Daniɛl 4:6 - Krio Fɔs Oli Baybul

⁶ So a gi wan ɔda se ɔl di sɛnsman dɛn na Babilɔn fɔ kam bifo mi, so dat dɛn go tɛl mi wetin di drim min.

Daniɛl 4:6 Referans Kwoze

Daniɛl 2:2

Nain di kiŋ sɛn kɔl ɔl di magikman dɛm, di luk grɔn man dɛm, di mɛrɛsin man dɛm ɛn di Babilonian dɛm, fɔ tɛl in di kiŋ di drim dɛm. So dɛn ɔl bin kam tinap bifo di kiŋ.

Ayzaya 8:19

Ɛn wɛn dɛn tɛl una se, “Go to dɛn lukgrɔn man ɛn dɛn majik man dɛn we de mek swit mɔt to una, de rid fasfas ɛn kwayɛt wan we yu nɔ de ɔndastand,” di pipul dɛn nɔ fɔ tɔk to dɛn Gɔd? Dɛm fɔ tɔk to dayman fɔseka pipul dɛn we gɛt layf?

Ɛksodɔs 7:11

So di kiŋ insɛf sɛn kɔl i sɛnsman dɛn, in lukgrɔn man dɛn, ɛn in majikman dɛn na Ijipt. Dɛn yuz dɛn yon pawa fɔ du di sem tin.

Daniɛl 5:7

Nain di kiŋ ala lawd lawd wan se mek dɛn briŋ di lukgrɔn man dɛm, di Babilonian dɛm, ɛn di man dɛm we no bɔt mun ɛn sta. Dɔn di kiŋ tɛl ɔl di sɛnsman dɛm na Babilɔn se, “Ɛnibɔdi we ebul fɔ rid wetin rayt na di wɔl, ɛn tɛl mi wetin i min, a go mek i wɛr pɔpul klos, ɛn wan gold chen rawnd in nɛk, ɛn i go bi di nɔmba tri rula na di kindɔm.”

Daniɛl 1:17

As fɔ dɛn fo yɔŋ man ya, PAPA GƆD gi dɛn sɛns ɛn skil pan ɔl kayn tin we pipul rayt; ɛn Daniɛl bin no bɔt ɔl kayn vishɔn ɛn drim.

Daniɛl 2:48

Dɛn di kiŋ gi Daniɛl bibig ɔna ɛn bɔku bɔku big big prɛzɛnt dɛm, ɛn mek am rula oba di wanol Babilɔn prɔvins ɛn edman oba ɔl di sɛnsman dɛn na Babilɔn.

Daniɛl 4:15

Bɔt lɛf di bɔtɔm say pan di tik wit di rut dɛn na di grɔn midul di yɔŋ gras na di fil, tay am wit ayɛn ɛn bras; lɛ i sok wit di ali mɔnin smɔl smɔl wata we de fɔdɔm kɔmɔt na ɛvin; lɛ in layf de wit di bist dɛn we lib pan di gras na grɔn.

Daniɛl 5:11

Wan man de na yu kindɔm we gɛt di oli gɔd in spirit insay am. Di tɛm we yu papa na bin kiŋ, dɛn bin fɛnɔt se layt, ɔndastandin ɛn sɛns bin de pan dis man, lɛk di sɛns we di gɔd dɛn gɛt. Ɛn Kiŋ Nɛbyukadnɛza, yu papa, bin mek am di bigman pan ɔl di magik man, mɛrɛsin man, Babilonian ɛn man dɛn we no bɔt mun ɛn sta,