Daniɛl 4:16 - Krio Fɔs Oli Baybul

¹⁶ Mek in maynd chenj frɔm mɔtalman yon to animal yon; ɛn lɛ i de so fɔ sɛvin ia.

Daniɛl 4:16 Referans Kwoze

Daniɛl 4:23

Ɛn as di kiŋ bin si enjɛl kɔmɔt ɛvin de kam dɔŋ ɛn de tɔk se, ‘kɔt di tik dɔŋ ɛn pwɛl am pata pata, bɔt lɛf di bɔtɔm say wit di rut na di grɔn pan di yɔŋ gras na di fil. Tay am wit ayɛn ɛn bras, ɛn lɛ di ali mɔnin smɔl smɔl wata we de fɔdɔm kɔmɔt na di klawd sok sok am; ɛn lɛ in layf de wit di bist dɛn na di fil te sɛvin ia pas’;

Rɛvɛleshɔn 12:14

Sɔmbɔdi bin gi di uman tu wiŋs, dat na da bɔd we dɛn kɔl igul, in big wan, in wiŋ dɛn, fɔ mek i flay go na di ples we de na di dɛzat, we dɛn bin dɔn kip fɔ am, dɛn go de mɛn am de fɔ tri ɛn af ia mek di dragɔn nɔ go ebul du am bad.

Daniɛl 4:25

Di lɔ se, dɛn go drɛb yu kɔmɔt usay mɔtalman dɛn tap, ɛn yu go tap wit di bist dɛn na di fil; yu go it gras lɛk kaw, ɛn di ali mɔnin smɔl smɔl wata we de fɔdɔm frɔm di klawd go sok yu; ɛn yu go de so fɔ sɛvin ia, te yu no se PAPA GƆD we ay pas ɔl de rul mɔtalman dɛn kindɔm ɛn i de gi am to udat i wan gi.

Ayzaya 6:10

Mek dɛn pipul ya dɛn at traŋa, ɛn dɛn yes dɛf, ɛn dɛn yay blɛn; ɔ nɔ so dɛn go si wit dɛn yay ɛn yɛri wit dɛn yes ɛn ɔndastand wit dɛn at, ɛn tɔn lɛ a go mɛn dɛn.”

Di Ibru Pipul Dɛn 1:11

Ɔltin we yu mek go dɔn, bɔt yu go de sote go; ɔl dɛn tin de go ol ɛn pwɛl lɛkɛ aw klos de ol ɛn pwɛl.

Daniɛl 12:7

Di man we bin wɛr linin klos we bin de ɔp say oba di watasay, es in rayt an ɛn lɛf an ɔp to ɛvin, ɛn a yɛri we i de swɛ wit di wan we nɔ de day in nem, se i go bi fɔ tri ɛn af ia. Dɔn i se, na wɛn di oli pipul dɛn pawa go dɔn, ɔl dɛn tin ya go dɔn bi.

Daniɛl 11:13

Di kiŋ na Siria go gɛda bɔku bɔku pipul bak we plɛnti pas di las tɛm; afta sɔm ia go dɔn pas, i go kam wit big big ami ɛn bɔku bɔku tin dɛn fɔ it wɛr ɛn fɛt.

Daniɛl 7:25

I go tɔk bad tin bɔt PAPA GƆD we ay pas ɔl, ɛn i go mɔna dɛn wan dɛn we biliv pan PAPA GƆD ɛn i go tink fɔ chenj aw tin tan, ɛn di lɔ; ɛn i go gɛt di pawa fɔ tri ɛn di af ia.

2 Samiɛl 18:32

Di kiŋ aks di Itiopian man if ɔltin ɔrayt wit Absalɔm. Di man se mek PAPA GƆD mek wetin bi to Absalɔm bi to ɔl di kiŋ in ɛnimi dɛn.

Daniɛl 7:28

‘Na so di wɔd go. As fɔ mi Daniɛl, di tin dɛn we a bin de tink, bin mek a de fred bad bad wan, ɛn mi fes in kɔla bin chenj; bɔt a bin kip ɔl dɛn tin ya na mi at.”