Daniɛl 3:8 - Krio Fɔs Oli Baybul

⁸ Da tɛn de, sɔn pan di Babilonian dɛn bin go tɔk wit bad at se di Ju dɛn dɔn du bad.

Daniɛl 3:8 Referans Kwoze

Apɔsul Dɛn Wok 28:22

Bɔt wi go lɛk fɔ yɛri wetin yu biliv, bikɔs wi no se pipul de ɔlsay we de tɔk bad bɔt dis grup we yu dɔn go jɔyn.”

Daniɛl 2:10

Di Babilonian dɛn ansa di kiŋ se “Nɔn man nɔ de na dis wɔl we go ebul fɔ du wetin di kiŋ de aks; bikɔs nɔn big ɛn pawaful kiŋ dɔn ɛva aks ɛni magik man ɔ mɛrɛsin man ɔ Babilonian tin lɛk dis.

Ɛsta 3:6

Dis mek i plan nɔ fɔ dil wit Mɔdikay in wan we i bin dɔn no se na Ju. I disayd se in go dɔnawe wit ɔl di Ju ɛn uman dɛn we na Mɔdikay in pipul dɛn, we tap na Pashia.

Daniɛl 1:4

yɔŋ man dɛn we nɔ gɛt ɛni bɔt ɛn fɔ fayn, fɔ gɛt sɛns pan ɔltin, sabi buk gud gud wan, ebul fɔ lan kwik kwik ɛn go ebul wok na di kiŋ in kiŋ os. Ashpenaz fɔ tich dɛn aw fɔ rid ɛn rayt di Babilonian dɛn laŋwej.

Daniɛl 2:2

Nain di kiŋ sɛn kɔl ɔl di magikman dɛm, di luk grɔn man dɛm, di mɛrɛsin man dɛm ɛn di Babilonian dɛm, fɔ tɛl in di kiŋ di drim dɛm. So dɛn ɔl bin kam tinap bifo di kiŋ.

Daniɛl 3:7

So, as ɔl di pipul bin yɛri we di ɔn, flut, gita, trayaŋul, ap, wan wan flut we nem bagpayp, ɛn ɔl kayn muzik de ple, ɔl di pipul, neshɔn, ɛn we de tɔk difrɛn difrɛn, laŋwej, kin fɔdɔm ɛn wɔship di gold imej we kiŋ Nɛbyukadnɛza bin dɔn bil.

Daniɛl 4:7

So ɔl di magik man, mɛrɛsin man, Babilonian, ɛn man dɛn we no bɔt mun ɛn sta kam insay; ɛn a bin tɛl dɛn di drim, bɔt nɔn nɔ bin ebul fɔ mek a no di minin.

Daniɛl 6:4

So ɔl di ɔda prɛsidɛnt ɛn Rɛsidɛnt Minista dɛn bigin fɔ fɛn we fɔ kɔmplen bɔt Daniɛl pan di wok we i de du na di kindɔm; bɔt dɛn nɔ bin ebul fɔ fɛn natin fɔ kɔmplen bɔt ɔ fɔ tek fɛn fɔlt pan am, bikɔs i bin tret, ɛn nɔn mistek ɔ fɔlt nɔ bin de pan am.