sam Dɛm 16:3

As fɔ dɛn wan we de fala PAPA GƆD, we de na dis land, a de ɛnjɔy fɔ si wetin PAPA GƆD de du fɔ dɛn.

Prɔvabs 17:27

Udat gɛt sɛns nɔ de tɔk bɔku, semweso udat ebul kɔntrol insɛf, gɛt sɛns;

Lɛta Fɔ Kɔlɔse 1:29

Na di tin dis we a de swɛt fɔ du, ɛn a de yus di pawa we de insay mi, we Krays gi mi, we mek a ebul du wetin a de du so.

Daniɛl 4:19

Daniɛl we nem Bɛlshaza, bin wɔri fɔ sɔn tɛm, bikɔs wetin bin de kam nain maynd bin de mek i fred. Nain di kiŋ se, “Bɛlshaza, nɔ lɛ di drim ɔ in minin mek yu fred.” Bɛlshaza ansa se, “Kiŋ, mek dis drim ya bi fɔ di wan dɛn we nɔ wan si yu ɛn lɛ in minin bi fɔ di wan dɛn we nɔ lɛk yu!

Izikɛl 28:3

Fɔ tru tru, yu gɛt sɛns pas Daniɛl; nɔn sikrit nɔ ayd pan yu;

Daniɛl 2:26

Di kiŋ aks Daniɛl we in nem na Bɛlshaza, se, “Yu ebul fɔ mek a no di drim we a drim ɛn wetin in min?”

Daniɛl 1:17

As fɔ dɛn fo yɔŋ man ya, PAPA GƆD gi dɛn sɛns ɛn skil pan ɔl kayn tin we pipul rayt; ɛn Daniɛl bin no bɔt ɔl kayn vishɔn ɛn drim.

Daniɛl 6:4

So ɔl di ɔda prɛsidɛnt ɛn Rɛsidɛnt Minista dɛn bigin fɔ fɛn we fɔ kɔmplen bɔt Daniɛl pan di wok we i de du na di kindɔm; bɔt dɛn nɔ bin ebul fɔ fɛn natin fɔ kɔmplen bɔt ɔ fɔ tek fɛn fɔlt pan am, bikɔs i bin tret, ɛn nɔn mistek ɔ fɔlt nɔ bin de pan am.