Daniɛl 4:26 - Krio Fɔs Oli Baybul

²⁶ Ɛn as dɛn bin se fɔ lɛf di bɔtɔm pat pan di tik wit di rut dɛn, yu kindɔm go bi yu yon bak frɔm di tɛm we yu go no se na PAPA GƆD na ɛvin de rul.

Daniɛl 4:26 Referans Kwoze

Daniɛl 4:15

Bɔt lɛf di bɔtɔm say pan di tik wit di rut dɛn na di grɔn midul di yɔŋ gras na di fil, tay am wit ayɛn ɛn bras; lɛ i sok wit di ali mɔnin smɔl smɔl wata we de fɔdɔm kɔmɔt na ɛvin; lɛ in layf de wit di bist dɛn we lib pan di gras na grɔn.

Lyuk 15:21

Di pikin tɛl in papa se, ‘Papa, a dɔn sin to Gɔd ɛn a dɔn sin to yu. A nɔ fit fɔ mek yu kɔl mi yu pikin igen.’

Lyuk 15:18

A nɔ go sidɔm igen, a go go to mi papa ɛn tɛl am se, Papa, a dɔn sin to Gɔd ɛn a dɔn sin to yu.

Matyu 21:20

Wɛn di lanin bɔy dɛn si wetin bi, dɛn wɔnda. Dɛn se, “Wetin mek dis tik ya day wantɛm?”

Matyu 5:34

Bɔt naw a de tɛl una se: Una nɔ fɔ swɛ at ɔl, una nɔ fɔ se a swɛ to ɛvin, bikɔs na ɛvin Gɔd sidɔm fɔ rul.

Daniɛl 4:23

Ɛn as di kiŋ bin si enjɛl kɔmɔt ɛvin de kam dɔŋ ɛn de tɔk se, ‘kɔt di tik dɔŋ ɛn pwɛl am pata pata, bɔt lɛf di bɔtɔm say wit di rut na di grɔn pan di yɔŋ gras na di fil. Tay am wit ayɛn ɛn bras, ɛn lɛ di ali mɔnin smɔl smɔl wata we de fɔdɔm kɔmɔt na di klawd sok sok am; ɛn lɛ in layf de wit di bist dɛn na di fil te sɛvin ia pas’;

Daniɛl 2:37

Kiŋ, yu na di kiŋ we pas ɔl dɛn ɔda kiŋ, ɛn na yu PAPA GƆD na ɛvin dɔn gi di kindɔm, di pawa, di trɛnk, ɛn di gud nem ɛn rɛspɛkt.

Daniɛl 2:18

Ɛn i tɛl dɛm se mek dɛn beg PAPA GƆD na ɛvin lɛ i sɔri fɔ dɛn fɔ dis mistri ya, so dat Daniɛl ɛn in kɔmpin dɛn nɔ go day wit ɔl di ɔda sɛnsman dɛm na Babilɔn.

Daniɛl 2:19

Nain PAPA GƆD sho Daniɛl di mistri pan vishɔn na nɛt. So Daniɛl blɛs PAPA GƆD we de na ɛvin.

Daniɛl 4:31

As di wɔd de kɔmɔt na di kiŋ in mɔt so, wan vɔys we kɔmɔt na ɛvin se, Kiŋ Nɛbyukadnɛza, na yu gɛt dis wɔd. Di kindɔm dɔn kɔmɔt na yu an,

Daniɛl 4:37

Naw, mi Nɛbyukadnɛza, de prez ɛn es in nem ɔp, ɛn gi ɔna to di kiŋ na ɛvin, bikɔs ɔl wetin i de du kɔrɛkt ɛn ɔl wetin i de du nɔ gɛt bɛn bɛn; ɛn i de briŋ dɔŋ dɛn wan dɛn we de mek prawd.

Daniɛl 5:20

Na wɛn Nɛbyukadnɛza bigin fil se in bɛtɛ pas ɔlman ɛn in at bigin traŋa, nain i bigin mek prawd we mek dɛn pul am nain tron ɛn in rɛspɛkt bin dɔn;

Daniɛl 5:21

dɛn drɛb am kɔmɔt usay mɔtalman tap, ɛn in maynd tɔn to animal yon, ɛn i tap wit dɛn wayl dɔŋki dɛn; dɛn fid am wit gras lɛk kaw. In bɔdi bin de sok wit di dyu we de fɔdɔm kɔmɔt ɔp di klawd, te te i no se na PAPA GƆD we ay pas ɔl, de rul mɔtalman in kindɔm, ɛn na im de put udat in want fɔ rul oba kindɔm dɛn.