Daniɛl 4:18 - Krio Fɔs Oli Baybul

¹⁸ Na dis drim ya, mi Nɛbyukadnɛza bin si. So, Bɛlshaza, tɛl mi wetin di drim min, bikɔs ɔl di sɛnsman dɛn na mi kindɔm nɔ ebul fɔ tɛl mi wetin di drim min; bɔt yu go ebul bikɔs di oli gɔd dɛn spirit de insay yu.”

Daniɛl 4:18 Referans Kwoze

Daniɛl 5:15

Naw dɛn bin dɔn briŋ di sɛnsman dɛn ɛn di mɛrɛsin man dɛn kam bifo mi fɔ rid dis raytin, ɛn mek a no di minin; bɔt dɛn nɔ bin ebul tɛl mi wetin di raytin min.

Jɛnɛsis 41:8

We do klin i bin wɔri, so i sɛn kɔl ɔl in majikman ɛn sɛnsman dɛn we de na Ijipt. I tɛl dɛn in drim, bɔt nɔn pan dɛn nɔ bin ebul fɔ intaprit dɛn.

Daniɛl 5:8

Nain ɔl di kiŋ in sɛnsman dɛn tray bɔt dɛn nɔ bin ebul fɔ rid wetin rayt ɔ mek di kiŋ no di minin.

Jɛnɛsis 41:15

Di kiŋ tɛl am se in drim wan drim bɔt nɔbɔdi nɔ ebul fɔ intaprit am fɔ am, bɔt dɛn tɛl am se i kin intaprit drim.

Emɔs 3:7

PAPA GƆD we na GƆD, nɔ de wande du sɔntin we i nɔ de tɛl in savant dɛn we na prɔfɛt.

Daniɛl 2:7

Nain dɛn ansa bak di sɛkɛn tɛm se, “Lɛ di kiŋ tɛl in wokman dɛn di drim ɛn wi go tɛl yu wetin i min.”

Ayzaya 19:3

Ɛn di Ijipshian dɛm at go pwɛl ɛn a go kɔnfyus dɛn plan dɛm; ɛn dɛn go go fɛnɔt to di laylay gɔd dɛn ɛn di mɛrɛsin man, di luk grɔn man dɛm, ɛn di wichman dɛm, wetin go bi;

Jɛnɛsis 40:12

Na de Josɛf tɛl am wetin di drim min. I se, di tri branch dɛn min tri de.

Daniɛl 1:20

Ɛn ɛni kayn kwɛshɔn we di kiŋ aks dɛn pan sɛns ɔ sabi, dɛn bin bɛtɛ tɛn tɛm pas ɔl di magik man ɛn di mɛrɛsin man dɛn na di kiŋ in kindɔm.

Daniɛl 2:38

Ɛn i dɔn put ɔl mɔtalman in bɔypikin, di bist we tap na di fil ɛn di bɔd we de flay, na yu an, lɛ yu rul oba dɛn ɔl; i lɛk usay dɛn de. Na yu na da gold ed pan di imej.