Daniɛl 4:25 - Krio Fɔs Oli Baybul

²⁵ Di lɔ se, dɛn go drɛb yu kɔmɔt usay mɔtalman dɛn tap, ɛn yu go tap wit di bist dɛn na di fil; yu go it gras lɛk kaw, ɛn di ali mɔnin smɔl smɔl wata we de fɔdɔm frɔm di klawd go sok yu; ɛn yu go de so fɔ sɛvin ia, te yu no se PAPA GƆD we ay pas ɔl de rul mɔtalman dɛn kindɔm ɛn i de gi am to udat i wan gi.

Daniɛl 4:25 Referans Kwoze

Daniɛl 4:17

Dis jɔjmɛnt ya, na di wachman dɛm, we na di oli wan dɛm, dɔn pas am wit di lɔ, so dat di wan dɛn we de alayv go no se PAPA GƆD we ay pas ɔl, de rul mɔtalman dɛn kindɔm, ɛn i kin gi udat i wan gi, ɛn sɛf, kin put di pɔsin we de dɔŋ na layf, pantap wanol kindɔm.

Jɛrimaya 27:5

“Na mi we tek mi gret pawa ɛn mi an we a opin wayd wayd wan, mek dis wɔl, di mɔtalman ɛn di animal dɛm we de na wɔl, ɛn a gi am to udat a fil se rayt to mi, fɔ gi.

Di Sam Dɛm 83:18

Lɛ dɛn ɔl no se, yu na PAPA GƆD di PAPA GƆD Ɔlmayti lɛ dɛn no se na yu waŋren na PAPA GƆD fɔ di wɔl.

Daniɛl 2:21

I de chenj di tɛm ɛn sizin dɛn; I de pul ɛn put kiŋ dɛn na pawa I de gi sɛns to di wan dɛn we gɛt sɛns ɛn sabi to di wan dɛn we ebul fɔ ɔndastand;

Di Sam Dɛm 106:20

Dɛn lɛf fɔ wɔship dis wɔndaful PAPA GƆD ɛn bigin wɔship di tin we dɛn mek lɛkɛ man kaw we na gras i de it.

Di Sam Dɛm 75:7

Na PAPA GƆD nɔmɔ de jɔj rayt; nain de put yu ɔp ɔ i put yu dɔŋ.

Di Sam Dɛm 103:19

PAPA GƆD dɔn mek in ay chia usay kiŋ kin sidɔm de na ɛvin, ɛn na de i de de fɔ rul di wanol wɔl.

Daniɛl 2:37

Kiŋ, yu na di kiŋ we pas ɔl dɛn ɔda kiŋ, ɛn na yu PAPA GƆD na ɛvin dɔn gi di kindɔm, di pawa, di trɛnk, ɛn di gud nem ɛn rɛspɛkt.

Daniɛl 2:47

Di kiŋ tɛl Daniɛl se, “Fɔ tru tru, yu PAPA GƆD na im na di edman pan ɔl dɛn gɔd, ɛn na di big wan pan ɔl dɛn kiŋ, ɛn na im ebul fɔ pul mistri na do, bikɔs yu dɔn ebul pul dis mistri na do.”

Daniɛl 4:2

A fil se i go gud fɔ lɛ a sho una di sayn ɛn wɔnda dɛn we PAPA GƆD we ay pas ɔl, bin du to mi.

Daniɛl 4:16

Mek in maynd chenj frɔm mɔtalman yon to animal yon; ɛn lɛ i de so fɔ sɛvin ia.