Daniɛl 4:1 - Krio Fɔs Oli Baybul1 Kiŋ Nɛbyukadnɛza de sɛn to ɔl di pipul dɛn, difrɛn difrɛn neshɔn dɛn we de tɔk difrɛn difrɛn laŋwej we tap na di wanol wɔl: Lɛ una ɔl gɛt bɔku bɔku kol at! Gade chapit la |
So a de pas wan lɔ: if ɛni pipul, neshɔn ɔ ɔl pan di wan dɛn we de tɔk difrɛn difrɛn laŋwej, tɔk ɛnitin bad bɔt Shedrak, Mishak ɛn Abɛdnigo dɛn PAPA GƆD, dɛn go chɛr chɛr dɛn an ɛn fut wan bay wan, ɛn dɛn go brok dɛn os kan dɔŋ kpatakpata, bikɔs nɔn ɔda gɔd nɔ de we ebul fɔ sev pɔsin dis kayn we ya!”
Dɛn kɔl di kiŋ in sɛktri dɛn insay di twɛnti-tri de na di tɔd mɔnt we nem Sivan ɛn dɛn rayt di mɛsej we Mɔdikay se bɔt di Ju dɛn, fɔ di gɔvna ɛn ɔda bigman dɛn frɔm India te rich Ithiopia dat na wan ɔndrɛd ɛn twɛnti-sɛvin prɔvins. Ɔl di prɔvins dɛn gɛt dɛn yon lɛta na di laŋwej we di pipul go ɔndastand ɛn di Ju dɛnsɛf gɛt dɛn yon lɛta na dɛn laŋwej.
Na di de we mek tɔtin insay di fɔs mɔnt, dɛn kɔl ɔl di kiŋ in sɛktri dɛn ɛn tɛl dɛn fɔ rayt ɔl wetin Eman se fɔ du. Dɛn rayt am to kiŋ in minista dɛn ɛn sɛn am to ɔl di gɔvna ɛn ɔda bigman dɛn na di difrɛn difrɛn prɔvins dɛn. Ɔl prɔvins gɛt in yon lɛta nain yon laŋwej. Dɛn put am de se na Kiŋ Zaksis rayt am ɛn dɛn yuz in riŋ fɔ stamp am.