Daniɛl 4:19 - Krio Fɔs Oli Baybul

¹⁹ Daniɛl we nem Bɛlshaza, bin wɔri fɔ sɔn tɛm, bikɔs wetin bin de kam nain maynd bin de mek i fred. Nain di kiŋ se, “Bɛlshaza, nɔ lɛ di drim ɔ in minin mek yu fred.” Bɛlshaza ansa se, “Kiŋ, mek dis drim ya bi fɔ di wan dɛn we nɔ wan si yu ɛn lɛ in minin bi fɔ di wan dɛn we nɔ lɛk yu!

Daniɛl 4:19 Referans Kwoze

Daniɛl 8:27

Mi Daniɛl, bin fil wik ɛn sik lidɔm fɔ tu tri de; dɔn a bin grap ɛn bigin du di kiŋ in wok bak; bɔt di vishɔn bin shɔk mi ɛn a nɔ bin ɔndastand am atɔl.

Daniɛl 7:28

‘Na so di wɔd go. As fɔ mi Daniɛl, di tin dɛn we a bin de tink, bin mek a de fred bad bad wan, ɛn mi fes in kɔla bin chenj; bɔt a bin kip ɔl dɛn tin ya na mi at.”

Daniɛl 4:24

Kiŋ, dis na di minin: na lɔ we di wan we ay pas ɔl dɔn pas ɛn i dɔn kech yu we na mi masta ɛn mi kiŋ.

Jɛrimaya 4:19

Di pen pasmak! Di pen pasmak! A nɔ go ebul bia igen! O mi at-kes! Mi at de bit fas fas; A nɔ go ebul bia; bikɔs a de yɛri di trɔmpɛt in sawnd, we na di alam fɔ wa.

1 Samiɛl 3:17

Ilaɛl se, “Wetin PAPA GƆD tɛl yu? Nɔ ayd am frɔm mi. Lɛ PAPA GƆD mek wetin fɔ mit mi, mit yu if yu ayd ɛnitin pan mi.”

Abakɔk 3:10

We di mawnten dɛn si wetin yu du, dɛn skyad; wata kɔmɔt ɔp klawd kam dɔŋ. Di wata we de ɔnda grɔn sɛf ala, ɛn bɔs kam pantap.

Daniɛl 7:15

“Ɛn as fɔ mi Daniɛl, mi spirit bin wɔri bad bad wan ɛn di vishɔn dɛn we a bin de tink bɔt, bin de mek a fred.

Daniɛl 5:12

bikɔs dɛn bin fɛnɔt se dis Daniɛl we di kiŋ bin gi nem Bɛlshaza, gɛt spirit we nɔ de mek mistek insay am, wit sabi ɛn ɔndastandin fɔ tɛl drim dɛn minin, fɔ sho ridul dɛn ansa ɛn klia prɔblɛm. So lɛ dɛn kɔl Daniɛl kam ɛn i go sho dɛn di minin.”

Daniɛl 2:26

Di kiŋ aks Daniɛl we in nem na Bɛlshaza, se, “Yu ebul fɔ mek a no di drim we a drim ɛn wetin in min?”

Daniɛl 1:7

Di edman fɔ di okobo dɛn bin gi dɛn ɔda nem: i kɔl Daniɛl, Bɛlshaza, i kɔl Ananaya, Shedrak, i kɔl Mishɛl, Mishak ɛn kɔl Azaraya, Abɛdnigo.

Jɛrimaya 29:7

Du ɔltin fɔ ɛp di siti we a dɔn sɛn una go ɛgzayl, ɛn pre to PAPA GƆD fɔ am, bikɔs na we di siti bɛtɛ, unasɛf go gɛt ɔl wetin una want.

1 Kiŋ 18:7

As Obadaya in de go, Ilayja mit am na rod. As i si Ilayja so i baw bifo am ɛn aks am se. “Masta, fɔ tru tru se na yu Ilayja a si so?”

1 Samiɛl 26:15

Devid ansa am bɔt aks am se if in nɔto man. Devid se nɔbɔdi nɔ de na Izrɛl we tɔf lɛk am bɔt aks wetin mek i nɔ gyad di kiŋ gud wan. Devid tɛl am se sɔmbɔdi bin go insay di kamp fɔ dɔnawe wit di kiŋ.

1 Samiɛl 24:8

Devid kɔmɔt insay di kev ɛn ala kɔl Sɔl. Wɛn Sɔl tɔn biɛn, Devid jɛs baw to am fɔ sho se i gɛt rɛspɛkt fɔ Sɔl.

1 Samiɛl 1:15

Ana tɛl am se i nɔ drɔnk. I ɛksplen se in na uman we tin de mɔna. I se i nɔ drink wayn ɔ bia bɔt dat i de tɛl PAPA GƆD wetin de mɔna am.

Ɛksodɔs 32:32

I beg am lɛ i fɔgiv dɛn sin, bɔt if i nɔ de du am, lɛ i pul in nem kɔmɔt nain buk,

Jɛnɛsis 32:18

i fɔ ansa am se, “Nain bɔbɔ Jekɔb gɛt dɛn. I se fɔ briŋ dɛn kam to in brɔda mista Isɔ fɔ prɛzɛnt, ɛn insɛf de biɛn dɛn de kam.”

Jɛnɛsis 31:35

Nain Rechɛl tɛl am se lɛ i nɔ vɛks pan am we a nɔ ebul grap, bikɔs i de si in piriɔd. So in papa luk ɔlɔbɔt bɔt i nɔ ebul fɛn dɛn.

Jɛnɛsis 40:12

Na de Josɛf tɛl am wetin di drim min. I se, di tri branch dɛn min tri de.

Daniɛl 2:37

Kiŋ, yu na di kiŋ we pas ɔl dɛn ɔda kiŋ, ɛn na yu PAPA GƆD na ɛvin dɔn gi di kindɔm, di pawa, di trɛnk, ɛn di gud nem ɛn rɛspɛkt.

Daniɛl 5:18

Kiŋ, na PAPA GƆD we ay pas ɔl bin mek Nɛbyukadnɛza, we na yu papa, kiŋ, ɛn gi am pawa, gud nem ɛn rɛspɛkt.

Daniɛl 5:19

Bikɔs ɔf di pawa we PAPA GƆD gi am, ɔl kayn pipul, neshɔn ɛn dɛn wan we de tɔk difrɛn difrɛn laŋwej bin de trimbul ɛn de fred am; udat Nɛbyukadnɛza wan fɔ kil, i kil. Udat i wan fɔ fri, i fri; udat i wan fɔ promot, i promot, ɛn udat i wan fɔ briŋ dɔn, i briŋ kam dɔŋ.