Daniɛl 3:6 - Krio Fɔs Oli Baybul

⁶ ɛn dɛn go trowe ɛnibɔdi we nɔ fɔdɔm flat ɛn wɔship am insay wan big big ovin we faya de kech bad bad wan.”

Daniɛl 3:6 Referans Kwoze

Matyu 13:50

ɛn dɛn go sɛn di bad pipul dɛn go na ɛl faya, dɛn go kray bita wan ɛn bɛt dɛn tɔŋ de.”

Matyu 13:42

Ɛn di enjɛl dɛn go trowe di bad pipul dɛn na ɛl faya, ɛn dɛn go kray bita wan ɛn bɛt dɛn tɔŋ.

Jɛrimaya 29:22

Fɔseka dɛn, ɔl di wan dɛn we kɔmɔt ɛgzayl na Juda we de Babilɔn go de swɛ dis swɛ: “Lɛ PAPA GƆD mek yu tan lɛk Zɛdikaya ɛn Eab, we di kiŋ na Babilɔn bin ros na faya,”

Daniɛl 3:15

Luk ya, if una dɔn rɛdi fɔ fɔdɔm ɛn wɔship di imej we a bil, wɛn una yɛri di ɔn, flut, gita, trayaŋul, ap, wan flut we nem bagpayp ɛn ɔl kayn muzik, i go gud; bɔt, if una nɔ wɔship am, dɛn go trowe una wantɛm wantɛm insay wan big big ovin we faya de kech bad bad wan; us gɔd we go ebul sev una?”

Daniɛl 3:11

ɛn ɛnibɔdi we nɔ fɔdɔm ɛn wɔship, dɛn go trowe am insay wan big big ovin we faya de kech bad bad wan.

Rɛvɛleshɔn 14:11

Di faya nɔ go tap fɔ mek smok we go de tɔmɛnt dɛn sote go, so dɛn pipul we de pre to di wayl bif ɛn di tin we dɛn mek fɔ tek mɛmba ɛn rɛspɛkt am, ɛn we gɛt in mak nɔ go gɛt blo; de ɛn nɛt, dɛn go de pan tɔmɛnt.”

Rɛvɛleshɔn 9:2

Di sta opin di dip ol, na de plɛnti smok kɔmɔt insay de, lɛkɛ se na big big faya i de kɔmɔt; di san in layt nɔ shayn, bikɔs di smok mek di ples dak.

Mak 6:27

Di kiŋ sɛn soja man fɔ go kɔt Jɔn in ed kɔmɔt ɛn briŋ am kam. Di soja man go na di jel we Jɔn bin de, ɛn kɔt in ed kɔmɔt.

Matyu 4:9

Setan se, “A go gi yu ɔl dɛn tin ya, if yu nil dɔŋ ɛn se mi na yu masta.”

Daniɛl 6:7

Ɔl di prɛsidɛnt na di kindɔm, di ɔfisa ɛn di Rɛsidɛnt Minista dɛn, di kanselɔ ɛn di chif dɛn dɔn gri se, di kiŋ fɔ pas wan lɔ se, paopa ɛni pɔsin we pre fɔ ɛnitin to ɛni ɔda gɔd ɔ mɔtalman fɔ di nɛks tati dez, we nɔto yu nɔmɔ i pre to, dɛn fɔ trowe am insay usay dɛn layɔn dɛn de.

Daniɛl 3:21

So dɛn tay dɛn fo man dɛn de insay ɔl af kot, dɛn gawn, dɛn klos ɛn dɛn at we dɛn bin wɛr, ɛn trowe dɛm insay di bibig ovin we faya de kech bad bad wan.

Daniɛl 2:5

Nain di kiŋ ansa di Babilonian dɛn se, “Wetin mi se, nɛf kɔt. If una nɔ tɛl mi di drim ɛn wetin di drim min, dɛn go chɛr una an ɛn fut dɛn wan bay wan, dɔn a go mek dɛn brok una os dɛn kam dɔŋ kpatakpata.

Ayzaya 44:17

Dɔn i tek di balans mek gɔd, we nain laylay gɔd; dɔn i butu to am ɛn wɔship am; i de pre to am se, “Sev mi, bikɔs yu na mi gɔd!”

Ɛksodɔs 20:5

Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi;

Jɛnɛsis 19:28

I luk dɔŋ na Sɔdɔm ɛn Gomɔra ɛn di vali, ɛn si tik tik smok de kɔmɔt dɔŋ de. Di smok tan lɛkɛ we big big faya de kech.

Daniɛl 3:7

So, as ɔl di pipul bin yɛri we di ɔn, flut, gita, trayaŋul, ap, wan wan flut we nem bagpayp, ɛn ɔl kayn muzik de ple, ɔl di pipul, neshɔn, ɛn we de tɔk difrɛn difrɛn, laŋwej, kin fɔdɔm ɛn wɔship di gold imej we kiŋ Nɛbyukadnɛza bin dɔn bil.

Daniɛl 5:19

Bikɔs ɔf di pawa we PAPA GƆD gi am, ɔl kayn pipul, neshɔn ɛn dɛn wan we de tɔk difrɛn difrɛn laŋwej bin de trimbul ɛn de fred am; udat Nɛbyukadnɛza wan fɔ kil, i kil. Udat i wan fɔ fri, i fri; udat i wan fɔ promot, i promot, ɛn udat i wan fɔ briŋ dɔn, i briŋ kam dɔŋ.