Daniɛl 4:14 - Krio Fɔs Oli Baybul

¹⁴ I ala lawd, lawd wan ɛn se, “kɔt di tik dɔŋ, ɛn kɔt in an dɛn ɔl, pul ɔl di lif dɛn, ɛn skata skata in frut dɛnsɛf; mek di animal dɛn rɔnawe kwik kwik wan kɔmɔt ɔnda di tik ɛn lɛ di bɔd dɛnsɛf flay kɔmɔt pan di an dɛn.

Daniɛl 4:14 Referans Kwoze

Matyu 3:10

Di aks we fɔ tek kɔt di tik dɛn rut dɔn rɛdi naw; ɔl dɛn tik we nɔ de bia gud tin fɔ it, dɛn go kɔt dɛn ɛn trowe dɛn na faya.

Daniɛl 4:23

Ɛn as di kiŋ bin si enjɛl kɔmɔt ɛvin de kam dɔŋ ɛn de tɔk se, ‘kɔt di tik dɔŋ ɛn pwɛl am pata pata, bɔt lɛf di bɔtɔm say wit di rut na di grɔn pan di yɔŋ gras na di fil. Tay am wit ayɛn ɛn bras, ɛn lɛ di ali mɔnin smɔl smɔl wata we de fɔdɔm kɔmɔt na di klawd sok sok am; ɛn lɛ in layf de wit di bist dɛn na di fil te sɛvin ia pas’;

Lyuk 3:9

Di aks we fɔ tek kɔt di tik dɛn rut dɔn rɛdi naw; ɔl dɛn tik we nɔ de bia gud tin fɔ it, dɛn go kɔt dɛn ɛn trowe dɛn na faya.”

Matyu 7:19

Dɛn go kɔt ɛni tik we nɔ de bia gud tin fɔ it ɛn trowe am na faya.

Daniɛl 4:12

In lif dɛn bin fayn ɛn in frut dɛn so bɔku dat ɔl man bin gɛt fɔ it. Ɔl dɛn animal dɛn na di fil bin gɛt kol ples fɔ lidɔn ɔnda di tik, ɛn di bɔd dɛn we di flay tap na di tik in an dɛn, ɛn ɔl kayn krichɔ bin ebul fɔ gɛt it pan di tik.

Daniɛl 3:4

Dɛn di man we bin de anawns, anawns lawd lawd wan se, “Di kiŋ in ɔda dɔn kɔmɔt se, ‘una pipul dɛn, una difrɛn neshɔn dɛn, una we de tɔk difrɛn, difrɛn laŋwej.

Rɛvɛleshɔn 18:2

I ala lawd wan se, “Babilɔn, da tɔŋ we ɔlman no, dɔn pwɛl, i dɔn pwɛl pata pata; na ɔl kayn bad spirit tap de naw, ɔl dɛn wan we kɔmɔt to Setan; dɛn bad bɔd we pipul nɔ lɛk na dɛn dɔn go gɛda de.

Rɛvɛleshɔn 10:3

I ala lawd wan wit vɔys we fiba layɔn vɔys. Wɛn i dɔn ala dɔn, di sɛvin tɛnda dɛn krak fɔ ansa am.

Daniɛl 5:20

Na wɛn Nɛbyukadnɛza bigin fil se in bɛtɛ pas ɔlman ɛn in at bigin traŋa, nain i bigin mek prawd we mek dɛn pul am nain tron ɛn in rɛspɛkt bin dɔn;

Jɛrimaya 51:9

Wi bin fɔ dɔn mɛn Babilɔn, bɔt i nɔ tek mɛn. Fɔsek am, lɛ wi ɔl go na wi difrɛn kɔntri dɛm; bikɔs in jɔjmɛnt dɔn rich ɔp na ɛvin ɛn dɔn rich di skay.

Jɛrimaya 51:6

“Una rɔnawe kɔmɔt Babilɔn, lɛ ɔlman sev inyon layf! Nɔ mek yu sɔfa pan in pɔnishmɛnt, bikɔs dis na di tɛm fɔ PAPA GƆD in rivɛnj we na di pemɛnt we i de gi am.

Job 24:20

Dɛn mama dɛnsɛf we bɔn dɛn, dɔn fɔgɛt bɔt dɛn; dɛn nɔ de mɛmba dɛn nem dɛnsɛf; so wikɛdnɛs kin nyamanyama lɛk we tik brok.

Izikɛl 31:10

Fɔseka dat, na dis PAPA GƆD se, bikɔs i bin ay ay lek tawa ɛn i bin mek in pantap de na di klawd dɛm; ɛn in at bin prawd bikɔs i ay bad bad wan,

Jɛrimaya 27:5

“Na mi we tek mi gret pawa ɛn mi an we a opin wayd wayd wan, mek dis wɔl, di mɔtalman ɛn di animal dɛm we de na wɔl, ɛn a gi am to udat a fil se rayt to mi, fɔ gi.

Daniɛl 2:21

I de chenj di tɛm ɛn sizin dɛn; I de pul ɛn put kiŋ dɛn na pawa I de gi sɛns to di wan dɛn we gɛt sɛns ɛn sabi to di wan dɛn we ebul fɔ ɔndastand;

Daniɛl 4:29

Afta twɛlv mɔnt, Kiŋ Nɛbyukadnɛza bin de waka pantap di flat ruf nain kiŋ os na Babilɔn.

Daniɛl 5:21

dɛn drɛb am kɔmɔt usay mɔtalman tap, ɛn in maynd tɔn to animal yon, ɛn i tap wit dɛn wayl dɔŋki dɛn; dɛn fid am wit gras lɛk kaw. In bɔdi bin de sok wit di dyu we de fɔdɔm kɔmɔt ɔp di klawd, te te i no se na PAPA GƆD we ay pas ɔl, de rul mɔtalman in kindɔm, ɛn na im de put udat in want fɔ rul oba kindɔm dɛn.