Daniɛl 3:7 - Krio Fɔs Oli Baybul

⁷ So, as ɔl di pipul bin yɛri we di ɔn, flut, gita, trayaŋul, ap, wan wan flut we nem bagpayp, ɛn ɔl kayn muzik de ple, ɔl di pipul, neshɔn, ɛn we de tɔk difrɛn difrɛn, laŋwej, kin fɔdɔm ɛn wɔship di gold imej we kiŋ Nɛbyukadnɛza bin dɔn bil.

Daniɛl 3:7 Referans Kwoze

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Rɛvɛleshɔn 17:8

Di wayl bif we yu si bin gɛt layf fɔstɛm, bɔt i nɔ gɛt layf igen, i nɔ go te igen i go kɔmɔt na di ol we nɔ gɛt bɔtɔm, dɛn i go go na ples we dɛn go go kil am. Dɛn pipul we de na wɔl, we dɛn nem nɔ bin dɔn rayt bifo Gɔd mek di wɔl, na di buk we dɛn rayt dɛn pipul we gɛt layf sote go dɛn nem, dɛn ɔl go wɔnda wɛn dɛn de luk di wayl bif. I bin gɛt layf fɔstɛm, dɛn i day, bɔt i go kam bak.

Rɛvɛleshɔn 13:14

I mek ɔl di pipul dɛn na wɔl ful wit di tin dɛn we dɛn gi am pawa fɔ du bifo di fɔs wayl bif; dɛn tin ya bin mek pipul wɔnda. Di sɛkɛn wayl bif tɛl ɔl di pipul dɛn na di wɔl se mek dɛn mek sɔntin we dɛn go tek mɛmba ɛn rɛspɛkt di fɔs wayl bif we dɛn bin wund wit sɔd, bɔt nɔ bin day.

Rɛvɛleshɔn 13:8

Ɔl dɛn pipul na di wɔl go pre to di wayl bif, pas nɔmɔ if dɛn nem bin rayt na di Ship we dɛn kil, in buk. Bifo Gɔd mek di wɔl, nain dɛn pipul we gɛt layf sote go dɛn nem bin dɔn rayt na di Ship in buk.

Rɛvɛleshɔn 13:3

I bin tan lɛkɛ se sɔmbɔdi bin dɔn wund wan pan di wayl bif in ed dɛn, bɔt di wund we bin fɔ mek i day, bin dɔn wɛl. Di wan ol wɔl bin wɔnda, dɛn bigin fala di wayl bif.

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Jɔn In Fɔs Lɛta 5:19

Wi no se wi na Gɔd yon pipul, pan ɔl we Setan de rul di ol wɔl.

Jɛrimaya 51:7

Babilɔn na bin gold kɔp na PAPA GƆD in an, we mek ɔl di wanol wɔl drɔnk; di neshɔn dɛm drink pan in wayn, fɔseka dat, di neshɔn dɛm kres.

Apɔsul Dɛn Wok 14:16

Fɔs tɛm Gɔd bin de lɛf pipul to dɛnsɛf.

Daniɛl 2:46

Nain kiŋ Nɛbyukadnɛza fɔdɔm na grɔn ɛn sho Daniɛl rɛspɛkt ɛn gi ɔda se mek dɛn mek sakrifays to Daniɛl ɛn bɔn insɛns to am.

Daniɛl 3:4

Dɛn di man we bin de anawns, anawns lawd lawd wan se, “Di kiŋ in ɔda dɔn kɔmɔt se, ‘una pipul dɛn, una difrɛn neshɔn dɛn, una we de tɔk difrɛn, difrɛn laŋwej.

Daniɛl 3:5

Ɛnitɛm we una yɛri di ɔn, di flut, di gita, di trayaŋul, di ap, wan flut we nem bagpayp, ɛn ɛni ɔda kayn muzik de ple, una fɔ fɔdɔm flat ɛn wɔship di gold imej we kiŋ Nɛbyukadnɛza dɔn mek,

Daniɛl 3:6

ɛn dɛn go trowe ɛnibɔdi we nɔ fɔdɔm flat ɛn wɔship am insay wan big big ovin we faya de kech bad bad wan.”

Daniɛl 3:8

Da tɛn de, sɔn pan di Babilonian dɛn bin go tɔk wit bad at se di Ju dɛn dɔn du bad.

Daniɛl 3:10

Kiŋ, yu bin dɔn mek wan lɔ se wɛn ɔl man yɛri we di ɔn, flut, gita, trayaŋul, ap, wan flut we nem bagpayp ɛn ɔl kayn muzik de ple, dɛn fɔ fɔdɔm ɛn wɔship di gold imej;