Daniɛl 4:2 - Krio Fɔs Oli Baybul

² A fil se i go gud fɔ lɛ a sho una di sayn ɛn wɔnda dɛn we PAPA GƆD we ay pas ɔl, bin du to mi.

Daniɛl 4:2 Referans Kwoze

Daniɛl 3:26

Nain Nɛbyukadnɛza kam nia di domɔt na di big big ovin we faya bin de kech bad bad wan ɛn se, “Shedrak, Mishak ɛn Abɛdnigo, PAPA GƆD we ay pas ɔl, in wokman dɛn, una kɔmɔt na di faya, ɛn kam na ya!” Nain Shedrak, Mishak ɛn Abɛdnigo kɔmɔt insay di faya ɛn kam na do.

Di Sam Dɛm 66:16

Ɔl udat de fred ɛn rɛspɛkt PAPA GƆD, una kam lisin! Mek a tɛl una ɔl wetin PAPA GƆD dɔn du fɔ mi.

Di Sam Dɛm 71:18

PAPA GƆD, duya, lɛkɛ aw a dɔn ol so ɛn mi ia ɔl dɔn wet nɔ ib mi oba, de wit mi lɛ a tɛl di nɛks jɛnareshɔn bɔt ɔl di wɔndaful tin we yu dɔn du ɛn tɔk bɔt aw yu gret to jɛnareshɔn we nɔ bɔn yet.

Di Sam Dɛm 51:14

PAPA GƆD, yu na mi Seviɔ nɔ mek a day bikɔs a kil pɔsin, dɔn a go tɔk ɛn siŋ ɔlsay aw yu gud.

Jɔshwa 7:19

Nain Jɔshwa tɛl Ekan se mek i nɔ lay to PAPA GƆD we na di PAPA GƆD na Izrɛl, lɛ i tɛl am wetin i du ɛn lɛ i nɔ ayd an.

Jɔn 4:48

Jizɔs tɛl di ɔfisa se, “Una nɔn nɔ go biliv mi pas nɔmɔ una si di wɔndaful wok dɛn we a de du.”

Daniɛl 4:17

Dis jɔjmɛnt ya, na di wachman dɛm, we na di oli wan dɛm, dɔn pas am wit di lɔ, so dat di wan dɛn we de alayv go no se PAPA GƆD we ay pas ɔl, de rul mɔtalman dɛn kindɔm, ɛn i kin gi udat i wan gi, ɛn sɛf, kin put di pɔsin we de dɔŋ na layf, pantap wanol kindɔm.

Daniɛl 4:24

Kiŋ, dis na di minin: na lɔ we di wan we ay pas ɔl dɔn pas ɛn i dɔn kech yu we na mi masta ɛn mi kiŋ.

Daniɛl 4:25

Di lɔ se, dɛn go drɛb yu kɔmɔt usay mɔtalman dɛn tap, ɛn yu go tap wit di bist dɛn na di fil; yu go it gras lɛk kaw, ɛn di ali mɔnin smɔl smɔl wata we de fɔdɔm frɔm di klawd go sok yu; ɛn yu go de so fɔ sɛvin ia, te yu no se PAPA GƆD we ay pas ɔl de rul mɔtalman dɛn kindɔm ɛn i de gi am to udat i wan gi.

Daniɛl 4:34

Wɛn dɛn tɛm dɛn de ɔl dɔn pas, mi Nɛbyukadnɛza es mi yay ɔp to ɛvin, ɛn mi sɛns bin kam bak ɛn a bin blɛs PAPA GƆD we ay pas ɔl, ɛn prez am ɛn gi am ɔna we di de sote go; bikɔs in pawa na pawa we de sote go ɛn in kindɔm de de frɔm jɛnareshɔn to jɛnareshɔn.

Daniɛl 5:18

Kiŋ, na PAPA GƆD we ay pas ɔl bin mek Nɛbyukadnɛza, we na yu papa, kiŋ, ɛn gi am pawa, gud nem ɛn rɛspɛkt.

Daniɛl 6:27

In de sev ɛn pul kɔmɔt pan trɔbul i de du wɔndaful tin dɛn na ɛvin ɛn na dis wɔl sɛf, in we dɔn sev Daniɛl lɛ di Layɔn dɛn nɔ it am.”

Daniɛl 7:25

I go tɔk bad tin bɔt PAPA GƆD we ay pas ɔl, ɛn i go mɔna dɛn wan dɛn we biliv pan PAPA GƆD ɛn i go tink fɔ chenj aw tin tan, ɛn di lɔ; ɛn i go gɛt di pawa fɔ tri ɛn di af ia.

Job 7:14

bɔt yu kin mek a drim bad drim ɛn sho mi tin dɛn we de mek a fred,

Di Sam Dɛm 65:9

Yu de sho wi aw yu bisin bɔt wi, yu de mek ren kam we go sok di grɔn fayn fɔ plant fɔ gro. Yu nɔ de ɛva mek wata dɔn; yu de gi wi tin fɔ it ɔltɛm, lɛkɛ aw nɔmɔ, yu se.

Daniɛl 2:1

Insay di sɛkɛn ia we kiŋ Nɛbyukadnɛza bin de na pawa, Nɛbyukadnɛza bin drim bɔku bɔku drim. In at bigin wɔri ɛn i nɔ bin de ebul slip.