Daniɛl 4:9 - Krio Fɔs Oli Baybul

⁹ ɛn a tɛl am di drim. A se, “Bɛlshaza, yu we na di chif pan ɔl di magikman bikɔs a no se di oli gɔd dɛn spirit de insay yu, ɛn nɔn mistri nɔ traŋa fɔ yu, na di drim dis we a bin si; tɛl mi wetin i min.

Daniɛl 4:9 Referans Kwoze

Daniɛl 5:11

Wan man de na yu kindɔm we gɛt di oli gɔd in spirit insay am. Di tɛm we yu papa na bin kiŋ, dɛn bin fɛnɔt se layt, ɔndastandin ɛn sɛns bin de pan dis man, lɛk di sɛns we di gɔd dɛn gɛt. Ɛn Kiŋ Nɛbyukadnɛza, yu papa, bin mek am di bigman pan ɔl di magik man, mɛrɛsin man, Babilonian ɛn man dɛn we no bɔt mun ɛn sta,

Daniɛl 2:48

Dɛn di kiŋ gi Daniɛl bibig ɔna ɛn bɔku bɔku big big prɛzɛnt dɛm, ɛn mek am rula oba di wanol Babilɔn prɔvins ɛn edman oba ɔl di sɛnsman dɛn na Babilɔn.

Daniɛl 4:8

Afta sɔntɛm nain Daniɛl kam bifo mi, in we a bin gi nem Bɛlshaza, we na so mi gɔd nem, ɛn we i gɛt di oli gɔd dɛn spirit insay am

Daniɛl 4:5

Nain a drim sɔn kayn drim we mek a fred; as a bin ledɔm na mi bed, di tinks dɛn we a de tink bɔt ɛn di vishɔn dɛn we a de gɛt, bin mek a fred.

Daniɛl 1:20

Ɛn ɛni kayn kwɛshɔn we di kiŋ aks dɛn pan sɛns ɔ sabi, dɛn bin bɛtɛ tɛn tɛm pas ɔl di magik man ɛn di mɛrɛsin man dɛn na di kiŋ in kindɔm.

Izikɛl 28:3

Fɔ tru tru, yu gɛt sɛns pas Daniɛl; nɔn sikrit nɔ ayd pan yu;

Jɛnɛsis 41:38

Ɛn i tɛl dɛn se, nɔbɔdi nɔ go ebul du di wok bɛtɛ pas Josɛf, we gɛt PAPA GƆD in spirit insay am

Daniɛl 4:18

Na dis drim ya, mi Nɛbyukadnɛza bin si. So, Bɛlshaza, tɛl mi wetin di drim min, bikɔs ɔl di sɛnsman dɛn na mi kindɔm nɔ ebul fɔ tɛl mi wetin di drim min; bɔt yu go ebul bikɔs di oli gɔd dɛn spirit de insay yu.”

Ayzaya 54:14

Bikɔs yu de waka tret na PAPA GƆD in yay, yu go tinap traŋa; nɔbɔdi nɔ go aras yu, bikɔs yu nɔ go fred; ɛn bad bad tin we go mek yu trimbul ɛn fred, nɔ go kam nia yu.

Ayzaya 33:18

Una maynd go tink bɔt tin dɛn we mek una fred bad bad wan; “We di pɔsin we bin de kɔnt, we di pɔsin we bin de we di kɔpɔ we dɛn gɛda?” We di pɔsin we bin de kɔnt di tawa dɛm”

1 Samiɛl 4:8

Dɛn se, “Wi dɔn alaki. Udat go pul wi kɔmɔt na dɛn gɔd ya dɛn an? Na di sem gɔd dɛn bin ib ɔlkayn waala pan di Ijipshian dɛn na di ɛmti land we pɔsin nɔ go ebul tap.”

Daniɛl 2:47

Di kiŋ tɛl Daniɛl se, “Fɔ tru tru, yu PAPA GƆD na im na di edman pan ɔl dɛn gɔd, ɛn na di big wan pan ɔl dɛn kiŋ, ɛn na im ebul fɔ pul mistri na do, bikɔs yu dɔn ebul pul dis mistri na do.”

Izikɛl 17:23

A go plant am na di ay mawnten na Izrɛl, so dat i go pul bɔku an ɛn bia frut, ɛn i go bi wan gud kwaliti sida. Ɛn ɔl kayn animal go tap ɔnda de; ɛn ɔl kayn bɔd go bil dɛn os na di shed we di branch dɛn mek.